हिब्रू 2:10 - राना थारु नयाँ नियम

¹⁰ परमेश्वर सब चीज सृष्टि करी और सब चीज बहेके हएं। जहेमारे बहुत आदमीनके बाको महिमामे सहभागी होन लैजानके ताहीं परमेश्वर निर्णय करी, कि मुक्तिको संस्थापक प्रभु येशूके दु:ख-भोगके माध्यमसे सिद्ध बनानो सही हए।

परमेस्वर को सच्चो वचन

¹⁰ काहैकि जोके ताहीं सब कछु है, और जोके जरिया सब कछु है, बाकै जहे अच्छो लगो कि जब बौ भौत से लौड़न कै महिमा मैं पहोंचाबै, तौ उनके उद्धार करन बारे कै दुख उठान के जरिये सिद्ध करै।

हिब्रू 2:10 Referans Kwoze

रोमियों 11:36

काहेकी सब कुछ परमेश्वरसे आत हए। बा सब कुछ बनाइ हए, और सब कुछ बहेके हएं। बा हमेसाके ताहीं सम्मान प्राप्त करनके चाहो। आमेन।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 6:20

हमरे ताहीं येशू हमसे अग्गु जा ठाउँमे जाएके बैठिगओ हए। मल्‍कीसेदेक पुजारी कता, बा सब दिनके ताहीं प्रधान यहूदी पुजारी भओ हए।

प्रेरित 5:31

बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।

लूका 24:46

और येशू बिनसे कही, “पबित्र-शास्त्रमे जा लिखो हए, कि ख्रीष्ट दु:ख उठाबैगो, और तिसरो दिनमे मर्के जिन्दा होबैगो,

लूका 24:26

जा जरुरी रहए, कि ख्रीष्ट जे सब दु:ख उठाबैगो और फिर अपनो महिमामे प्रबेश करैगो।”

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 कोरिन्थी 8:6

पर हमर ताहीं केबल एकए परमेश्वर हए: अर्थात् दौवा, जौनके घेनसे सब चीज हएं, और हम परमेश्वरके ताहीं हएं, और एकए प्रभु हए, अर्थात् येशू ख्रीष्ट जौनके द्वारा सब चीज भए, और जौनके द्वारा हमके जीबन दओगओ हए।

हिब्रू 7:28

काहेकी मोशाको नियम कानुन कमजोर आदमीनके, प्रधान यहूदी पुजारी नियुक्त करत हए, पर मोशाको नियम कानुनसे पिच्छु आन बारो कसम, परमेश्वरको लौंणाके, प्रधान पुजारी नियुक्त करी रहए। और बा सदिमानके ताहीं सिद्ध प्रधान पुजारी भओ हए।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

प्रकाश 4:11

“हे हमर प्रभु परमेश्वर, तुम सब चिजनके सृष्टि करे। तुमर इच्छा अनुसार बे बने गए और बे अस्तित्वमे हएं। तभीमारे तुम महिमा, आदर और शक्ति पानके लायक हओ।”

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

कलस्सी 3:4

जब ख्रीष्ट, जो तुमके नयाँ जीबन देत हए, जब बा जा पृथ्वीमे लौटके आबैगो, तओ तुम फिर बाके सँग दिखाइ देबैगे, और तुम बाके महिमामे सहभागी होबैगे।

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

रोमियों 9:23

काहेकी बा दिखान चाँहत रहए, कि बा कित्नो महान हए, जब बा आदमीनके उपर दया करी जौनके बा अपनी महिमामे भागीदार होनके ताहीं चुनी हए।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

प्रकाश 7:9

जाके पच्छु मए देखो, कि आदमीनको एक इतनी बणी भिड रहए, कि कोइ फिर बे सबके नाए गिनपैतो। बे संसारके हर जाति, कुल, राष्ट्र और भाषासे रहएं। बे सिंहासन और थुमाके ठिन ठाणे रहएं। बे सेतो लत्ता पैँधे रहएं और सबए आदमी अपने-अपने हातमे, खजुरिक हँगा पक्णे रहएं, जोकी सम्मानको चिन्हा रहए।

1 पतरस 5:1

मए हुवाँके मण्डलीके अगुवनके फिर कुछु कहान चाँहत हओं। काहेकी मए फिर तुमर कता एक अगुवा हओं। मए अपनए ख्रीष्टके मिलो भओ दुखके बहुत समय अग्गु देखो हओं। जब बा फिरसे लौटके आबैगो, मए फिर बाके महिमामे साझेदार होमंगो। अब मए तुमके आग्रह करत हओं,

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

हिब्रू 7:26

येशू हमके चाहो भओ प्रधान यहूदी पुजारीको राजा हए। बा पबित्र, निर्दोष, और शुद्ध हए। और परमेश्वर बाके पापी आदमीनसे अलग करके सबसे जद्धा आदरसे स्वर्गमे बैठाइ।

इफिसियों 2:7

परमेश्वर अइसो जाकेमारे करी ताकी आन बारो दिनन्मे बा संसारके आदमीनके दिखाए पाबए कि बाको अनुग्रह कित्नो महान हए। जो कुछ बा हमर ताहीं करीहए हमके जा अनुग्रह दिखाओगओ हए जो येशू ख्रीष्टके सँग एकतामे हएं।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

2 कोरिन्थी 5:18

जा सब परमेश्वरसे भओ हए, जौन हमके ख्रीष्टद्वारा अपने सँग फिरसे मेलमिलापमे लाइ, और बा हमके अपने बीचमे और आदमीनके बीचमे मेलमिलाप करान बारो सेवा दइ हए।

2 कोरिन्थी 4:17

हमर दुख अभौफिर थोरीए हएं और लम्बो समय तक नाए रहाबैगो। काहेकी बे दुख अनन्त महिमाके ताहीं होत हए, जौन हम कल्पना करन सिकनसे फिर जद्धा होत हए।

1 कोरिन्थी 2:7

पर जौन ज्ञानको हम बात करत हएं, बो ज्ञान परमेश्वरको ज्ञान हए जो लुको रहए। अबतक कोइ फिर जाके नाए जानत रहए। पृथ्वी बनानसे पहिलीयए परमेश्वर अपन ज्ञानसे निर्णय लैलै रहए, कि बा हमके अपन महिमामे साझेदार बनाबैगो।

यूहन्ना 19:30

जब येशू बो खट्टो रसाके चाखी, तओ कही, “अब मिर काम निभटिगओ,” और बा मुण झुकाएके अपन प्राण छोड दइ।

यूहन्ना 11:52

पर उनके ताहीं इकल्लो नाए हुइके, बा परमेश्वरके सन्ताननके ताहीं फिर मरैगो, जौन जा संसारमे तितरबितर हएं, ताकी बिनके एक ठाउँमे जमा करो जाए सकए।

लूका 13:32

येशू बिनसे कही, “जाएके बो आदमीके जो एक सेरा कता चलाँख हए बोसे कहीदेओ, कि देखओ, आज और कल मए भुतनके भगामंगो, और बिमारीनके अच्छो करंगो, और तिस्रो दिन मए अपन काम पुरा करलेमंगो।

लूका 2:14

“स्वर्गमे परमेश्वरको महिमा, और पृथ्वीमे बे आदमीनसे जौनसे बा प्रसन्न हए, बिनके शान्ति!”