हिब्रू 9:24 - राना थारु नयाँ नियम

²⁴ तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

परमेस्वर को सच्चो वचन

²⁴ काहैकि मसीह तौ बौ हाथ के बनाए भै पवित्र जघा मैं जो सच्चे पवित्र स्थान को नमूना है, नाय घुसो, लेकिन स्वर्ग मैं ही घुसो, ताकी हमरे ताहीं अब परमेस्वर के अग्गु दिखाई देबै।

हिब्रू 9:24 Referans Kwoze

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 9:23

जहेमारे पृथिवीमे भओ बो तम्भु और जामे भए सब चीज जानबरको खुनसे शुद्ध करन पणत रहए। जे चीज स्वर्गमे भए चीजको नक्कल इकल्लो हए। पर स्वर्गमे भओ सच्चो चिजनके रिति पुगाएके शुद्ध करनके ताहीं जानबरको खुनसे औ अच्छो बलिको जरुरी रहए।

हिब्रू 8:2

आदमीनके नाए, पर परमप्रभुको खडा करोभओ पबित्र ठाउँ जो स्वर्गमे हए, साँच्चो पबित्र बासस्थानमे बा सेवक होत हए।

यूहन्ना 16:28

मए दौवाके ठिनसे संसारमे आओ हओं, और अभए संसारके छोडके फिरसे दौवाके ठिन जानडटो हओं।”

कलस्सी 3:2

पृथ्वीके नाए पर स्वर्गमे, परमेश्वर तुमर ताहीं जो धरी हए, बोके ताहीं इच्छा करओ।

रोमियों 8:33

कोइ फिर हमर उपर परमेश्वरके अग्गु दोष नाए लगाए पएहए काहेकी बा बहे हए जो हमएं धर्मी घोसित करत हए।

प्रेरित 3:21

येशूके स्वर्गमे, बो समय तक रहानके जरुरी हए जब तक बे सब चिजनके परमेश्वर नयाँ नाए बनाए देए। बहुत समय पहिले परमेश्वर आदमीनके जा बात कहानके ताहीं पबित्र अगमबक्तनके द्वारा अइसे करनके प्रतिज्ञा करी।

लूका 24:51

और बिनके आशिष दइके उनसे अलग हुइगओ और स्वर्गमे उठाओ लैगओ।

मर्कूस 16:19

जब प्रभु येशू चेलनके जे सब बात कहेडारी, तओ परमेश्वर बाके स्वर्गमे उठाए लइ और बा परमेश्वरके सँग शासन करनके ताहीं परमेश्वरके दहिना घेन बैठिगओ।

मर्कूस 14:58

“जाके अइसे कहात हम सुनेहएं, ‘आदमीको बनाओ भओ जा मन्दिर मए उजाड देमंगो, और तीन दिनमे मए दुस्रो मन्दिर बनाए देमंगो।’”

प्रकाश 8:3

हुवाँसे, एक औ स्वर्गदूत आओ और धुपको बेदीके ठिन ठाणीगओ। बो स्वर्गदूत धुप जलानके ताहीं सोनोसे बनो भओ कटोराके लैके आओ, और बोके सब आदमीको प्राथनाके सहित जलानके ताहीं बहुत जद्धा धुप दओगओ। तओ बो धुप और आदमीनको प्राथना, परमेश्वरके सिंहासनके अग्गु सोनोको बेदीके उपर जलाए दइ रहए।

1 पतरस 3:22

और अब बा स्वर्गमे जाएके परमेश्वरको दाहिना हात घेन सबसे उच्च ठाउँमे बैठो हए, और बा सबए स्वर्गदूत और सबए अधिकारी और शक्तिनके उपर शासन करत हए।

हिब्रू 9:9

जासे जा प्रस्ट होत हए, कि चढाओ भओ बलिसे आराधनाको बिबेकके शुद्ध नाए बनाए पाबैगो।

हिब्रू 8:5

जे पुजारीनके करन बारो काम स्वर्गमे भओ महापबित्र ठाउँको नक्कल और छाहीं इकल्लो हए, पर स्वर्गमे भओ जैसो नाए। काहेकी जब मोशा तम्भु बनात रहए, तओ परमेश्वर मोशाके चेतावनी दइ रहए, “पहाडमे तोके दिखाओगओ ढाँचा अनुसार तए सब चीज बनैए।”

हिब्रू 6:20

हमरे ताहीं येशू हमसे अग्गु जा ठाउँमे जाएके बैठिगओ हए। मल्‍कीसेदेक पुजारी कता, बा सब दिनके ताहीं प्रधान यहूदी पुजारी भओ हए।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

यूहन्ना 6:62

उइसो हए कहेसे मए, आदमीको लौंणाके उपर स्वर्गमे जात देखैगे, जहाँ मए पहिले रहओं, तओ तुम का करैगे?

मत्ती 18:10

“देखओ, तुम जे छोटे मैसे कोइके फिर हेला मत् करीयओ; काहेकी मए तुमसे कहात हओं, कि स्वर्गमे बिनके स्वर्गदूत हमेसा मिर दौवाके सँग हएं।

2 कोरिन्थी 5:1

काहेकी हम जानत हएं, अगर पृथ्वीमे हमर सँग भओ अस्थायी शरीर नष्ट भओ कहेसे स्वर्गमे अनन्ततक रहान बारो परमेश्वरको दओ भओ हमर घर हए, जो हातसे नाए बनाओ गओ हए।

हिब्रू 4:14

स्वर्गमे जान बारो परमेश्वरको लौंणा येशू हए। बा हमर सबको सबसे भारी प्रधान यहूदी पुजारी हए। तभीमारे सब आदमीनके अग्गु ग्रहण करोभओ बिश्वासके थामके मजबुत होबओ।

हिब्रू 9:1

पुरानो करारमे आराधना सम्बन्धि कानुन इस्राएल देशके आदमीनके ताहीं रहए, और आदमीनको बनाओ भओ आराधना करनके ताहीं एक तम्भु फिर रहए।