हिब्रू 11:1 - राना थारु नयाँ नियम

¹ बिश्वास करनको मतलब आसरा करोभओ बातमे निर्धक्क होनो और नाएदेखो भओ बातमे पक्का भरोसा करनो हए।

परमेस्वर को सच्चो वचन

¹ बिस्वास रखन के ताहीं बे सब चीज होमैं जोकी हम आसा रखथैं, बे चीजन के बारे मैं जो हम नाय देख पाथैं।

हिब्रू 11:1 Referans Kwoze

2 कोरिन्थी 5:7

परमेश्वरके देखके नाए, बल्कि हम बामे बिश्वास करके जीइत हएं।

2 कोरिन्थी 4:18

हम दिखान बारी बातके नाए, बल्कि नाए दिखान बारी बात देखत हएं, काहेकी दिखान बारी बात क्षणिक होत हएं, पर अदृश्य बात अनन्ततक रहात हएं।

हिब्रू 11:7

बिश्वाससे नोआ नाउँ करोभओ आदमी कभीनाए देख भओ बहियाके बारेमे परमेश्वरसे चेतावनी पाएके बाको बडो आदरके साथ आज्ञापालन करके अपनो परिवारके बचान बारो पानीजहाज बनाइ। और नोआ बिश्वाससे पहिले, और संसारके बिश्वास नाए करन बारे आदमी दोषी ठहिरे और बिश्वाससे परमेश्वर नोआके धर्मी घोषित करी।

हिब्रू 10:22

बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।

हिब्रू 11:27

राजाको गुस्सासे नाए डराएके बिश्वासए द्वारा बो मिश्रदेश छोडी, काहेकी कठिनाइको सामना करनके बाबजुत फिर बो नाए लौटो। काहेकी बोके अइसो लागत रहए, कि बो अदृश्य परमेश्वरके देखी होए।

हिब्रू 10:39

पर हम परमेश्वरके इन्कार करन बारे और नाश होन बारेन मैसे नाए हएं। पर हम बे आदमीन मैसे हएं जो बिश्वासे प्राण बचाएगए हएं।

1 कोरिन्थी 13:13

जहेमारे अब, जे तीन परकारके कामके हमएं करन चाहो: परमेश्वरमे बिश्वास कर्नो, परमेश्वरके बाचामे आसरा कर्नो, और दुस्रेनके प्रेम कर्नो। पर जे तीन मैसे एक सबसे बडो हए: बो हए, दुस्रे जनैनके प्रेम कर्नो।

हिब्रू 11:13

जे सबए आदमी जो परमेश्वरमे भरोसा करीं, बे चिजनके प्राप्त करे बिना मरिगए जोको वादा परमेश्वर करी रहए। पर बे परमेश्वरको भबिष्यमे करन बारो काम बुझके खुसी भए। और बे जा फिर बुझलैं, कि हम जा धर्तीमे परदेशी और अन्जान हएं।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।

2 कोरिन्थी 11:17

नेहात्तओ घमण्ड करन बारो बात करके मए मुरखए बात मस्कनडटो हओं। जा प्रभुके द्वारा मस्कन लगाओ भओ बात नाए हए।

2 कोरिन्थी 9:4

अगर माकेडोनिया परदेशके कुछ बिश्वासी मिर सँग आए और तुम उपहारके रुपमे रुपैया नाए दइपाए कहेसे तुमर बिश्वास लायकता द्वारा हम सरममे पणजामंगे, पर तुमके फिर बहुत सरम लगैगो। काहेकी हम तुमर उपर बहुत भरोसा करे रहएं।

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।