हिब्रू 12:14 - राना थारु नयाँ नियम

¹⁴ सबए आदमीनके सँग शान्तिमे बैठन और पबित्र जीबन जीइन कोसिस करओ, पबित्रता बिना कोइ आदमी परमप्रभुके नाए देखपएहए।

परमेस्वर को सच्चो वचन

¹⁴ सबके संग सांति और निस्ठा से रहन की कोसिस करौ, और पवित्र जिंदगी जीन की कोसिस करौ, काहैकि जाके बिना कोई भी प्रभु कै नाय देख पागो।

हिब्रू 12:14 Referans Kwoze

2 कोरिन्थी 7:1

जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

1 पतरस 3:11

बोके खराब काम करन छोडन पणैगो। बरु बोके जो असल हए बहेके करन पणैगो, औरेन्के सँग शान्तिमे रहानके ताहीं कडा मेहेनत करओ।

रोमियों 12:18

हुइ सिकत हए कहेसे सबके सँग शान्तिमे मिल्के बैठओ।

रोमियों 14:19

जहेमारे हमके हमेसा आदमीनके शान्तिमे एकए सँग रहानके ताहीं और एकदुस्रेके बिश्वासमे बलियो होनके ताहीं मदत करन पणत हए।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

3 यूहन्ना 1:11

हे मेरो प्यारो सँगी, बे आदमीनको देखासेखी मत् कर, जो खराब काम करत हएं, पर बे आदमीके देखासेखी कर, जो भलो काम करत हएं। अगर कोइ भलो काम करत हए, तओ जा दिखात हए, कि बो परमेश्वरको सन्तान हए। अगर कोइ खराब काम करत हए, तओ जा दिखात हए, कि बो परमेश्वरके नाए जानत हए।

इफिसियों 5:5

तुमके पता होनए पणैगो, कि व्यभिचार करन बारे, अशुद्ध और लोभी आदमी परमेश्वर और ख्रीष्टको राज्यमे हक नाए पाबैगो। लालची आदमी एक मूर्तिपुजकके समान हए जो जा संसारकी चिजनके आराधना करत हए।

हिब्रू 12:10

काहेकी हमर शारीरिक दौवा त उनके ठिक लागो अनुसार कुछ देनके ताहीं हमके अनुशासनमे धरीं। पर परमेश्वर हमर भलाइके ताहीं हमके अनुशासनमे धरत हए, ताकी हम फिर बहे कता पबित्र हुइपामएं।

1 तिमोथी 6:11

पर हे तिमोथी, तए परमेश्वरको सेवा करन बारो आदमी हए, तोके जे सब चिजनके करनसे बचनके हए; पर तए परमेश्वरके अग्गु ठिक ठहिरन बाली बातमे, भक्तिमे, बिश्वासमे, प्रेममे, धिरजमे, नम्र होन बारो बातमे अपनो मन लगा।

1 पतरस 3:13

अगर तुम रोजए अच्छो काम करनके ताहीं कोसिस करैगे कहेसे, तओ नेहात्तओ कोइ फिर तुमके चोट नाए पुगाए पाबैगो।

मर्कूस 9:50

नुन अच्छो हए, पर अगर नुनको स्वाद चलो जएहए कहेसे बोको स्वाद फिर कैसे लामङगे? तुममे नुनको गुण होन पणो और एकदुस्रेके सँग शान्तिसे रहान पणो।”

2 पतरस 3:11

जबकी परमेश्वर नेहात्तओ जे सब चिजनके नाश करदेबैगो, जैसेकी मए अभौफिर कहो हओं, जहेमारे तुमके नेहात्तओ ईश्वरीय तरिकासे ब्यबहार करन चाहो।

1 कोरिन्थी 1:10

हे बिश्वासी ददाभइया, हमर प्रभु येशू ख्रीष्टको अधिकारसे, मए तुमसे अइसे करनके ताहीं बिन्ती करत हओं, कि तुमरमे फुट नाए होनचाहो।

लूका 1:75

जब तक हम जिमंगे तबतक पबित्रतामे और धार्मिकतामे बाके अग्गु बाको सेवा कर पामएं।

2 तिमोथी 2:22

जहेमारे, बे पापी इच्छनसे बच, जो जवान आदमीनके आकर्षित करत हए और जो शुद्ध मनसे प्रभुको नाउँ लेतहए, और उनके सँग परमेश्वरके अग्गु ठिक ठहिरन बाली बातके, बिश्वासके, प्रेमके, और जो शुद्ध मनसे प्रभुकी आराधना करत हए, उन्हिनके सँग लग।

1 थेसलोनिकी 5:15

जा याद करओ, कि कोइसे फिर खराबको बदला खराब नाए करए; बल्कि तुमके हमेसा एकदुस्रेके ताहीं और सबके ताहीं भलो काम करनके कोसिस करन पणो।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।

फिलिप्पी 3:12

मए जा ठोकुवा नाए करत हओं, कि मए जे सब चीजके पहिलीयए पाएडारो हओं, मए कोसिस करके अग्गु बढतए जाएरहो हओं, कि मोके बो चीज मिलजाए, जौनके ताहीं येशू ख्रीष्ट मोके पहिलीयए चुनडारी हए।

2 कोरिन्थी 6:17

जहेमारे परमप्रभु पबित्र-शास्त्र द्वारा कहात हए, “बे गैर-बिश्वासीनके बीचसे निकरके आओ जो परमेश्वरको आज्ञापालन नाए करत हए; बिनके बीचसे तुम अलग रहाओ, अशुद्ध चीजसे दुर बैठओ, और मए तुमके ग्रहण करंगो।

1 कोरिन्थी 13:12

जा हमर बिश्वास करन बारेनके सँग उइसीयए हए। जैसी एक आदमी एक खराब दर्पनमे अपन अनुहार देखत हए। काहेकी हम अभएतक सबकुछ स्पष्ट रुपसे नाए बुझत हएं। हम भबिष्यमे कुछ चीज बुझजामंगे। काहेकी हम परमेश्वरके अपने अग्गु देखंगे। अभए मिर ज्ञान पुरो नाए हए। भबिष्यमे इकल्लो जब बो दिन आबैगो तओ मए नेहात्तओकमे बाके जानंगो, जैसे परमेश्वर मोके फिर जानत हए।

गलातियों 3:21

का जाको अर्थ जा हए, कि मोशाको नियम कानुन प्रतिज्ञनके बिरुद्ध हए? कभी फिर नाए! काहेकी नियम कानुन हमके कभी फिर नाश नाए होन बारो जीबन देत हुइतो कहेसे हमके जाके पालन करके परमेश्वर सँग धर्मी ठहिराए जाए सकत रहएं।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।