हिब्रू 13:1 - राना थारु नयाँ नियम

¹ हम ददाभइया और दिदी-बहिनीया कता एकदुस्रेन्के प्रेम करतए रहामएं।

परमेस्वर को सच्चो वचन

¹ एक-दुसरे से मसीह भईय्यन-बहेनियन के जैसी प्यार करत रहबौ।

हिब्रू 13:1 Referans Kwoze

1 यूहन्ना 4:20

अगर कोइ कहाए, “मए परमेश्वरसे प्रेम करत हओं,” पर अपनो सँगी बिश्वासीके प्रेम नाए करत हए कहेसे बो ठग रहो हए। जौन, अपना देखसकन बारो सँगी बिश्वासीके प्रेम नाए करपात हए कहेसे, नाए देखपान बारो परमेश्वरके कैसे प्रेम करपाबैगो।

1 पतरस 3:8

अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

2 पतरस 1:7

तुम सिरफ परमेश्वरके खुसी बनान किसिमसे जीबन मत् बिताओ, बल्कि अपनुवए परिवारको सदस्य कता तुमके एकदुस्रेनके प्रेम करन पणो। तुमके सिरफ अपनी परिवारको सदस्य कता तुम एकदुस्रेनसे प्रेम करनके नाए, बल्कि तुम्के सबए आदमीनसे प्रेम करन पणो।

1 पतरस 2:17

सब आदमीनके आदर करओ। बिश्वासी भइया बहिनियनके प्रेम करओ। परमेश्वरसे डराओ। राजाको आदर करओ।

हिब्रू 10:24

हम एकदुस्रेनके प्रेम और भलाइ करनकी बातमे एकदुस्रेके उत्सहा करे रहामएं।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

1 पतरस 4:8

सबसे खास बात जा हए, कि एकदुस्रेनसे गहिरो प्रेम करओ। काहेकी अगर तुम आदमीनके प्रेम करे कहेसे, तुम रोज उनको करोभओ कोइ फिर गलत कामके क्षमा देन तयार रहाबैगे।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

प्रकाश 2:4

पर तिर बिरुद्धमे मिर जा गुनासो हए: अब तए मोसे उइसे प्रेम नाए करत हए जैसो प्रेम तए मोसे तओ करत रहए जब तए सुरुको चोटी मोएमे बिश्वास करो रहए।

1 यूहन्ना 3:23

परमेश्वरको आज्ञा जहेहए, कि परमेश्वरको लौंणा येशू ख्रीष्टको नाउँमे बिश्वास करनो और जैसे ख्रीष्ट आज्ञा दइ हए, उइसीयए एक-दुस्रेके प्रेम करनो।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

यूहन्ना 15:17

मए तुमके जा आज्ञा देत हओं, कि तुम एकदुस्रेसे प्रेम करओ।”

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

इफिसियों 4:3

अइसो काम करनके कोसिस करओ, ताकी तुम लगातार मेलमिलापमे बने रहाओ। काहेकी तुम परमेश्वरको आत्माके द्वारा एक करेगए हओ।

प्रेरित 4:32

“बिश्वास करन बारेनको समुह, सबए एक ह्रदय और एक आत्माके रहएं, और बे मैसे एकफिर अपन सम्पति ‘जा मिर हए’ करके नाए कहात रहएं, पर बिनके सँगमे भओ सब चीज साझा रहए।

प्रेरित 2:1

यहूदीनको पेन्तिकोसको दिनमे बे सब एक ठाउँमे इकट्ठा हुइके बैठे रहएं।