हिब्रू 9:25 - राना थारु नयाँ नियम

^25-26 प्रधान यहूदी पुजारी हर साल जानबरनको बलि चढाओ भओ खुन लैके बो तम्भुको दुस्रो कोठामे जात हएं। पर ख्रीष्ट उइसो नाए करी। उइसो करन पणतो कहेसे संसारको सुरुवातसे ख्रीष्टके घरि-घरि अपनएके बलि करन पणतो। पर अब अन्त्यको समयमे बा एकए चोटीमे सबए जनैनके ताहीं आओ। ताकी बा अपनए बलि करके हमर पापके उठाए लैजाए।

परमेस्वर को सच्चो वचन

²⁵ जौ ना कि बौ अपने आपकै बार-बार चढ़ाबै, जैसो कि बड़ो-पुजारी हर साल जानवर को खून लैकै पवित्र जघा मैं घुसथै।

हिब्रू 9:25 Referans Kwoze

हिब्रू 9:12

ख्रीष्ट स्वर्गमे भओ महापबित्र ठाउँमे एकए चोटी सदामानके ताहीं प्रबेश करी। बा अपने सँग बक्रा और बछ्रनको खुन लैके नाए गओ। बाको बलि बाको अपनो खुन रहए, और जासे बो हमके पापसे सदाके ताहीं छुटकारा करदइ हए।

हिब्रू 9:7

पर वर्षमे एक चोटी इकल्लो प्रधान यहूदी पुजारी महापबित्र ठाउँमे जात रहएं। जब बे भितर जात रहएं, तओ बे अपने सँग जानबरको खुन लैके जात रहएं। बे बो खुन अपने पाप क्षमाके ताहीं, और आदमीनको अन्जानमे करोभओ पापके ताहीं परमेश्वरके बलि चढात रहएं।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

हिब्रू 10:19

जहेमारे हे बिश्वासी ददाभइया और दिदिबहिनियओ, येशू हमर ताहीं अपनो जीबन खुनको बलिदान करके कारणसे हम स्वर्गको महापबित्र ठाउँमे सहाससे घुस पातहएं।

हिब्रू 9:2

जा तम्भु जानबरनको खलरीसे बनो रहए। बो तम्भुके बीचमे, बे पर्दा टँगाएके दुई कोठा बनाए रहएं। पहिलो कोठामे सात एकन शाखा भओ सामदान रहए। हुवाँ एक टेबुल रहए जौनमे परमेश्वरके चढाओ भओ रोटी रहए। जा कोठासे पबित्र ठाउँ कहात रहएं।