हिब्रू 12:15 - राना थारु नयाँ नियम

¹⁵ साबधान रहाओ, कि कोइ फिर आदमी परमेश्वरको अनुग्रह पानसे नाए छुटए ताकी तुमर बीचमे समस्या नाए आए। काहेकी अइसे आदमी तुमके बहुत जनैनके भ्रष्ट बनाए देत हए।

परमेस्वर को सच्चो वचन

¹⁵ और ध्यान से देखत रहबौ, ऐसो नाय होबै, कि कोई परमेस्वर के अनुग्रह पान से छूट जाबै, या कोई कड़वी जड़ फूट कै दुख देबै, और बाके जरिया निरे लोग असुद्ध हुई जामैं।

हिब्रू 12:15 Referans Kwoze

हिब्रू 3:12

हे मेरे बिश्वासी ददाभइयओ, होश करओ, तुम मैसे कोइमे भओ दुष्ट और अबिश्वासी ह्रदय, तुमके जिन्दा परमेश्वरसे दुर नाए लैजाबए।

गलातियों 5:4

तुम जो मोशाको नियम कानुनके पालन करनके धर्मी ठहिरन चाँहत हओ, तुम अपनएके ख्रीष्टसे अलग कररहे हओ, और परमेश्वरको अनुग्रहके स्वीकार करनसे इन्कार करदए हओ।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

2 यूहन्ना 1:8

जहेमारे तुमके होसियार रहानके चाहो, कि कहुँ जे आदमी तुमके धोखा नाए देमएं। ताकी परमेश्वरको सेवाके ताहीं तुमर द्वारा करेगए कोसिस बेकाममे नाए जाएं, पर तुमके बे सब आशिष मिलैगो, जौनको प्रतिज्ञा परमेश्वर तुमसे करीहए।

1 कोरिन्थी 15:33

“जौन आदमी अइसे बात करत हएं, उनके कारण मुरख मतबनओ।”

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

हिब्रू 4:1

परमेश्वर हमके प्रतिज्ञा करीहए, कि हम विश्रामको ठाउँमे जामंगे। जहेमारे होशियार रहाबओ, तुमर मैसे कोइ फिर प्रतिज्ञा करोभओ विश्रामके ठाउँमे जानके नाए छुटए।

1 कोरिन्थी 5:6

घमण्ड करन बन्द करओ; का तुम नाए जानत हओ, कि थोडी खमिर पुरो मणो भओ चुनके फुलाए देतहए। उइसीयए, अगर एक आदमीके पाप करनके अनुमति दओ जातहए, तओ जल्दीए सब बहे काम करनके ताहीं लोभ करत हएं।

हिब्रू 4:11

जहेमारे हम जा बिश्रामको ठाउँमे घुसनके ताहीं कोसिस करएं। और कोइ फिर परमेश्वरको आज्ञापालन करनके अस्वीकार करन बारे आदमीनके नमुना नाए मानएं। तब्ही इकल्लो हम बो बिश्रामके ठाउँमे घुसपामंगे।

2 कोरिन्थी 13:5

तुम बिश्वासमे पक्के हओ कि नाए हओ कहिके अपनए-अपनएके जाँचके देखओ। अपनएके जाँचओ, कि तुमर बिश्वास सच्चो हए कि नाए हए। जाँचमे असफल नाएभए कहेसे येशू ख्रीष्ट तुमरमे हए करके तुमके पता होन रहए!

1 कोरिन्थी 10:12

जहेमारे अगर हुवाँ कोइ अइसो आदमी हए, जो कहात हए कि परमेश्वरमे बोको भरोसा मजबुत हए, तओ बोके साबधान रहान चाहो। कहुँ अइसो नाए होए, कि बो अचानक परीक्षामे पड्के पाप करए।

हिब्रू 6:11

अल्छी मत् होबओ। पर कडा मेहेनत करन बारे कता तुम फिर जी प्रेमको काम धैर्यता और बिश्वाससे अन्त तक करेरहान पणत हए। और परमेश्वरको प्रतिज्ञा पानके ताहीं मजबुत आसरा होन पणत हए।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

इफिसियों 5:3

ख्रीष्टके पबित्र आदमी भओके कारणसे तुमर अग्गु व्यभिचार, लोभ, लालच और सब मेलके अशुद्ध बातको नाउँ फिर नाए लेनके हए।

गलातियों 2:13

और बोके सँग एन्टिओखिया सहरके कुछ यहूदी बिश्वासी फिर कपटीको काम करीं, हियाँतककी बारनाबास फिर उनसे डरात रहए, और गैर-यहूदी समुहके सँग मोल-तोल करन बन्द करदइ।

1 कोरिन्थी 13:8

बो समय आबैगो जब आदमी परमेश्वरको सन्देशके फरक-फरक भाषामे परचार नाए करंगे, और परमेश्वरके बारेमे गहिरो ज्ञानको जरुरत नाए होइगो, पर प्रेम हमेसाके ताहीं बनो रहाबैगो।

2 पतरस 3:11

जबकी परमेश्वर नेहात्तओ जे सब चिजनके नाश करदेबैगो, जैसेकी मए अभौफिर कहो हओं, जहेमारे तुमके नेहात्तओ ईश्वरीय तरिकासे ब्यबहार करन चाहो।

2 पतरस 1:10

जहेमारे बिश्वासी ददाभइया, अपनएके और दुस्रे आदमीनके जा दिखान औ जद्धा असल ब्यबहार करनके कोसिस करओ, कि परमेश्वर तुमके अपनो आदमी होन चुनीहए और बुलाइ हए। अगर तुम उइसे करैगे कहेसे, तुम नेहात्तओ फिर परमेश्वरसे कभी अलग नाए होबैगे।

लूका 22:32

पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।”

तीतुस 1:15

शुद्ध आदमीनके ताहीं सब चीज शुद्ध हए। पर अशुद्ध और ख्रीष्टमे बिश्वास नाए करन बारेनके ताहीं, कोइ चीज फिर शुद्ध नाए हए, काहेकी बिनको मन और दिमाक दुनौ पुरा रुपसे खराब हुइगओ हए।