यूहन्ना 1:45 - राना थारु नयाँ नियम

⁴⁵ फिलिप नथानेलके भेँटके कही, “हमके बा आदमी भेँट हुइगओ हए, जौनके बारेमे मोशाको नियम कानुन और परमेश्वरके अगमबक्ता फिर लिखी रहएं, कि बा नासरत गाउँको योसेफको लौंणा येशू हए।”

परमेस्वर को सच्चो वचन

⁴⁵ फिलिप्पुस, नतनएल से मिलो और बासे कही, “जो की बात मूसा और भविस्यवक्ता नियम मैं करी है, बौ यूसुफ को लौड़ा, नासरत को ईसु है।”

यूहन्ना 1:45 Referans Kwoze

लूका 24:27

येशू बिनके पुरा पबित्र-शास्त्रमे भओ मोशाको नियम कानुनसे सुरु करके सब अगमबक्तनको किताबतक अपन बारेमे लिखो सब बात सम्झाइ।

मत्ती 2:23

और हुवँए नासरत गाउँमे जाएके बैठे। अइसीयए, जौन अगमबक्ता द्वारा येशूके बारेमे बताओ गओ रहए, “बासे नासरत गाउँसे आन बारो कहामंगे,” बो बात पुरा भओ।

लूका 24:44

और येशू बिनसे कही, “जब मए तुमर सँग रहओं, तओ मिर कहो बचन जहे रहए, कि जितनो बात मोशाको नियम कानुन, अगमबक्ता और भजनके किताबमे, मिर बारेमे लिखेहएं, बे सब बात पुरा होन जरुरी हए।”

लूका 4:22

सब जनै येशूको तारिफ करन लागे, और येशूके मुँहुँसे निकरो दयाको बचनमे छक्क पणे, और बे पुछीं “का जा योसेफको लौंणा हए?”

यूहन्ना 18:7

तओ बा फिरसे बिनसे पुँछी, “तुम कौनके ढुणत हओ?” बे कहीं, “नासरत गाउँको येशूके।”

मर्कूस 6:3

का जा बहे कट्ठा मिस्तरीको लौंणा नाए हए? का जा मरियमको लौंणा और योसेफ, यहूदा और सिमोन, याकूबको ददा नाए हए, जौनके हम चिनतहएं। का जाकी बहिनीया हमरी सँग नाए बैठत हएं, और बो बेरा बे येशूके बिश्वास करन इन्कार करीं।”

मत्ती 21:11

भिडके आदमी जबाफ दइं, “जे गालीलके नासरत गाउँसे आएभए अगमबक्ता, येशू हएं।”

प्रेरित 22:8

और मए पुँछो, ‘हे प्रभु, तुम कौन हओ?’ तओ बा मोसे कही, ‘मए नासरतको येशू हओं, जौनक तए सतात हए।’

प्रेरित 10:38

परमेश्वर नासरत गाउँको येशूके खटाएके अपनुवए पबित्र आत्मा और शक्ति बामे अख्नाइ। परमेश्वर येशूके सँग होएके कारण बा भलाइको काम करतए, शैतान लगे भएनके अच्छो करत सब ठाउँमे गओ।

यूहन्ना 21:2

सिमोन पत्रुस और दिदुमस कहान बारो थोमा, और गालीलको काना गाउँको नथानेल, और जब्दियाके दुई लौंणा और बाके चेला मैसे दुई जनै औ इकट्ठा रहएं।

लूका 2:4

योसेफ, राजा दाऊदको पिढीको हुइके कारण, बो गालील परदेशके नासरत गाउँसे यहूदिया परदेशको बेथलेहेम गाउँमे गए, काहेकी राजा दाऊद हुनै जन्मो रहए।

मर्कूस 14:67

और पत्रुसके आगी तापत देखके बोके निहारके देखके कही, “तए फिर नासरत गाउँको येशू सँग रहए।”

मत्ती 13:55

का बा कट्ठा मिस्तरीको लौंणा नाए हए? का इनकी अइयाकी नाउँ मरियम, और यिनको भइया याकूबको ददा, योसेफ, सिमोन और यहूदा नैयाँ।

प्रेरित 26:9

होन ता, मए फिर नासरतको येशूके बिरोध करन पणत हए कहिके सम्झे रहओं।

प्रेरित 3:6

तओ पत्रुस कही, “सोनोचाँदी मिर ठिन नाएहए, पर जो मिर ठिन हए, बहे मए तोके देहओं। नासरतके येशू ख्रीष्टके नाउँमे उठ और नेँग!”

प्रेरित 2:22

“इस्राएल देशके ददाभइयओ, मिर बात सुनओ। परमेश्वर येशू द्वारा तुमर बीचमे शक्तिशाली चमत्कारको काम करके अचम्मेको चिन्हा दिखाइ कहिके तुमके पतए हए। बे चिन्हनसे परमेश्वर, नासरतको येशूके अपनए पठाओ हओं कहिके प्रमाण दइ।

यूहन्ना 19:19

और पिलातस एक दोष-पत्र येशूक मुण उपर लिख्बाएके क्रूसमे लगाए दइ और बोमे अइसो लिखो रहए, “नासरत गाउँको येशू, यहूदीनको महाराजा।”

यूहन्ना 18:5

बे येशूके जबाफ दइके कहीं, “नासरत गाउँको येशूके।” येशू बिनसे कही, “मए बहे हओं।” और बाके पकणबान बारो यहूदा इस्करियोत फिर बिनके सँग ठाणो रहए।

यूहन्ना 6:42

बे कहीं, “का जा योसेफको लौंणा, येशू नाए हए? का जाके अइया और दौवाके हम चिन्त हएं? तओ कैसे जा कहात हए कि ‘मए स्वर्गसे आओ हओं?’”

लूका 3:23

येशू अपनो सेवाको काम सुरु करत पेती बा लगभग तीस वर्षको रहए। आदमी बाके योसेफको लौंणा हए कहिके कहात रहएं। योसेफ एलीको लौंणा रहए।

मत्ती 10:3

फिलिप और बारथोलोमाइ, थोमा और कर उठान बारो मत्ती, अल्फयसको लौंणा याकूब और थेदियस,

लूका 2:48

येशूके अइयादौवा येशूके देखके अचम्मो मानीं, और बाकी अइया कही, “हे लौंणा, तए हमके काहे अइसो करो? देख तिर दौवा और मए तोके ढुणत-ढुणत हैरान हुइगए।”

यूहन्ना 1:44

अन्द्रियास और पत्रुस बेथसेदा सहरमे बैठन बारे आदमी रहएं और फिलिप फिर बहे सहरको रहए।

यूहन्ना 6:5

जब येशू अपन चारौ घेन देखी तओ बा एक बहुत भरी भिड अपने घेन आत देखी, तओ फिलिपसे कही, “इनके खबानके ताहीं हम कहाँसे रोटी किनएं?”

यूहन्ना 6:7

फिलिप येशूके जबाफ दइ, “हिना भए सब आदमीनके थोरी-थोरी रोटी इकल्लो देहएं कहेसे फिर हमके आठ महिनाको देहाणी (दुई सओ चाँदीको सिक्का) से फिर नाए पुगैगो।”

यूहन्ना 12:21

बे गालील परदेशके बेथसेदा गाउँके रहान बारे फिलिपके ठिन आएके अइसे कहिके बिन्ती करीं, “देखओ सँगी, हम येशूके भेँटन चाँहत हएं।”

यूहन्ना 14:8

फिलिप येशूसे कही, “हे प्रभु, हमके दौवाके दिखाए देओ, जहेमे हम संतुष्ट हुइ जामंगे।”

लूका 18:37

आदमी बोसे कहीं, “नासरतको येशू इतैयएसे जाएरहो हए।”