हिब्रू 12:2 - राना थारु नयाँ नियम

² हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

परमेस्वर को सच्चो वचन

² और बिस्वास के कर्ता और सिद्ध करन बारे ईसु के घाँईं ताकते रहमैं; जो बौ खुसी के ताहीं जो बाके अग्गु धरी रहे, सरम की कोई चिंता नाय करकै, क्रूस को दुख सई; और परमेस्वर के सिंहासन के दहने जाए बैठो।

हिब्रू 12:2 Referans Kwoze

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

फिलिप्पी 1:6

मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

1 पतरस 3:22

और अब बा स्वर्गमे जाएके परमेश्वरको दाहिना हात घेन सबसे उच्च ठाउँमे बैठो हए, और बा सबए स्वर्गदूत और सबए अधिकारी और शक्तिनके उपर शासन करत हए।

प्रेरित 5:31

बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।

लूका 24:26

जा जरुरी रहए, कि ख्रीष्ट जे सब दु:ख उठाबैगो और फिर अपनो महिमामे प्रबेश करैगो।”

यहूदा 1:21

परमेश्वर तुमके प्रेम करत रहात हए कहिके जानके तुमके जीइन पणत हए। तुम हमर प्रभु येशू ख्रीष्ट दुबरा लौटके आन बारो दिनको आसरा करओ, ताकी तुम कभी फिर नाश नाए होन बारो जीबन पाए सकओ, काहेकी बा हमर उपर दया करीहए।

हिब्रू 8:1

अब हमके कहान बारी बात जहेहए: हमर फिर अइसे प्रधान यहूदी पुजारी हएं, जो स्वर्गमे महान परमेश्वरको सिंहासनके दहिना घेन स्वर्गमे उच्च आदरको ठाउँमे बैठे हएं।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

फिलिप्पी 3:20

पर हम स्वर्गसे सम्बन्धित हएं, और हम एक उद्धारकर्ता प्रभु येशू ख्रीष्टके स्वर्गसे लौटके आनको आसरा करत हएं।

मर्कूस 14:36

और बा कही, “हे अब्बा, हे दौवा, तुमर ताहीं सब बात सम्भब हए। अगर तुमर इच्छा हए, तओ जा दुखसे मोए बचाएलेओ। तहुँफिर, जैसे मए चाँहत हओं उइसो नाए, पर जो तुम चाँहत हओ बहे होबए।”

प्रकाश 2:8

येशू मोसे अइसेफिर कही, “और स्मुर्ना सहरके मण्डलीके स्वर्गदूतके जा सन्देश लिख: महीँ बा हओं, जो सब चिजनके सुरु करो हओं। महीँ बा हओं, जो सब चिजनके अन्त करंगो और मए एक चोटी मरिगओ रहओं, पर अब मए जिन्दा हुइगओ हओं, और सदादिन जिन्दा रहामंगो। मए जो कहात हओं बोके सुन:

हिब्रू 13:13

जहेमारे आबओ, बलिदानकी रिति-रिबाजके छोड देओ ताकी येशूके ठिन जाए पामएं। और जैसे बा बेज्जत सहो, उइसीयए हम फिर बेज्जत सहिके आदमी बैठन बारे ठाउँसे बाहिर बाके ठिन जाएं।

हिब्रू 5:9

मल्‍कीसेदेक यहूदी पुजारी भओ कता परमेश्वर येशूके प्रधान यहूदी पुजारी बनाएके सम्मान दइ। और जब येशूके परमेश्वर पुरा रुपमे सिद्ध बनाएडारी तओ बामे बिश्वास करन बारे आदमीनके ताहीं बा सदाकालको मुक्तिको मुल हुइगओ

यूहन्ना 13:3

परमेश्वर मोके सब चीजमे अधिकार दइ हए, कहान बारी बात येशूके पता रहए, और परमेश्वरसे आएके फिर परमेश्वर ठिन लौटरहो हओं, कहिके फिर बाके पता रहए।

लूका 17:5

तओ चुनेभए चेला प्रभुसे कहीं, “हमर बिश्वासके और बढाए देओ।”

मर्कूस 9:24

तओ झट्ट लौंणाको दौवा चिल्लाएके कही, “मए बिश्वास करत हओं। कृपया मिर शंखा हटाए देओ।”

हिब्रू 12:3

जहेमारे येशूको उदाहरणके बारेमे बिचार करओ, बाके घृणा करन बारे पापी आदमीनसे बा इतनो बिरोध कैसे सहिहुइहए, ताकी तुम थकके हरेस नाएखाबओ।

इफिसियों 2:16

क्रूसमे अपनी मृत्युके द्वारा ख्रीष्ट दुई समुहके अलग करदइ और उनको मेलमिलाप परमेश्वरके कर्बाएदइ, अइसियए यहूदीके समुह और गैर-यहूदीनके बीचमे भओ दुस्मनाइ खतम करदइ।

प्रेरित 5:41

तओ येशूके खातिर अपमान सहानके लायक ठहिरे करके आनन्द मनात बे यहूदी सभाघर मैसे निकरके गए।

यूहन्ना 12:32

और जब मए जा संसारसे उठाओ जामंगो, तओ सब आदमीनके अपने घेन लामंगो।”

1 पतरस 1:11

ख्रीष्टको आत्मा बिनमे रहए और बिनसे कही, कि ख्रीष्ट कैसे कष्ट भोगैगो और पिच्छु बडो सम्मान मिलैगो। बहेमारे बे, सचमे ख्रीष्ट कौन होबैगो और जा कब होबैगो कहिके पत्ता लगान ढुँणीं।

यूहन्ना 12:24

नेहात्तओ, मए तुमसे कहात हओं, गेहुँको दाना मट्टीमे पणके नाए मरो कहेसे बो उइसीयए रहात हए। पर अगर मट्टीमे पणके दाना मरिगओ कहेसे बो बहुत फरा फरात हए।

यूहन्ना 8:56

तुमर पुर्खा अब्राहाम मोके आन बारो दिन देखन बहुत आसरा करे रहए, और बो देखके बहुत खुसी भओ।”

यूहन्ना 1:29

दुस्रे दिन बप्तिस्मा देन बारो यूहन्ना येशूके अपन घेन आत देखी और कही, “देखओ, अपनएके बलिदान करके सारा संसारके पापसे छुटकारा देन बारो परमेश्वरको थुमा!

लूका 23:11

तओ राजा हेरोद अपन सिपाहीनसे मिलके बाको अपमान करी, और बे बाके खिसबाइं। जाके पिच्छु बो बाके राजाके लगान बारो लत्ता पैँधाएके पिलातसके ठिन घुमाएदइं।

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

मत्ती 16:21

येशूके कैसे यरूशलेम सहरमे जानपणैगो, और यहूदी अगुवनको समुह और मुखिया यहूदी पुजारी और मोशाको नियम कानुन सिखान बारेसे बहुत कष्ट भोगन पणैगो, मरन पणैगो और तिसरो दिनमे जिन्दा हुइके उठन पणैगो करके येशू बहे बेरासे अपन चेलनके बातनलागो।

प्रकाश 1:17

जब मए बाके देखो, तओ तुरन्तए मए बाके पाँओँमे पणिगओ। मए एक मरो भओ आदमी कता हुइगओ। पर बा अपनो दहिना हात अइसे कहिके मिर उपर धरी, “मत डराए, महीँ हओं, जौन सब चिजनको सुरुवात करो। और महीँ हओं, जो सब चिजनके खतम करंगो।”

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

हिब्रू 7:19

काहेकी मोशाको नियम कानुन त कुछु फिर सिद्ध नाए करपाइ। और हम्रे सँग एक अच्छो आसरा हए, बो आसरा येशू ख्रीष्ट हए, जौन हमके परमेश्वरके ढिँगै पुगात हए।

हिब्रू 1:13

परमेश्वर कभु कोइ स्वर्गदूतनसे अइसे नाए कही, “तए मिर दहिना हात घेन साम्मनको ठाउँमे बैठ, जब तक मए तिर दुश्मनके पुरा रुपमे तिर अधिनमे नाए लियामओं”

प्रेरित 2:36

जहेमारे, इस्राएल देशको सारा आदमी जा बातके पक्का करके जानएं: कि परमेश्वर बहे येशूके, प्रभु और मुक्ति देन बारो ख्रीष्ट दुनौ ठहिराइ, जोके तुम क्रूसमे टाँगे।”

मर्कूस 9:12

येशू जबाफ दइ “जा ठिक हए, कि परमेश्वर एलियाके पठानके बाचा करी रहए ताकी बो सब कुछ सही करनके ताहीं पहिले आएजाए। पर एलिया पहिलीसे आइगओ हए, और हमर अगुवा बोके सँग जैसे मन भओ उइसी बहुत खराब ब्यबहार करीं। जैसेकी अगमबक्ता बहुत पहिलीयए कही रहएं, कि बे करंगे। पर मए, आदमीको लौंणाके बारेमे पबित्र-शास्त्रमे बहुत कुछ लिखो हए। बचन कहात हए, कि मए बहुत दुख सहामंगो और आदमी मोके स्वीकार नाए करंगे।”

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

हिब्रू 11:36

कितने आदमीनके गिल्ला सहान पणो, कोर्रा खान पणो और कितने आदमीनके बँधके कैदी होन पणो।

हिब्रू 10:33

कितने चोटी तुम बेज्जत और कष्ट सहातए सबए आदमीके अग्गु तुम हेल्हा भए और कितने चोटी अइसे दुख पान बारेनके सँग सामिल होनके ताहीं तयार भए।

मर्कूस 16:19

जब प्रभु येशू चेलनके जे सब बात कहेडारी, तओ परमेश्वर बाके स्वर्गमे उठाए लइ और बा परमेश्वरके सँग शासन करनके ताहीं परमेश्वरके दहिना घेन बैठिगओ।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

1 कोरिन्थी 1:18

जब आदमी जा सन्देश सुनत हएं, कि ख्रीष्टको मृत्यु क्रूसमे भओ, तओ बे मैसे कोइ-कोइ जा सोँचत हएं, कि जा सन्देश व्यर्थ हए। जौन आदमी अइसो सोँचत हएं बे नरक घेन जाएरहेहएं। पर हमरे ताहीं जौन बो सन्देशमे बिश्वास करत हए, जा परमेश्वरके आदमीनके अपनो शक्तिसे बचानको तरिका हए।

1 कोरिन्थी 1:23

पर हम जा परचार करत हएं, कि ख्रीष्ट हमके हमर पापसे छुटकारा देनके ताहीं क्रूसमे मरो। यहूदीनके ताहीं जा ठेस लगन बारो बात भओ और गैर-यहूदीनके ताहीं जा मुरख बात ठहिरो।

याकूब 2:1

हे मेरे बिश्वासी ददाभइयओ, तुम हमरे महिमामय प्रभु ख्रीष्ट येशूके चेला हओ जहेमारे तुममे भेदभाव नाए होबए।

मर्कूस 15:28

अइसीयए, पबित्र-शास्त्र सही साबित भओ, जो ख्रीष्टके बारेमे कहोगओ रहए कि, “बाके सँग एक अपराधी कता ब्यबहार हुइहए।”