यूहन्ना 13:1 - राना थारु नयाँ नियम

¹ यहूदीनको निस्तार तेवहार सुरु होनसे पहिले येशू जानलै, कि अपना संसार छोडके दौवा परमेश्वरके ठिन लौट जानको समय आनलागो हए। बा संसारमे भए अपन चेलनके सब दिन प्रेम करत रहए। और बा बिनके आखिरी समय तक अपनए कता प्रेम करी।

परमेस्वर को सच्चो वचन

¹ फसह के त्योहार से पहले, जब ईसु जान लई कि मेरो समय आए गौ है कि जौ दुनिया कै छोड़कै परम दऊवा परमेस्वर के झोने जाऊँ, तौ अपने लोगन से जो जौ दुनिया मैं रहैं जैसो बौ प्यार रख्खत रहै, आखरी तक बैसिये प्यार रख्खत रहो।

यूहन्ना 13:1 Referans Kwoze

यूहन्ना 12:23

जा बातमे येशू बिनके जबाफ दइ, “बो समय आइगओ हए, कि आदमीको लौंणाको महिमा, प्रकट होए।

1 यूहन्ना 4:19

हम परमेश्वरसे और एक-दुस्रेनसे प्रेम करत हएं, काहेकी सुरुमे परमेश्वर हमके प्रेम करी।

यूहन्ना 13:34

“अब मए तुमके एक नयाँ आज्ञा देत हओं: तुम एकदुस्रेके अपनए कता प्रेम करओ। जैसी मए तुमके प्रेम करत हओं, उइसियए तुम फिर एकदुस्रेसे उइसी प्रेम करओ।

यूहन्ना 16:28

मए दौवाके ठिनसे संसारमे आओ हओं, और अभए संसारके छोडके फिरसे दौवाके ठिन जानडटो हओं।”

यूहन्ना 13:3

परमेश्वर मोके सब चीजमे अधिकार दइ हए, कहान बारी बात येशूके पता रहए, और परमेश्वरसे आएके फिर परमेश्वर ठिन लौटरहो हओं, कहिके फिर बाके पता रहए।

यूहन्ना 18:4

तओ येशू बगियासे, बे सब बात जानके निक्रो जो बाके सँग होन बारो रहए, और बहेमारे अग्गु जाएके येशू बे आदमीनसे पुछी, “तुम कौनके ढुणत हओ?”

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

यूहन्ना 17:16

जैसे मए संसारसे सम्बन्धित नाए हओं, उइसीयए बे फिर संसारसे सम्बन्धित नाए हएं।

यूहन्ना 17:1

येशू अपने चलनसे जा बात कहेडारी तओ बा स्वर्ग उपर देखके कही, “हे दौवा, बो समय आइगओ हए, अपन लौंणासे महिमा प्रकट करदेओ ताकी लौंणा फिर तेरी महिमा करए।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

यूहन्ना 17:5

अब हे दौवा, अब अपनी उपस्थितिमे मेरी महिमा करओ, बहे महिमा जो संसारको उत्पत्तिसे पहिले तुमर सँग रहात पेती मेरे सँग रहए।”

मत्ती 26:45

तओ येशू चेलनके ठिन आएके बिनसे कही, “तुम हबएतक सोए रहेहओ और अराम कर रहेहओ? देखओ, समय ढिँगै आइगओ हए। आदमीको लौंणा पापीनके हातमे पणनलागो हए।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

हिब्रू 6:11

अल्छी मत् होबओ। पर कडा मेहेनत करन बारे कता तुम फिर जी प्रेमको काम धैर्यता और बिश्वाससे अन्त तक करेरहान पणत हए। और परमेश्वरको प्रतिज्ञा पानके ताहीं मजबुत आसरा होन पणत हए।

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।

रोमियों 8:37

पर जे सब खराब बातके उपर बाके द्वारा पुरा रुपसे जीत हम्रीए हए, जो हमसे प्रेम करत हए।

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

यूहन्ना 14:28

‘मए हियाँसे जानडटो हओं और फिरसे तुमर ठिन घुमके आमंगो’ कहिके मए कहो बात त तुम सुनिलए हओ। तुम मोके सच्चो रुपसे प्रेम करेहुइते त मए दौवा ठिन जात पेती तुम खुसी हुइते काहेकी मोसे त दौवा महान हए।

यूहन्ना 11:55

यहूदीनको निस्तार तेवहार ढिँगै रहए, और गाउँ-गाउँसे बहुत जनै अपनएके शुद्ध करनके ताहीं यहूदीनको निस्तार तेवहारको सुरु होनेसे अग्गु यरूशलेम सहरमे गए।

यूहन्ना 7:30

बहेमारे अगुवा ख्रीष्टके पकणन चाँहत रहएं, पर कोइ बाके नाए पकणीं, काहेकी बाको मरनको सही बेरा हबए नाए आओ रहए।

यूहन्ना 7:6

येशू बिनसे कही, “मिर ठिक समय अभए फिर नाए आओ हए। पर तुमर ताहीं त सब समय ठिक हए।

यूहन्ना 6:4

यहूदीनको निस्तार तेवहार और यहूदी समुहनको निस्तार तेवहार ढिँगै रहए।

लूका 22:53

मए रोजदिन यरूशलेमको मन्दिरमे तुमर सँग रहओं तुम मिर बिरुद्धमे हात नाए उठाए। पर अब तुमर समय जहेहए, और अन्धकारको शक्ति जहेहए।”

लूका 9:51

येशूको स्वर्ग जान बारो दिन ढिँगै आइगओ रहए, तओ बा यरूशलेम सहर घेन जान बिचार करी।

मत्ती 28:20

और बिनके सब आज्ञा जो मए तुमके दओ हओं, माननके सिखाओ और देखओ, मए संसारको अन्त तक सब दिन तुमर सँगमे हओं।”

यूहन्ना 8:20

जे सब बात येशू यरूशलेमको मन्दिरके आँगनमे शिक्षा देत पेती भेँटी चढान बारी कुठियाके अग्गु सिखात पेती कही रहए। पर कोइ बाके नाए पकणीं, काहेकी बाको दुख उठानको बेरा अभए नाए भओ रहए।

यूहन्ना 2:13

यहूदीनको निस्तार तेवहार ढिँगैए रहए, और येशू यरूशलेम सहरमे गओ।

यूहन्ना 13:29

बिनको रुपैयाकी थैली यहूदा इस्करियोतके जिम्मामे होनके कारणसे कित्तो आदमी, येशू बोके तेवहारके ताहीं सामान किननके पठाइ होबैगो कहिके सम्झीं। और कित्तो आदमी, गरीबनके कुछ देनके पठाइ होबैगो कहिके सम्झीं।

यूहन्ना 14:31

मए उइसीयए करत हओं, जैसे दौवा मोके आज्ञा देत हए। ताकी संसारके आदमीनके पता चलए, कि मए दौवासे प्रेम करत हओं। उठओ, अब हम जा ठिहासे जामएं।”

यूहन्ना 19:28

अब मिर सब काम निभटिगओ हए कहिके येशू जानी, और पबित्र-शास्त्रमे लिखो भओ बचन एक-एक करके सच साबित होबए कहिके येशू “मोके प्यास लागो हए” कहिके कही।