यूहन्ना 1:18 - राना थारु नयाँ नियम

¹⁸ परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

परमेस्वर को सच्चो वचन

¹⁸ जो खुद परमेस्वर है और परम दऊवा के संग है, परमेस्वर उनकै दिखाई है।

यूहन्ना 1:18 Referans Kwoze

कलस्सी 1:15

कोइ परमेश्वरके नाए देख पातहए, पर जब परमेश्वरको लौंणा आदमी बनो, बा आदमीनके परमेश्वरके अग्गु प्रकट करी। और परमेश्वरसे सृष्टि भओ सब चीजके उपर बाके ठिन सबसे बडो अधिकार हए।

यूहन्ना 6:46

दौवा परमेश्वरके कोइ आदमी नाए देखी हए, महीँ इकल्लो हओं, जो परमेश्वरके घेनसे आओ हओं, जो बाके देखो हओं।

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

लूका 10:22

मिर दौवा सब कुछको जिम्मा दइ हए। लौंणा कौन हए करके दौवा बाहेक कोइ नाए जानत हए। दौवा कौन हए करके लौंणा बाहेक औ कोइ लौंणा बाके नाए जानत हएं। और जौनकमे बा लौंणाके दिखानके चाहैगो, और जौन आदमीमे, लौंणा अपन दौवाके दिखान चाहैगो, बो फिर परमेश्वरके जानत हए।”

1 यूहन्ना 4:12

कोइ कभु परमेश्वरके नाए देखी हए। पर हम एक-दुस्रेनके प्रेम करे कहेसे परमेश्वर हमर भितर रहात हए और बाको प्रेम हमरमे सिद्ध बनो होत हए।

1 तिमोथी 6:16

और सिरफ बहे इकल्लो हए, जो हमेसाके ताहीं जिन्दा हए, और बा इतनो चम्कन बारो उजियारोमे रहात हए, कि कोइ फिर बाके ढिँगै नाए आए पातहए। और नए बाके कोइ आदमी देखी हएं, और नए कभी देख पामंगे। बाकी महिमा और शक्ति सदा दिन रहाबए। आमेन।

1 यूहन्ना 4:9

परमेश्वर हमके अइसे प्रेम दिखाइ काहेकी परमेश्वर अपनो अकेलो लौंणाके संसारमे पठाइ, ताकी बाके द्वारा हमके कभी फिर नाश नाए होन बारो जीबन मिलए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

1 यूहन्ना 4:20

अगर कोइ कहाए, “मए परमेश्वरसे प्रेम करत हओं,” पर अपनो सँगी बिश्वासीके प्रेम नाए करत हए कहेसे बो ठग रहो हए। जौन, अपना देखसकन बारो सँगी बिश्वासीके प्रेम नाए करपात हए कहेसे, नाए देखपान बारो परमेश्वरके कैसे प्रेम करपाबैगो।

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

यूहन्ना 17:6

येशू कही, “मए तुमर नाउँमे बे आदमीनके जा बताओ हओं, कि तुम कौन हओ, जौनके संसारमे मोके दएहओ। बे तुमर रहएं और तुम बिनके मोके दए और बे तुमर शिक्षाके पालन करी हएं।

यूहन्ना 14:9

येशू बिनसे कही, “फिलिप! इत्तो दिनतक मए तुमर सँग रहो, तहुँफिर तुम मोके नाए चिनपाए? जौन मोके देखो हए, बो मिर दौवाके फिर देखडारी हए। मोके देखके फिर, तए मोसे काहे दौवाके दिखाएदे कहात हए?”

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 12:41

यशैया जा बात जाकेमारे कही, कि बो येशूकी भबिष्यकी महिमा देखी, और यशैया बाके बारेमे बात करी।

1 तिमोथी 1:17

अब अनन्तकालको राजा और नाए देखमिलन बारो एकए परमेश्वरके सदासर्वदा आदर और सम्मान होतए रहाबए। आमेन।

यूहन्ना 13:23

बाको चेला मैसे एक जनै जौनके येशू प्रेम करत रहए, बो येशूके ढिँगै बैठो रहए।

यूहन्ना 3:11

नेहात्तओ, मए तोसे कहात हओं, हम जो जानत हएं बहे कहात हएं, और हम देखत हएं बहेको गवाही देत हएं। पर हम जो कहात हएं, तुम बोके उपर बिश्वास नाए करत हओ।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।