यूहन्ना 10:4 - राना थारु नयाँ नियम

⁴ और जब अपन सब भेंणा निकारके बो बिनके अग्गुअग्गु नेँगत हए, तओ भेंणा बोके पिच्छु-पिच्छु आत हएं, काहेकी भेंणा बोको अबाज चिनजात हएं।

परमेस्वर को सच्चो वचन

⁴ और जब बौ अपनी भेंड़न कै निकार चुको होथै, तौ बौ उनके अग्गु-अग्गु चलथै, और भेंड़ बाके पच्छू-पच्छू चल देथैं; काहैकि बे बाकी अबाज कै जानथैं।

यूहन्ना 10:4 Referans Kwoze

यूहन्ना 10:16

“अब जा खोणमे नाएभए मेरे और भेंणा हएं और मोके बिनके फिर लानके पणो हए। अगर बे मिर अबाज चिनपामंगे तओ मिर सब भेंणा एकए झुण्ड हुइके एकए बकरेहेराके होमंगे।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

यूहन्ना 18:37

पिलातस येशूसे पुछीं, “का तुम राजा हओ?” येशू जबाफ दइके कही, “तुमही कहात हओ, कि मए राजा हओं। मए जनम लेन और संसारमे आनको कारण जा हए, कि मए सत्यके बारेमे सिखाए पामओं। सत्यके पालन करन बारे सब मेरी बात सुन्तहएं।”

1 पतरस 2:21

परमेश्वर तुमके बुलानको एक कारण जा हए, कि तुम बाके ताहीं कष्ट उठाबओ। ख्रीष्ट, जौन तुमर ताहीं कष्ट उठाइ, बा तुमर उदाहरण हए। बहेमारे तुमके बाको दिखाओ भओ डगरमे नेँगन पणैगो।

1 पतरस 5:3

और सासक कता तुमर जिम्मामे दइ आदमीनके उपर हुकुम मत् चलाओ, पर बिनके ताहीं असल उदाहरण होबओ।

1 कोरिन्थी 11:1

जैसे मए ख्रीष्टको चाल चलत हओं, उइसी तुम फिर मिर जैसो चाल चलओ।

यूहन्ना 10:8

मोसे पहिले आन बारे सब चोर और डाँकु हएं, पर मिर भेंणा बिनको अबाज नाए सुनीं।

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 6:20

हमरे ताहीं येशू हमसे अग्गु जा ठाउँमे जाएके बैठिगओ हए। मल्‍कीसेदेक पुजारी कता, बा सब दिनके ताहीं प्रधान यहूदी पुजारी भओ हए।

इफिसियों 5:1

तुम परमेश्वरके प्यारे बच्चा हओ, जहेमारे तुमर ब्यबहार बाके स्वभाबके अनुसार होबए।

यूहन्ना 3:29

दुलहा दुल्हिनसे बेहा करलेतहए, पर दुलहाको बाहानुइँया बहेके ठिन ठाणो रहात हए, और दुलहाकी कही बात सुनके बो बहुत आनन्दित होतहए; उइसीयए मेरु मन आनन्दसे भरीगओ हए।

यूहन्ना 13:15

काहेकी मए तुमर ताहीं एक उदाहरण दिखाओ हओं, कि जैसो मए तुमर ताहीं करो हओं तुम फिर अइसियए करओ।

1 पतरस 4:1

जहेमारे ख्रीष्ट अपनो शरीरमे रहातए दुख भोगी, और तुम फिर बहे कता बिचार करके दुख उठान तयार होन पणत हए। काहेकी अगर तुम ख्रीष्टके ताहीं दुख उठान इच्छा करत हओ कहेसे, तुम पाप करन छोडनको फैसला करे हओ।

यूहन्ना 10:3

बोके ताहीं चौकीदार फाटक खोलदेत हए, और भेंणा बोको अबाज चिनजात हएं, और बो अपने भेंणनके नाउँ लैके बुलातहए, और बिनके बाहिर निकारत हए।

यूहन्ना 10:5

पर बकरेहेरा बाहेक औ कोइ बुलाइ कहेसे भेंणा बोको पिच्छु नाए आत हएं। बरु बोको अबाज नाए चिनपाएके भेंणा डरके मारे भागत हएं।”

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।