याकूब 5:16 - राना थारु नयाँ नियम

¹⁶ जहेमारे तुम आपसमे एक-दुस्रेके अग्गु अपने-अपने पापके स्वीकार करलेओ; और एकदुस्रेके ताहीं प्राथना करओ, जोसे बो चंगाइ हुइजाए। धर्मी आदमीको प्राथना शक्तिशाली और प्रभावशाली होतहए।

परमेस्वर को सच्चो वचन

¹⁶ काहैकि तुम्हऊँ एक दुसरे के सामने अपने-अपने पापन कै मान लेबौ; और एक दुसरे के ताहीं प्रार्थना करौ, जोसे चंगे ही जाबौ; न्याई आदमी कि प्रार्थना को एक सक्तिसाली प्रभाव होथै।

याकूब 5:16 Referans Kwoze

मत्ती 21:22

बिश्वास करके परमेश्वरसे प्राथनामे जो माँगैगे बो तुम पाबैगे।”

यूहन्ना 9:31

हम जानत हएं, कि परमेश्वर पापीनको बात नाए सुनत हए, पर बा आदर करन बारो परमेश्वरको भक्त और बाकी इच्छा अनुसारको काम करन बारेनको बात सुन्तहए।

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

1 यूहन्ना 3:22

और जो कुछ हम परमेश्वरसे मागत हएं, बो हम परमेश्वरसे पातहएं, काहेकी हम बाकी आज्ञा मानत हएं। और बाके मन पणन बारो काम करत हएं।

प्रेरित 19:18

और जौन बिश्वास करीं रहएं, उन मैसे बहुत आदमी आएके खुलेआम अपनो खराब कामके स्वीकार करलैं।

1 थेसलोनिकी 5:17

निरन्तर प्राथना करतए राहओ।

हिब्रू 12:13

और इतएउतए देखनसे अच्छो, बरु तुम बो सुधो डगरमे जाओ जो येशूके ठिन पुगात हए, ताकी हमर बीचमे जो आदमी आत्मिक रितिसे कमजोर हएं, बे आदमी डगर नाए भुलएं। पर उनको बिश्वास मजबुत हुइजाबए।

1 थेसलोनिकी 5:25

हे मेरे बिश्वासी ददाभइयओ, हमरे ताहीं प्राथना करओ।

मत्ती 3:6

और अपन गलत काम स्वीकार करत यर्दन नदीयामे बिनसे बप्तिस्मा लेन लागे।

हिब्रू 13:18

हमर ताहीं प्राथना करतए रहाओ, काहेकी हमके जरुर पता हए, कि हमर बिबेक शुद्ध हए, और हम हर समय सही काम करन चाँहत हएं।

हिब्रू 11:7

बिश्वाससे नोआ नाउँ करोभओ आदमी कभीनाए देख भओ बहियाके बारेमे परमेश्वरसे चेतावनी पाएके बाको बडो आदरके साथ आज्ञापालन करके अपनो परिवारके बचान बारो पानीजहाज बनाइ। और नोआ बिश्वाससे पहिले, और संसारके बिश्वास नाए करन बारे आदमी दोषी ठहिरे और बिश्वाससे परमेश्वर नोआके धर्मी घोषित करी।

रोमियों 5:19

काहेकी जैसी एक आदमीके अनाज्ञाकारितासे बेढम जनै पापी ठहिरे, उइसीयए करके एक आदमीको आज्ञा माननसे बहुत आदमी धर्मी घोसित होमंगे।

रोमियों 3:10

जइसे कि पबित्र-शास्त्र कहात हए, “परमेश्वरको नजरमे कोइ फिर धार्मि नाए हए, एकौ नाए।

हिब्रू 11:4

बिश्वाससे आदमको लौंणा हाबिल परमेश्वरके अपनो ददा कयिनसे जद्धा ग्रहणयोग्य जानबरको बलिदान चढाइ, और बहेसे परमेश्वर हाबिलके धर्मी आदमीके रुपमे ग्रहण करी। हाबिलको चढाओ भओ बलिदान द्वारा परमेश्वर खुसी भओ कहिके दिखाइ। और हाबिल मरो, तहुँफिर परमेश्वरमे बिश्वास करनके बारेमे अभौफिर बो हमके सिखात हए।

प्रेरित 10:38

परमेश्वर नासरत गाउँको येशूके खटाएके अपनुवए पबित्र आत्मा और शक्ति बामे अख्नाइ। परमेश्वर येशूके सँग होएके कारण बा भलाइको काम करतए, शैतान लगे भएनके अच्छो करत सब ठाउँमे गओ।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

कलस्सी 1:9

जहेमारे जौन दिनसे जा बात हम सुनेहएं, हम तुमर ताहीं रोज प्राथना करत आनडटे हएं, कि परमेश्वरको आत्मा तुमके बुद्धि और समझ देबए, और परमेश्वर तुमके सम्पूर्ण रुपसे बाको इच्छा बुझनके ताहीं मदत करए।

लूका 9:6

तओ बे हुवाँसे बिदा भए, और अच्छो समाचार परचार करत और सब ठाउँमे रोगीनके अच्छो करत गाउँ-गाउँ गए।

मर्कूस 1:5

यहूदिया परदेशके सबए आदमी और यरूशलेमके आदमी निकरके, जंगली इलाकामे यूहन्नाको परचार सुननके ताहीं गए। जब बे अपन-अपन गलत कामके स्वीकार करीं तओ यर्दन नदीयामे बप्तिस्मा लइं।

प्रेरित 8:24

तओ सिमोन जबाफ दइके कही, “तुम मेरे ताहीं प्रभु येशूसे प्राथना करदेओ, और जो बात तुम मोसे कहेहओ, उन मैसे कोइ बात फिर मोके नाए लगए।”