हिब्रू 12:16 - राना थारु नयाँ नियम

¹⁶ कोइ फिर व्यभिचारी या अब्राहामको नतिया एसाव कता अधर्मी नाए होबए, काहेकी बो बडो लौंणा रहए, और बोके खास हकदार होनको अधिकार रहए। पर बो जन्मसिध्द अधिकारको सम्मान नाए करी, तब्ही बो अपनो छोटो भइया, याकूबके एक पहार खानके ताहीं अपनो जन्मसिध्द अधिकार बेँचदइ।

परमेस्वर को सच्चो वचन

¹⁶ ऐसो नाय होबै, कि कोई आदमी व्यभिचारी, या एसाव के जैसी भक्तिहीन होबै, जो एक बार के भात के बदले अपनो पहलोठो होन को अधिकार बेंच डारी।

हिब्रू 12:16 Referans Kwoze

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।

हिब्रू 13:4

सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

प्रेरित 15:29

अब खास बात जेहीँ हएं: मूर्तिनको बलि चढाओ भओ खानु मत् खैयओ, कोइ जनाबरको खुन मत् पिइयओ, घेँट अमेठके मारो भओ जनाबरको बुट्टी मतखैओ और व्यभिचारीन्से अलग हुइके बैठियओ। जे बातके पालन करे कहेसे तुमके अच्छो होबैगो। तुम सबके भलाइ होबए। कहान बारी बात इत्कए हए।”

मर्कूस 7:21

काहेकी, हृदय हर मेलको बुराइको जर हए, जैसेकी खराब बिचार, व्यभिचार, चोरी, हत्या, परस्त्रीगमन,

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

इफिसियों 5:5

तुमके पता होनए पणैगो, कि व्यभिचार करन बारे, अशुद्ध और लोभी आदमी परमेश्वर और ख्रीष्टको राज्यमे हक नाए पाबैगो। लालची आदमी एक मूर्तिपुजकके समान हए जो जा संसारकी चिजनके आराधना करत हए।

2 कोरिन्थी 12:21

कहुँ अइसो नाए होए, कि जब मए घुमके आमंगो, मिर परमेश्वर मोके अपमान करए। और मोके बहुत आदमीनके ताहीं शोक करन पडए जौन पहिले पाप करी रहएं, और अपना करोभओ अशुद्धता, व्यभिचार और छाडापनसे पाप करन छोडके परमेश्वर घेन नाए घुमी हुइहएं।

1 कोरिन्थी 10:8

और हम व्यभिचार नाए करएं; जैसे उन मैसे कितने व्यभिचार करीं और एक दिनमे तेईस हजार मारे गए।

प्रेरित 15:20

और बोमे उनके जे बातनको जानकारी देमएं; कि ‘बे मूर्तिमे चढाओ भओ खानु नाए खामएं, व्यभिचार नाए करएं, घेँट अमेठके मारे गए जानबरन्को बुट्टी नाए खामएं और जानबरन्को खुन नाए पिइमएं।’

इफिसियों 5:3

ख्रीष्टके पबित्र आदमी भओके कारणसे तुमर अग्गु व्यभिचार, लोभ, लालच और सब मेलके अशुद्ध बातको नाउँ फिर नाए लेनके हए।

1 तिमोथी 1:9

हम जा फिर जानत हएं, कि मोशाको नियम कानुन धर्मी आदमीनके ताहीं नाए बल्कि बे आदमी जो परमेश्वरको नियम कानुनके अनदेखी करत हएं, और जाको आज्ञापालन नाए करत हएं। और बे आदमी, जो परमेश्वरके आराधना नाए करत हएं, और जो पापी हएं। और बे आदमी, जो अशुद्ध हएं और अपबित्र हएं बे परमेश्वरको आदर नाए करत हएं। और बे आदमी, जो अपने अइयादौवाको और आदमीनको हत्या करत हएं,