हिब्रू 9:14 - राना थारु नयाँ नियम

¹⁴ जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

परमेस्वर को सच्चो वचन

¹⁴ तौ मसीह को खून जो अपने आपकै अनंत आत्मा के जरिया परमेस्वर के अग्गु निर्दोस चढ़ाई, तुम्हारे मन कै मरे भै कामन से काहे नाय सुद्ध करैगो, ताकी तुम जिंदे परमेस्वर की आराधना करौ।

हिब्रू 9:14 Referans Kwoze

हिब्रू 10:22

बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।

1 पतरस 1:19

पर ख्रीष्टको बहुमोल खुनसे किनेगए हओ, जो निर्दोष और निष्खोट भेंणा कता रहए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

हिब्रू 9:12

ख्रीष्ट स्वर्गमे भओ महापबित्र ठाउँमे एकए चोटी सदामानके ताहीं प्रबेश करी। बा अपने सँग बक्रा और बछ्रनको खुन लैके नाए गओ। बाको बलि बाको अपनो खुन रहए, और जासे बो हमके पापसे सदाके ताहीं छुटकारा करदइ हए।

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

हिब्रू 7:27

और हारूनको बंशके प्रधान यहूदी पुजारीन कता येशूके फिर रोजदिन बलि चढान जरुरी नाए हए। बा प्रधान पुजारीनके अग्गु अपन पापके ताहीं, और बोके पिच्छु दुस्रे आदमीनको पापके ताहीं बलिदान चढाइ। येशू अपन बलिदान दइके जा कामके सदादीनके ताहीं पुरा करदइ।

1 पतरस 4:2

परिणामके रुपमे बो आदमी जा पृथ्वीमे अपनो बाँकी जीबन अपनुवए पापी मानब इच्छा पुरा करके नाए जिइबैगो, पर बो परमेश्वरके चाहो भओ बात करैगो।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

हिब्रू 6:1

तभीमारे आओ, हम बो चीज सिखन बन्द करएं, जौन चीज हमके पहिले ख्रीष्टके बारेमे सिखाए गए रहएं। और गहिरो शिक्षा सिखएं, ताकी हमर बिश्वास परिपक्क हुइजाए। हमके फिरसे दुस्रो चोटी परमेश्वरमे बिश्वासके बारेमे और मृत्युके घेन लैजानको कामसे दुर होनको बारेमे सिखन सुरु नाए करन पणैगो।

रोमियों 6:13

और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

1 यूहन्ना 3:5

और तुम जानत हओ, कि येशू ख्रीष्ट पापनके हटानके ताहीं आओ, और बामे कोइ पाप नाए हए।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

हिब्रू 10:2

अगर मोशाको नियम कानुन बिनके सिद्ध बनाए पैतो कहेसे बलि चढान बारो काम बन्द हुइजैतो। परमेश्वरको आराधना करन बारे आदमी अपनो पापसे नेहात्तओ शुद्ध हुइते, और बे पापको दोषी भओ महसूस नाए करते।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

इफिसियों 2:5

हम खराब काम और पापनके कारण मरे रहएं, बा ख्रीष्टके सँग हमर सम्बन्धके कारण हमके आत्मिक जीबन प्राप्त करनको लायक बनाइ हए और परमेश्वरको अनुग्रहएसे तुमर उद्धार भओ हए।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

रोमियों 11:12

अगर उनको अपराध संसारके आदमीनको अनाज्ञाकरिता गैर-यहूदीनके ताहीं बडो आशिर्बादको कारण बनत हए, कहेसे बे पुरा रुपमे सामिल होन झन कित्नी अर्थपूर्ण बात हुइहए!

1 पतरस 2:22

पबित्र-शास्त्रमे लिखो हए, “बा कभी फिर पाप नाए करी, और बा कभी फिर कोइ झुट नाए मस्की।”

1 तिमोथी 1:17

अब अनन्तकालको राजा और नाए देखमिलन बारो एकए परमेश्वरके सदासर्वदा आदर और सम्मान होतए रहाबए। आमेन।

गलातियों 2:19

मए सम्झत हओं, कि मोशाको नियम कानुनको पालन करनसे मोके धर्मी घोषित नाए करोजाए सकत हए। जहेमारे मए अइसो मानत हओं, कि मए पबित्र-शास्त्रके ताहीं मरीगओ, ताकी मए परमेश्वरके ताहीं जिन्दा रहेपामओं।

2 कोरिन्थी 6:16

मूर्तिनसे परमेश्वरको मन्दिरसे का सम्बन्ध? काहेकी हम जीवित परमेश्वरके मन्दिर हएं, जैसे परमेश्वर पबित्र-शास्त्रमे कही हए, “मए बे आदमीनके सँग रहामंगो, और उनके बीचमे नेँगघुम करंगो; और मए उनको परमेश्वर होमंगो, और बे मेरे आदमी होमंगे।”

रोमियों 11:24

कोइ जंगली हँगाके कोइ अच्छो पेणको हिस्सा बनन स्वाभाबिक नाए हए। और तुम जो इस्राएल देशके आदमी नैयाँ, एक जंगली जैतूनको पेणसे कटो हँगा कता हए और एक अच्छो जैतूनको पेणमे कलमी करेगए। लेकिन बाँकी बे इस्राएल देशके आदमी बहे हँगा कता हएं जो अच्छे पेणसे बडो रहए, नेहात्तओ उनके फिरसे अपने पेणसे मिलाओ जाए सकत हए।

रोमियों 1:20

जबसे परमेश्वर संसारके बनाइ हए, आदमी बाको अनन्त सामर्थ्यके स्पष्ट रुपसे समझ सकत हए और जा फिर जान सकत हए, कि बा बस्ताबमे ईश्वरीय स्वभाबको हए। जे विशेषताके नाएदेखो जाए सकत हए। पर उनके जानो जाओ सकत हए। परमेश्वरके द्वारा बने गए चिजनके द्वारा आदमी परमेश्वरके बारेमे जा जान सकत हएं। जहेमारे बे आदमीनके ठिन अइसो कोइ बहाना नाए हए, कि बे परमेश्वरके नाए जान्तहोएं।

यूहन्ना 3:34

काहेकी जौनके परमेश्वर पठाइ हए, बा परमेश्वरको बात बत्कात हए: काहेकी परमेश्वर, पुरा रुपसे पबित्र आत्मा देतहए।

लूका 4:18

“परमप्रभुको आत्मा मिर उपर हए, काहेकी गरीबके अच्छो समाचार परचार करनके ताहीं बा मोके अभिषेक करीहए, कैदीनके छुटकाराको घोषणा करन, और अन्धरन्के दृष्टिदेन, कुच्ले भएनके स्वतन्त्र करान ताहीं,

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

हिब्रू 11:21

जब याकूब मरन लागो रहए तओ बिश्वाससे बो योसेफको दुनौको लौंणाके आशिष दइ। और अपनो लट्ठीको सहारा लैके झुकके परमेश्वरको आराधना करी।

हिब्रू 9:9

जासे जा प्रस्ट होत हए, कि चढाओ भओ बलिसे आराधनाको बिबेकके शुद्ध नाए बनाए पाबैगो।

प्रेरित 14:15

“ए आदमी, तुम का कार्त हओ? हम फिर त तुमही कता दुख सुख भोगेभए आदमी हएं, और तुमके अच्छो समाचार सुनात हएं, कि तुम जे व्यर्थ चीजसे अलग हुइके जिबित परमेश्वरके घेन आबओ, जो बादर, पृथ्वी और समुन्दर और जो कुछ फिर उनमे हएं, सबके बनाइ हए।

प्रेरित 10:38

परमेश्वर नासरत गाउँको येशूके खटाएके अपनुवए पबित्र आत्मा और शक्ति बामे अख्नाइ। परमेश्वर येशूके सँग होएके कारण बा भलाइको काम करतए, शैतान लगे भएनके अच्छो करत सब ठाउँमे गओ।

हिब्रू 9:7

पर वर्षमे एक चोटी इकल्लो प्रधान यहूदी पुजारी महापबित्र ठाउँमे जात रहएं। जब बे भितर जात रहएं, तओ बे अपने सँग जानबरको खुन लैके जात रहएं। बे बो खुन अपने पाप क्षमाके ताहीं, और आदमीनको अन्जानमे करोभओ पापके ताहीं परमेश्वरके बलि चढात रहएं।

1 तिमोथी 3:15

कि अगर मए आनमे देर करदेमओं कहेसे, हम जौन जिन्दा परमेश्वरके मण्डली हएं, हमके परमेश्वरको परिवारको सदस्यके रुपमे अपन जीबन कैसे जीइन पणत हए कहिके तए जानजैए। जैसे घरको जग और खम्मा घरके सहारा देत हए और बोके मजबुत बनाए रखात हए, उइसीयए मण्डलीके बिश्वासी सच्चो शिक्षाके सहारा देत हएं और मजबुत बनाए रहात हएं।

1 थेसलोनिकी 1:9

काहेकी बे आदमी दुस्रे जनैनके बतात हएं, कि जब हम तुमर ठिन आए तओ तुम कैसे हमर स्वागत करे। और जा फिर बतात हएं, कि कैसे तुम मूर्तिपुजाके छोडके परमेश्वर घेन घुमे, ताकी तुम जिन्दा और सच्चो परमेश्वरके सेवा करओ।

प्रेरित 1:2

येशू परमेश्वरद्वारा स्वर्गमे उठाए लैजानसे पहिले अपने चुनेभए चेलनके पबित्र आत्माकी मदतसे आज्ञा दइ।

लूका 12:28

पर आज फरन बारो और कल्ल आगीमे डुँगन बारो डुबर्राके परमेश्वर अइसो सजात हए कहेसे, का बो तुमके बहुत जद्धा करके तुमर रेखदेख नाए करैगो? तुमर बिश्वास इतनो कम काहे हए?

लूका 12:24

कौवाके बिचार करओ: बे नए त बोतहएं, नए काटत हएं, और बे नए त बक्खारी जमा करत हएं, तहुँफिर परमेश्वर बिनके खबात हए। तुम चिरैंचिरगुनीसे बहुत मूल्यवान हओ!

मत्ती 12:28

अगर मए परमेश्वरको आत्मासे भुत भजातहओं तओ परमेश्वरको राज्य तुमरमे आइगओ हए।

मत्ती 7:11

जहेमारेकी, तुम खराब हुइके फिर अपन लौंणालौंणीयाके अच्छो चीज देन जानत हओ कहेसे स्वर्गमे होन बारो तुमर दौवा बासे मागन बारेक कित्तो जद्धा करके असल चीज देहए।

रोमियों 1:4

और पबित्र आत्माके शक्तिसे, येशू ख्रीष्ट मरो भओ मैसे जीइ उठके परमेश्वरको आत्मामे सामर्थके साथ परमेश्वरको लौंणा ठहिरो हए।

मत्ती 16:16

सिमोन पत्रुस जबाफ दइके बासे कही, “तुम ख्रीष्ट हओ, जीवित परमेश्वरको लौंणा।”

प्रेरित 15:9

बा यहूदी और गैर-यहूदी आदमीनमे भेदभाव नाए करी। पर गैर-यहूदीके आदमी बिश्वास करीं और परमेश्वर बिनको मनके शुद्ध बनाइ।

1 कोरिन्थी 15:45

पबित्र-शास्त्रमे फिर जा लिखो हए कि, “पहिलो आदमी, अर्थात् आदम, जीवित प्राणी बनो” और आखरी आदमी जोकी ख्रीष्ट हए, बा बहे हए जो अनन्त जीबन देतहए।

हिब्रू 3:12

हे मेरे बिश्वासी ददाभइयओ, होश करओ, तुम मैसे कोइमे भओ दुष्ट और अबिश्वासी ह्रदय, तुमके जिन्दा परमेश्वरसे दुर नाए लैजाबए।

हिब्रू 7:16

कोइ खास आदमी अर्थात् लेबीको बंश हुइके नियम कानुनको कारण येशू पुजारी नाए बनो। पर बो अपनो जीबनको शक्तिके कारण पुजारी बनो, जौनको कब्ही अन्त नाए होत हए।

हिब्रू 10:12

पर ख्रीष्ट अपनो शरीर आदमीनको पाप उठाए लैजानके ताहीं एकए चोटी बलि भओ, जो सदामानके ताहीं प्रभावशाली हए। जा काम निभटके पिच्छु बा परमेश्वरको दहिना हात घेन उँचो सम्मानके ठाउँमे बैठो।

हिब्रू 13:12

जहेमारे, येशू फिर आदमीनके अपने खुन द्वारा पबित्र करनके ताहीं यरूशलेम सहरके बाहेर बो दुख उठाइ और मरो।