हिब्रू 4:11 - राना थारु नयाँ नियम

¹¹ जहेमारे हम जा बिश्रामको ठाउँमे घुसनके ताहीं कोसिस करएं। और कोइ फिर परमेश्वरको आज्ञापालन करनके अस्वीकार करन बारे आदमीनके नमुना नाए मानएं। तब्ही इकल्लो हम बो बिश्रामके ठाउँमे घुसपामंगे।

परमेस्वर को सच्चो वचन

¹¹ जहे ताहीं हम बौ विसराम मैं घुसन के ताहीं कोसिस करैं, ऐसो न होबै, कि कोई उनके हानी आग्या न मानकै गिरै।

हिब्रू 4:11 Referans Kwoze

हिब्रू 3:18

जब परमेश्वर कसम खाएके जा घोषणा करी रहए, कि बे बो ठाउँमे कभु नाए घुसन पामंगे, जौन ठाउँमे मए बिनके बिश्राम दतहओं। परमेश्वर बे आदमीनके बारेमे कहात रहए, जौन बाको आज्ञापालन करनके अस्वीकार करी रहएं।

लूका 13:24

“परमेश्वरके राज्यमे तागतसे भितर घुसन मुस्किल हए, काहेकी मए तुमसे कहात हओं, कि बहुतसे आदमी भितर घुसन कोसिस करंगे, पर भितर घुस नाए पएहएं।

हिब्रू 6:11

अल्छी मत् होबओ। पर कडा मेहेनत करन बारे कता तुम फिर जी प्रेमको काम धैर्यता और बिश्वाससे अन्त तक करेरहान पणत हए। और परमेश्वरको प्रतिज्ञा पानके ताहीं मजबुत आसरा होन पणत हए।

इफिसियों 5:6

कोइके फिर तुमके जा सुझाब दइके धोखा देन मतदेओ कि बास्ताबमे परमेश्वर बे आदमीनके दण्ड नाए देइगो जो अइसो पाप करत हएं।

हिब्रू 3:12

हे मेरे बिश्वासी ददाभइयओ, होश करओ, तुम मैसे कोइमे भओ दुष्ट और अबिश्वासी ह्रदय, तुमके जिन्दा परमेश्वरसे दुर नाए लैजाबए।

तीतुस 1:16

बे झुठे गुरु कहात हएं, कि हम परमेश्वरके जानत हएं, पर उनको ब्यबहार स्पष्ट रुपसे दिखात हए, कि बे परमेश्वरके नाए जानत हए, काहेकी बे घिनौने और आज्ञा नाए मानन बारे हएं, और बे कुछ अच्छो करनके लायक नाए हएं।

फिलिप्पी 2:12

जहेमारे हे मेरे प्रिय सँगीउ, जब मए तुमर सँग रहओं, तओ तुम सब परमेश्वरको आज्ञा मानतए रहे। अब मए तुमसे दुर भओ हओं, तहुँफिर तुमके जे बातके मानन पणैगो। और तुम सब जनै डरातए, और लग्लागात बे सब काम करओ जो तुमर ताहीं ठिक हए, जौन तुमके परमेश्वर मुक्ति दइ हए।

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

कलस्सी 3:6

काहेकी आदमी जे खराब काम करत हएं, कहेसे नेहात्तओ परमेश्वर बिनके कडा दण्ड देबैगो।

प्रेरित 26:19

जहेमारे, हे राजा अग्रिपास, स्वर्गसे आओ भओ जा दर्शन प्रति मए आज्ञाकारी भओ।

लूका 16:16

जब तक बप्तिस्मा देन बारो यूहन्ना आओ, तबतक मोशाको नियम कानुन और अगमबक्ता तुमके डगर देखन बारे रहएं। पर अब परमेश्वरको राज्यको अच्छो समाचार परचार भओ हए, और हरकोइ भितर जानके ताहीं उत्सुक हएं।

मत्ती 11:12

और जबसे बप्तिस्मा देन बारो यूहन्ना परचार करन सुरु करी, बो समयसे लैके हबएतक परमेश्वरको राज्य जोडसे फैलरहो हए, और बिरोधी आदमी जाके उपर हमला करत हएं।

मत्ती 7:13

“तुम केबल पतरो फाटकसे इकल्लो परमेश्वरके राज्यमे कुच पाबैगे, काहेकी चौणो फाटक सजिलो होत हए, बो डगर जो नरक घेन लैजात हए; और बहुत आदमी हएं, जौन चौणो डगरसे भितर घुसत हएं।

इफिसियों 2:2

बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।

यूहन्ना 6:27

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

हिब्रू 4:6

पहिले अच्छो समाचार सुनन बारे इस्राएल देशके आदमी अपन अनाज्ञाकारीताके कारणसे विश्रामको बो ठाउँमे घुस नाए पाइं। पर परमेश्वरको विश्रामको ठाउँमे घुसनके ताहीं हबए फिर मौका हए।

2 पतरस 2:6

तुमके जा फिर पतए हए, कि बहुत समय पहिले सदोम और गमोराके सहारमे बैठन बारे आदमीनके परमेश्वर दोषी ठहिराइ रहए, काहेकी बे गलत काम करी रहएं। बहेमारे बा भुवा नाए होनतक बिनके पुरा रुपम जलाइ। अइसे करके बा जा दिखाइ, कि बाके सँग नाए डरान बारे आदमीनके कैसो होबैगो।