हिब्रू 12:23 - राना थारु नयाँ नियम

²³ तुम परमेश्वरको सबसे बडो सन्तानको मण्डलीके सभामे आए हओ, जौननको नाउँ स्वर्गमे लिखेहएं। बे स्वर्गमे रहान बारे बेहीं धर्मी आदमीनको आत्मा हएं जौननके अब सिद्ध बनाओ गओ हए। तुम अपनए परमेश्वरके ठिन आए हओ, जो सब चिजनके उपर न्यायी हए।

परमेस्वर को सच्चो वचन

²³ और बे पहलोठेन की सूदी सभा और कलीसिया जिनके नाओं स्वर्ग मैं लिखे भै है। तुम जो परमेस्वर के झोने आए हौ, जो सबको न्याई है, और धर्मी लोगन की आत्मन कै सिद्ध बनाओ गौ है।

हिब्रू 12:23 Referans Kwoze

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

हिब्रू 11:40

काहेकी परमेश्वरके ठिन उनके ताहीं इकल्लो नाए, पर हमर ताहीं फिर एक असल योजना हए। परमेश्वर उनके हमसे इकल्लो सिद्ध बनानके चाँहत हए।

लूका 10:20

पर, भुत तुमरी आज्ञापालन करत हएं कहिके खुसी मत् होबओ, पर तुमर नाउँ स्वर्गमे लिखो हए कहिके तुम खुसी होबओ।”

प्रकाश 14:4

बिनको जीबन पबित्र हए। बे बेहीं लोग कता हएं जौन कभी फिर व्यभिचार नाए करी हएं, जौन कभी फिर आराधना नाए करी हएं, बे थुमाको इकल्लो आराधना करत हएं। जहाँ थुमा जातहए, हुवाँ बेहुँ जात हएं, बे आदमी बेहीं हएं जौननके पृथ्वीके सबए आदमीनके बीचसे छुटावगओ हए। आदमी अपनो फसलको पहिलो फल परमेश्वरके चढाओकता, बे परमेश्वर और थुमाके पहिलो भेँटीके रुपमे चढाएगए हएं।

हिब्रू 9:27

हर आदमीनके एक चोटी मरनए पणैगो। और मरके पिच्छु परमेश्वर हर आदमीनको न्याय करैगो।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

1 पतरस 2:23

जब आदमी येशूके अपमान करीं, तओ बा उनको अपमान नाए करी। जब आदमी बाके कष्ट दइं, बा बदलामे उनके चोट पुगानके कोसिस कभीनाए करी। बरु, बा मदतके ताहीं परमेश्वरमे भरोसा करी। बाके पता रहए, कि परमेश्वर हर बखत आदमीनको न्याय ठिक रितिसे करत हए।

हिब्रू 11:4

बिश्वाससे आदमको लौंणा हाबिल परमेश्वरके अपनो ददा कयिनसे जद्धा ग्रहणयोग्य जानबरको बलिदान चढाइ, और बहेसे परमेश्वर हाबिलके धर्मी आदमीके रुपमे ग्रहण करी। हाबिलको चढाओ भओ बलिदान द्वारा परमेश्वर खुसी भओ कहिके दिखाइ। और हाबिल मरो, तहुँफिर परमेश्वरमे बिश्वास करनके बारेमे अभौफिर बो हमके सिखात हए।

1 तिमोथी 3:5

एक आदमी जो अपनो परिवारको बन्दोबस्त करन नाए जानत हए, कहेसे बो नेहात्तओ जा फिर नाए जानत हए, कि परमेश्वरको मण्डलीके रेखदेख कैसे करोजाए।

फिलिप्पी 4:3

मेरे सँग सच्चो सेवामे मदत करन बारो, मए तोसे फिर बिन्ती करत हओं, कि तए बे बैयरनके मेलमिलाप करनमे मदत कर, काहेकी बे मेरे सँग अच्छो समाचार फैलानमे, क्लेमेस और बाँकी मेरे सँग सेवामे मदत करन बारे समेत मेहेनत करीं, जौनन्को नाउँ जीबनको किताबमे लिखेहएं।

इफिसियों 1:22

और परमेश्वर सब चिजनके ख्रीष्टके अधिकारके अधिनमे करदइ हए और बाके मण्डलीनको भलाइके ताहीं हर चीजमे मुखिया बनाए दइ।

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

यूहन्ना 5:27

और मए, आदमीको लौंणा होनके कारण परमेश्वर मोके सब आदमीनके उपर न्याय करनके अधिकार दइ हए।”

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

कलस्सी 1:12

और दौवा परमेश्वरके धन्यबाद करत रहाबओ, और स्वर्गके राज्यमे बाको पबित्र आदमीनके मिलन बारो चीज तुमके फिर मिलन बारो लायक बनाइ हए।

2 कोरिन्थी 5:8

हममे पुरो भरोसा हए, हम मरके जा शरीरसे अलग हुइके प्रभु सँग रहान हम चाँहत हएं।

1 कोरिन्थी 15:54

जब अइसो होइगो, तओ बो पुरा हुइ जाबैगो जो परमेश्वर पबित्र-शास्त्रमे लिखी हए, “जीत, मृत्युके पुरे रुपसे हराइ और जाको कोइ अस्तित्व नाए रहाइगो।

1 कोरिन्थी 13:12

जा हमर बिश्वास करन बारेनके सँग उइसीयए हए। जैसी एक आदमी एक खराब दर्पनमे अपन अनुहार देखत हए। काहेकी हम अभएतक सबकुछ स्पष्ट रुपसे नाए बुझत हएं। हम भबिष्यमे कुछ चीज बुझजामंगे। काहेकी हम परमेश्वरके अपने अग्गु देखंगे। अभए मिर ज्ञान पुरो नाए हए। भबिष्यमे इकल्लो जब बो दिन आबैगो तओ मए नेहात्तओकमे बाके जानंगो, जैसे परमेश्वर मोके फिर जानत हए।

1 कोरिन्थी 15:49

हम सबके ठिन बहे पुरुष आदमको रुप हए जोके मट्टीसे बनाओ गओ रहए। अइसियए, एक दिन, हमर ठिन ख्रीष्टको रुप होइगो, जो स्वर्गसे आओ रहए।

हिब्रू 2:12

जाके बारेमे ख्रीष्ट परमेश्वरसे अइसे कहात हए: “मए अपनो बिश्वासी ददाभइयनके तुमर करेभए काम कहामंगो, बिनके सभामे आराधना करनके ताहीं इकट्ठा भए समयमे मए तुमर प्रसंसा करंगो।”

प्रकाश 6:9

जब थुमा पाँचौँ मोहर खोली, तओ बेदी तरे मए बिनको आत्मनके देखो जौननके मारडारी रहए काहेकी बे परमेश्वरके बचनके प्रति और बहे सन्देशके प्रति बिश्वासयोग्य रहएं, जो उनके मिलो रहए।

प्रकाश 6:11

उन मैसे सबएके सेतो लत्ता दओगओ। और परमेश्वर उनसे कही, “अभएके ताहीं अराम करओ, काहेकी अभौफिर तुमर कुछ सहकर्मी और बिश्वासी ददाभइया हएं जौननके तुमही कता मारडारे जएहएं। जब मारेजान बारेनकी संख्या पुरी हुइजएहए, तब्ही इकल्लो मए बदला लेमंगो।”