हिब्रू 11:37 - राना थारु नयाँ नियम

³⁷ बिन मैसे कुछ आदमीनके पत्थर मारेके मारडारीं। कुछ आदमीनके आरासे चिरके दुई तुक्डामे काटीं, कुछके तरबारसे मारीं। कुछ आदमी गरीब रहएं और बिनके कष्ट दइं और उनके सँग गलत ब्यबहार करीं। और बे भेंणाबक्राके खलरी लगाएके इतएउतए फिर्तरहात रहएं।

परमेस्वर को सच्चो वचन

³⁷ पथरा से मारे गै; आरे से चीरे गै; उनकी परिक्छा करी गई; तलवार से मारे गै; बे कंगाली मैं और कलेस मैं और दुख भुगतत भै भेंड़न और बकरियन की खाल ओढ़े भै, इतै-उतै मारे-मारे फिरैं।

हिब्रू 11:37 Referans Kwoze

प्रेरित 7:52

सबए अगमबक्तनके तुमर पुर्खा सताइं। और बे आदमी अगमबक्तनके मारडारीं, जौन ख्रीष्टके बारेमे अगमबाणी करी रहएं, जौन ख्रीष्ट धर्मी रहए। और जब ख्रीष्ट आओ तओ तुम बाके धोखा दए और बाके मारडारे।

प्रकाश 11:3

बो समय मए अपने दुई साक्षीन्के एक हजार दुई सओ साठी दिननके ताहीं मेरे सन्देशनकी घोषणा करनको अधिकार देमंगो। बे शोक करन बारो लत्ता पैँधे होमंगे।”

2 कोरिन्थी 12:10

जहेमारे ख्रीष्टके ताहीं कमजोरीनमे, बदनामीनमे, कठिनाइमे, सतावटमे, आफतमे मए सन्तुष्ट रहत हओं। काहेकी जब मए कमजोर होत हओं, तओ मए ख्रीष्टको शक्ति द्वारा मजबुत होत हओं।

प्रेरित 14:19

पर कितने यहूदी, पिसिदिया परदेशको एन्टिओखिया सहर और आइकोनियन सहर आएके आदमीनके अपने घेन करलैं, और पावलके पत्थरसे मारीं। और मरो समझके बोके गाउँसे बाहिर घसिटत लैगए।

लूका 13:34

हे यरूशलेम सहरके आदमी! तुम परमेश्वरके अगमबक्तनके मारडारे जो बहुत पहिले रहएं। और बे आदमीनके पत्थर मारे रहओ, जौन तुमर ठिन पठाएगए रहएं। बहुत चोटी मए जा चाहो, कि जैसी मुर्गी अपन चिङगनन्के पखना तरे बटोरत हए, उइसीयए मए फिर तुमर बालकाके रेखदेख करन चाहो, पर तुम नाए माने।

मत्ती 21:35

तओ किसानदर उनको नोकरके पकणके एकके पिटीं, दुस्रेके मारडारीं, और दुस्रेके पत्थरसे मारीं।

मत्ती 8:20

येशू बोसे कही, “सेरनके भार और बादरमे उणन बारे चिरैंचिरगुनीके घरघुस्ला होत हएं। पर मए, आदमीको लौंणाके ताहीं त एक घर फिर नाएहए, जहाँ मए सोए सिकओं।”

मत्ती 3:4

बप्तिस्मा देन बारो यूहन्ना ऊँटको बारसे बिनो साधारण कुर्ता लगात रहए, और करह्याँओँमे खालको फेंटा बाँधत रहए, और टिंण्हा और बनको सहात खात रहए।

हिब्रू 11:25

एकघरिके ताहीं पापको सुख भोगनसे बरु परमेश्वरके आदमीनके सँग दुख भोगनो मोशा छानी।

हिब्रू 13:3

अपना फिर बिनके सँग जेलमे पणो समझके जेलमे होन बारेनको ख्याल करओ और अपना दुखमे पणोकता अत्याचारमे पणे आदमीनके सम्झओ। जैसेकी तुम उनके सँग दुखमे हओ।