हिब्रू 13:9 - राना थारु नयाँ नियम

⁹ हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

परमेस्वर को सच्चो वचन

⁹ कई तरहन की बाहरी सिक्छन से मत भरमाए जईयो, काहैकि मन से जिंदगी जीन के अनुग्रह से मजबूत रहनो अच्छो है, न कि बे खानबारी चीजन से जिनसे मतलब रखन बारेन कै कछुए फायदा नाय भौ।

हिब्रू 13:9 Referans Kwoze

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

इफिसियों 5:6

कोइके फिर तुमके जा सुझाब दइके धोखा देन मतदेओ कि बास्ताबमे परमेश्वर बे आदमीनके दण्ड नाए देइगो जो अइसो पाप करत हएं।

रोमियों 14:6

जोकोइ फिर कोइ दिनके खास मानत हए बो जाकेमारे करत हए, काहेकी बो प्रभुको आदर करन चाँहत हए: जो बुट्टी खात हए बो प्रभुके ताहीं खात हए काहेकी बो परमेश्वरके धन्यबाद देतहए। और जो बुट्टी नाए खात हए, बो फिर परमेश्वरके धन्यबाद दइके बाको आदरके ताहीं नाए खात हए।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

प्रेरित 20:30

हियाँतककी तुमर अपने बिश्वासी समुह मैसे भणकान बारी बात मस्कन बारे आदमी आमंगे। और बे चेलनके अपने पिच्छु लैजामंगे।

यहूदा 1:12

जब जे आदमी प्रभुको प्रेम याद करके तुमर भोजमे तुमर सँग खात हएं, बे डर लगन बारो चट्टान कता हएं जो समुन्दर भितर लुके होत हएं और बे तुमके डुबान सिकत हएं। बे सरम नाएभए बक्रेहेरा कता हएं, जौन अपनो इकल्लो ख्याल करत हएं। बे बो बद्रि कता हएं, जौन सुखो जमिनमे बिना बर्षे ब्यार उणाएके लैजात हए। बे फरन बारे बे रुखा कता हएं, जो दुई चोटी मरचिके होत हएं, काहेकी बे कोइ फरा नाए देत हएं और जरएसे उख्डे रहात हएं। बो कहोक, बे पुरो मुस्किलमे हएं।

1 तिमोथी 6:20

हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

यहूदा 1:3

मेरे प्यारे सँगीउ, हम सब सामिल भए, येशू ख्रीष्टसे आन बारो हमर मुक्ति और नयाँ जीबनके बारेमे लिखनके चाँहत हओं। पर अब मए जा चिट्ठीके माध्यमसे तुमके उत्साहित होन आग्रह करत हओं, ताकी तुम ख्रीष्ट येशुमे भए बिश्वासीके स्थिर करनके औ कडा परिश्रम करपाबओ। परमेश्वर अपने आदमीनके जा बिश्वास एकए चोटीमे दएडारी हए, और जाके नाए बदलाओ जाए सकत हए।

2 थेसलोनिकी 2:17

मए प्राथना करत हओं, के बे तुमर मनके उत्सहासे भरएं, और जो अच्छो हए, बोके हमेसा करतए रहानके ताहीं तुमके मजबुत करएं।

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 24:4

तओ येशू बिनके जबाफ दइ, “होसियार रहियओ, कोइ तुमके बहकाए नाए पाबए।

कलस्सी 2:4

जा मए जहेमारे कहात हओं, कि कोइ आदमी तुमके अपनो झुठो शिक्षामे नाए फसाए पाबए।

2 कोरिन्थी 1:21

परमेश्वरए हमके तुमर सँग ख्रीष्टमे मजबुत बनाइ हए और हमके चुनी हए।

1 कोरिन्थी 8:8

जा सच हए, कि जो खानु हम खात हएं बहेसे हमके परमेश्वरको सहमति नाए मिलसकत हए। अगर हम बोके नाए फिर खएहएं तहुँ हम कुछ नाए खोत हएं। और अगर खामंगे तहुँफिर हम कछु नाए पामंगे

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

रोमियों 14:2

काहेकी एकके बिश्वास हए, कि सब कुछ खान ठिक हए, पर जो बिश्वासमे कमजोर हए, बो सागसब्जी इकल्लो खात हए।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

2 थेसलोनिकी 2:2

अगर तुम सुनत हओ, कि प्रभुको दिन पहिलीयएसे आइगओ हए, तओ तुम मत् घबणीयाबओ या मतडराओ। काहेकी कोइ अइसो एक भबिष्यबाणीके रुपमे या एक सन्देशमे या एक कोइ चिट्ठीमे कहे सकत हए, जैसेकी बो हमरे घेनसे आओ हए।

1 कोरिन्थी 6:13

तुम मैसे कोइ कहे सकत हए, “खानु शरीरके ताहीं, और शरीर खानुके ताहीं हए,” बो ठिक हए, पर परमेश्वर हमरे शरीर और हमरे खानु दुनौ नष्ट करदेबैगो। शरीर व्यभिचारके ताहीं नाए, बल्कि हमर शरीर प्रभुके हएं और बाके सेवा करनके ताहीं बने हएं।

गलातियों 6:1

हे मेरे बिश्वासी ददाभइयओ, तुम जो पबित्र आत्मासे अगुवाई करे जातहओ, तुमके अइसो करनके चाहो: अगर कोइ बिश्वासी पाप करी हए, तओ तुम मैसे कोइके पबित्र आत्माको अगुवाई हए कहेसे नम्रतासे बोके सही डगरमे लौटाएके लियाबओ। और अपना फिर होसियार रहाबओ, ताकी तुम फिर परीक्षामे नाए पणओ।

लूका 5:38

नयाँ अंगुरको रसा नयाँ खालको थैलीमे धरन पणतहए।