यूहन्ना 10:16 - राना थारु नयाँ नियम

¹⁶ “अब जा खोणमे नाएभए मेरे और भेंणा हएं और मोके बिनके फिर लानके पणो हए। अगर बे मिर अबाज चिनपामंगे तओ मिर सब भेंणा एकए झुण्ड हुइके एकए बकरेहेराके होमंगे।

परमेस्वर को सच्चो वचन

¹⁶ और मेरी औरौ भेंड़न के झुंड हैं, जो जौ की सार की नाय हैं; मोकै उन्हऊँ कै लानो जरूरी है, बे मेरी अबाज कै सुनंगी; तौ फिर बाद मैं एकै झुंड और एकै चुगान बारो बरदिया होगो।

यूहन्ना 10:16 Referans Kwoze

1 पतरस 2:25

पहिले, तुम बराने भए भेंणा कता रहओ। पर अब तुम अपनो प्राणनको और मण्डलीके रेखदेख करन बारे अगुवा और ख्रीष्टके ठिन घुमके आए हओ।

यूहन्ना 11:52

पर उनके ताहीं इकल्लो नाए हुइके, बा परमेश्वरके सन्ताननके ताहीं फिर मरैगो, जौन जा संसारमे तितरबितर हएं, ताकी बिनके एक ठाउँमे जमा करो जाए सकए।

यूहन्ना 6:37

जौन-जौनके दौवा मोके दइहए, बे मिर ठिन आमंगे। और जौन-जौन मिर ठिन आमंगे मए उनके कभु नाए छोडंगो

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।

यूहन्ना 10:11

मए बो बकरेहेरा हओं, जौन अपन भेंणनके बचानके ताहीं ज्यान देनके फिर तयार होत हए।

प्रकाश 3:20

सुन, तेरे हृदयमे घुसनके ताहीं मए घरके बहेर ठाणके और फाटक ढकढकान बारो आदमी कता हओं। अगर तए मिर अबाज सुनके अपनो हृदय खोलदेहए कहेसे मए भितर आमंगो और हम एकदुस्रेन सँग सबए मिल्के संगती करंगे।

1 पतरस 2:10

एकदाओं तुम परमेश्वरके प्रजा नाए रहओ, पर अब तुम परमेश्वरके प्रजा भए हओ। एकदाओं तुम परमेश्वरको कृपा नाए पाए रहओ, पर अब तुम जाके जानत हओ, काहेकी बा पहिलीए तुमके अपनो कृपा दिखाइ हए।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

मत्ती 17:5

पत्रुस मसकतए मसकत, चमकदार बादर बिनके तोपदइ, और बादरसे एक अबाज आओ, “जा मिर प्रिय लौंणा हए, जासे मए बहुत खुसी हओं, इनकी बात सुनओ।”

प्रेरित 22:14

तओ बो कही, ‘हमर दौवा-पुर्खाको परमेश्वर, तोके बाको इच्छा जाननके ताहीं, और धर्मी सेवक येशूके देखन ताहीं और बाको अबाज सुननके ताहीं तोके नियुक्त करीहए।

प्रेरित 18:10

मए तेरे सँगमे हओं और कोइ फिर तोके कुछु नाए करपहए। काहेकी जा सहरमे मेरे बहुत आदमी हएं जो मिर चेला बनंगे।”

प्रेरित 15:14

परमेश्वर अपनए दया करके गैर-यहूदी आदमीनके मनमे काम करके बिनके अपनो आदमी होनके ताहीं चुनी। सिमोन पत्रुस जा बात हबए सम्झाइ हए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

यूहन्ना 10:2

पर भेंणनको बकरेहेरा फाटकसे भितर घुसत हए।

1 पतरस 5:4

जब येशू ख्रीष्ट लौटके आबैगो, जो हमर प्रमुक बक्रेहेरा हए, तओ तुमके एक सुन्दर मुकुट देबैगो, जौनको चमक कभी फिर कम नाए होबैगो।

यूहन्ना 10:3

बोके ताहीं चौकीदार फाटक खोलदेत हए, और भेंणा बोको अबाज चिनजात हएं, और बो अपने भेंणनके नाउँ लैके बुलातहए, और बिनके बाहिर निकारत हए।

यूहन्ना 10:4

और जब अपन सब भेंणा निकारके बो बिनके अग्गुअग्गु नेँगत हए, तओ भेंणा बोके पिच्छु-पिच्छु आत हएं, काहेकी भेंणा बोको अबाज चिनजात हएं।

यूहन्ना 10:5

पर बकरेहेरा बाहेक औ कोइ बुलाइ कहेसे भेंणा बोको पिच्छु नाए आत हएं। बरु बोको अबाज नाए चिनपाएके भेंणा डरके मारे भागत हएं।”

यूहन्ना 17:20

“मए जे चेलनके ताहीं इकल्लो परमेश्वरसे प्राथना नाए करत हओं, पर उनके ताहीं फिर करत हओं जो जिनके सन्देशके द्वारा मोएमे बिश्वास करंगे,

रोमियों 11:25

हे बिश्वासी ददाभइया, मए नाए चाँहत हओं, कि तुम गैर-यहूदी अपने बारेमे बहुत घमण्ड करओ। जहेमारे इस्राएल देशके आदमीनके सँग का भओ हए बो रहस्य मए बतामंगो। जा सत्य हए, कि इस्राएल देशके बहुतसे आदमी बिश्वास करनके तयार नाए हएं, पर जब परमेश्वरके पिछा करन बारे गैर-यहूदी आदमीनकी संख्या पुरा हुइजएहए, तओ इस्राएल देशके आदमी बिश्वास करंगे और परमेश्वरके ठिन लौटके आए जामंगे।

लूका 15:8

फिर येशू एक औ कहानी कहिके बताइ, “अगर कोइ बैयारके ठिन दश चाँदीके सिक्का हएं और बो मैसे एक सिक्का हराएजाए, तओ बो दिया पजारैगी, और घरमे बढारैगी और तबतक ध्यानसे ढुणैगी जब तक बोके पबैगीनाए।