हिब्रू 12:3 - राना थारु नयाँ नियम

³ जहेमारे येशूको उदाहरणके बारेमे बिचार करओ, बाके घृणा करन बारे पापी आदमीनसे बा इतनो बिरोध कैसे सहिहुइहए, ताकी तुम थकके हरेस नाएखाबओ।

परमेस्वर को सच्चो वचन

³ जहेमारे बाके ऊपर पूरे मन से ध्यान करौ, जो अपने खिलाप पापिन को इतनो बिरोध सह लई कि तुम निरास हुईकै हिम्मत ना छोड़ दियौ।

हिब्रू 12:3 Referans Kwoze

गलातियों 6:9

हम भले काम करनमे निरास नाए होमएं, अगर हम कभी हार नाए मानंगे तओ परमेश्वरके समयमे इनाम पामंगे।

2 कोरिन्थी 4:16

जहेमारे हम हरेस नाए खात हएं। हमर बाहिरी मनुष्यत्व नाश होतए जातहए, तहुँफिर हमर आत्मा दिनए-दिन नयाँ होत जातहए।

प्रकाश 2:3

मए जानत हओं, कि तए मोएमे बिश्वास करेके कारणसे धर्यपुर्वक कष्ट सहो हए, तहुँफिर मिरमे तिर बिश्वास मजबुत हए।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

2 कोरिन्थी 4:1

जहेमारे परमेश्वरको कृपा द्वारा हमर सँग परमेश्वरको बचन परचार करन बारो सेवा भओके कारणसे हम हरेस नाए खात हएं।

यूहन्ना 5:16

जहेमारे बो दिनसे यहूदी समुहके अगुवा येशूके सतान लागे, काहेकी येशू बो कामके पबित्र दिनमे करी रहए।

हिब्रू 12:5

तुम बे उत्सहाके बचनके भुलिगए हओ जो परमेश्वर अपने बच्चनके रुपमे तुमसे कही रहए, “हे मेरे लौंणा जब परमप्रभु, तुमर करेभए गल्ती दिखाइ कहेसे ध्यान देओ, और जब बो तुमके डाँटए तओ हार मत् मानओ।

लूका 14:1

फिर येशू, पबित्र दिनमे फरिसीनको समुहके सासक मैसे कोइ एक घरमे खानु खान गओ, और बे येशूको चुहा लेत बैठे रहएं।

2 थेसलोनिकी 3:13

और हे मेरे बिश्वासी ददाभइया, काहेकी तुम थकगए हओ तभीमारे जो सही हए बो करनके बन्द मत् करओ।

यूहन्ना 18:22

जब येशू जा बात कही, तओ मन्दिरको पहेरेदार मैसे एक जो बाके ठिन ठाणो रहए, येशूके पहरेदार मैसे एक जनै अइसो कहात येशूके थप्पड मारके कही, “का तए प्रधान यहूदी पुजारीके अइसे जबाफ देतहए?”

यूहन्ना 8:52

यहूदी अगुवा येशूसे कहीं, “अब हमके नेहात्तओक पता हुइगओ, तुमके भुत लागो हए। अब्राहाम मरिगओ, अगमबक्ता फिर मरिगए, और तुम कहात हओ, ‘कोइ मिर शिक्षा पालन करैगो कहेसे बो अनन्त कालतक फिर नाए मरैगो।’

यूहन्ना 8:59

उत्कएमे यहूदी अगुवा येशूके मारनके ताहीं पत्थर उठाइं। पर येशू चुप्पएसे यरूशलेमको मन्दिरसे निकरीगओ।

यूहन्ना 8:13

जा सुनके फरिसीनको समुह येशूसे कहीं, “तुम अपने बारेमे गवाही दएरहे हओ। और तुमरी गवाही सच्चो नाए हए।”

यूहन्ना 7:12

भिडमे भए बहुत आदमी येशूके बारेमे बात करत रहएं। कुइ कहात रहएं, “बा अच्छो हए।” और दुस्रे कहात रहएं, “नाए हए, बा त आदमीके भ्रममे पणात हए।”

लूका 16:14

फरिसीनको समुह जो धनके लोभी रहएं, जे सब बात सुनके येशूके मजाक उणाइं।

लूका 15:2

जा आदमी त पापीके ग्रहण करत हए, और बिनके सँग खानपिन करत हए कहिके फरिसीनको समुह और मोशाको नियम कानुन सिखान बारे गनगन करन लागे।

लूका 5:21

तओ मोशाको नियम कानुन सिखान बारे और फरिसीनको समुह पुछन लागे, “परमेश्वरको बदनाम करन बारो जा कौन हए? पाप त परमेश्वर इकल्लो क्षमा करत हए।”

लूका 2:34

तओ शिमियोन बिनके आशिष दइ, बाकी अइया मरियमसे कही, “देख, बा त इस्राएल देशमे बहुत आदमीके नष्ट करैगो, और बहुत आदमी बचंगे। बाके परमेश्वरके घेनसे एक चिन्हाके रुपमे पठाइ हए, तओ बहुत आदमी बाको बिरोध करंगे।

मत्ती 22:15

तओ फरिसीनको समुह जाएके येशूके बातमे बाके कैसे फसामएं करके सल्लाह करन लागे।

मत्ती 21:46

बे बाके पकणन ढुँणीं, पर बे भिडसे डराइगए, काहेकी आदमी बाके, एक अगमबक्ता हए, करके मानत रहएं।

मत्ती 21:23

येशू यरूशलेमको मन्दिरमे घुसो, और बा शिक्षा देत पेती मुखिया यहूदी पुजारी और जनताके यहूदी अगुवनको समुह बाके ठिन आए, और कहीं, “कौन अधिकार से तुम जा काम कर रहेहओ, और कौन तुमके जा अधिकार दइ?”

मत्ती 15:2

“तुमर चेला हमर पुर्खाको परम्पराके पालन काहेनाए करत हएं? बे खानु खानसे अग्गु अपन हात नाएधोत हएं।”

मत्ती 12:24

तओ जा सुनके फरिसीनको समुह कहीं, “जा आदमी भुतनको मालिक, शैतानसे भुतनके भजात हए।”

मत्ती 11:19

पर मए, आदमीको लौंणा साधारण आदमी जैसो खातपिइत हओं, और बे कहात हएं, ‘देखओ, दलद्दर, दरोह, कर उठान बारो, और पापीनको सँगी!’ बुद्धि ठिक हए कहेसे बक कामसे प्रमाणित हुइहएं।”

यूहन्ना 9:40

जा बात सुनात पेती हुवाँके कोइ फरिसीनको समुह बासे कहीं, “का तए कही रहो हए, कि हम फिर अन्धरा हएं?”

यूहन्ना 10:20

बिन मैसे बहुत आदमी कहान लागे, “जाके भुत लागो हए, और जा पगलियाइगओ हए। बाको बात तुम काहे सुन्त हओ?”

1 पतरस 2:23

जब आदमी येशूके अपमान करीं, तओ बा उनको अपमान नाए करी। जब आदमी बाके कष्ट दइं, बा बदलामे उनके चोट पुगानके कोसिस कभीनाए करी। बरु, बा मदतके ताहीं परमेश्वरमे भरोसा करी। बाके पता रहए, कि परमेश्वर हर बखत आदमीनको न्याय ठिक रितिसे करत हए।