हिब्रू 10:22 - राना थारु नयाँ नियम

²² बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।

परमेस्वर को सच्चो वचन

²² तौ आबौ हम, सच्चे मन और पूरे बिस्वास के संग, और मन के दोस दूर करन के ताहीं दिल मैं छिड़काव लैकै, और सरीर कै साफ पानी से धोएकै परमेस्वर के झोने आमै।

हिब्रू 10:22 Referans Kwoze

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

इफिसियों 5:26

ख्रीष्ट मण्डलीनके पबित्र बनानके ताहीं अपनो बचनसे और बप्तिस्माको पानीसे धोएके शुद्ध बनाइ।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

हिब्रू 7:19

काहेकी मोशाको नियम कानुन त कुछु फिर सिद्ध नाए करपाइ। और हम्रे सँग एक अच्छो आसरा हए, बो आसरा येशू ख्रीष्ट हए, जौन हमके परमेश्वरके ढिँगै पुगात हए।

2 कोरिन्थी 7:1

जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

हिब्रू 4:16

जहेमारे सहाससे परमेश्वरके अग्गु जामएं, जो अनुग्रहसे भरोहए। और जरुरत पणो समयमे हम परमेश्वरसे दया और अनुग्रह पामंगे।

हिब्रू 12:24

तुम परमेश्वर और आदमीनके बीचमे नयाँ करार बाँधदेन बारो मध्‍यस्‍थकर्ता येशू ख्रीष्ट ठिन आए हओ, और छिँटो भओ खुनमे आए हओ, जौन हाबिलको खुन कता न्यायके ताहीं चिल्लानके सट्टामे माफीके बारेमे कहात हए।

तीतुस 3:5

परमेश्वर हमके हमर पापके दण्डसे बचाइ, और जा हमर अपनो धार्मिक कामके कारण नाए, जो हम करे रहएं, बल्कि बा हमर उपर दया दिखाइ, और बा पबित्र आत्मा दइके हमके बचाए लइ। जौन हमरे पापनके धोइ और हमके एक नयाँ जीबन और ब्यबहार करनके एक नयाँ तरिका दइ।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

इफिसियों 3:12

ख्रीष्ट सँग हमर सम्बन्धको कारण और बाके उपर हमर बिश्वासके कारणसे, अब हम परमेश्वरको उपस्थितिमे हिम्मत और आत्माबिश्वाससे आएसकत हएं।

याकूब 4:8

परमेश्वरके ढिँगै आबओ, तओ बा फिर तुमर ढिँगै आबैगो। हे पापीउ, अपने जीबनसे पापके दुर करओ, और बे आदमी जौन दुई मन बारे हएं, अपने हृदयके पबित्र करओ।

हिब्रू 9:19

तभीमारे मोशाको नियम कानुनको किताबको हर आज्ञा आदमीनके अग्गु कहिके, बो बछरा और बक्राको खुन लैके पानीमे मिलाए दइ। बो लाल ऊनको हिसपको पेणके हँगामे बाँधके और जाके बो खुनमे डुबाएके मोशाको नियम कानुनकी पुस्तकमे और सब आदमीनमे छिँटी।

मत्ती 3:11

जौन मोसे पिच्छु आबैगो, बा मोसे बहुत शक्तिशाली हए, और कमैया बनके लोहोकके बाको जुत्ताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर बा तुमके पबित्र आत्मासे बप्तिस्मा देबैगो और आगीको बप्तिस्मा देहए।

याकूब 1:6

जब तुम परमेश्वरसे मागत हओ, तओ तुमके बिश्वास करनके चाहो, काहेकी जो शंखा करत हए, बे हमेसा बद्लत रहात हएं, बे समुन्दरको लणुरा कता होत हएं, जो हबाके भरमे बद्लत और उछल्त रहात हए।

हिब्रू 11:28

बिश्वासए द्वारा मोशा इस्राएल देशके आदमीनके फाटकमे बलिको खुन छिर्कनके और यहूदीनको निस्तार तेवहार माननके आज्ञा दइ। ताकी बणे लौंणनके बिनाश करन बारो दूत, इस्राएलके बडो लौंणनके छुइ नाए पाबए।

हिब्रू 10:19

जहेमारे हे बिश्वासी ददाभइया और दिदिबहिनियओ, येशू हमर ताहीं अपनो जीबन खुनको बलिदान करके कारणसे हम स्वर्गको महापबित्र ठाउँमे सहाससे घुस पातहएं।

हिब्रू 9:10

काहेकी बे आदमीनको खानो और पिइनो और आदमीनके बाहिरी रुपमे शुद्ध बनान बारो बहुत मेलके पुरानो चलनके हँदानके बारेमे इकल्लो कहात हएं। जे रितीरिबाज बिनके परमेश्वरको नयाँ करार सुरु नाए भएतक पालन करन पणैगो।

1 तिमोथी 4:2

बे झुठे आदमीनको कपटीके कारण अइसे झुठे सन्देशके सिखात हएं। जैसे तत्तो लोहा लैके जलो भओ खालके कोइ महसुस नाए होत हए। उइसी बे जा बातके जानत नैयाँ, कि बे ठिक करत हएं कि गलत करत हएं।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

इफिसियों 6:5

हे कामदारओ, जो आदमी संसारके अनुसार तुमर मालिक हएं, साबधानीसे उनको आदर, सम्मान करओ, दिखावा मत् करओ और जैसे ख्रीष्टको आज्ञा काँपतए मान्त हओ उइसीयए उनको आज्ञा फिर मानओ।

प्रेरित 8:21

जा सेवाकाइमे नए तेरो हिस्सा हए, नए तेरो अधिकार हए, काहेकी तेरो मन परमेश्वरके अग्गु सही नाए हए।

यूहन्ना 8:9

पर जब बे जा सुनीं, तओ बडेसे लैके छोटे तक एक-एक करके गैभए जा जानके, कि बे सब पापी रहएं, और हुवाँ येशू इकल्लो रहिगओ, और बो बैयर येशूके अग्गु ठाणी रहए।

लूका 1:1

बहुत जद्धा माननीय थियोफिलस, हमरे बीचमे भए घटनाके बारेमे एक विवरण सँग्रह लिखनके ताहीं बहुत आदमी कोसिस करी हएं।

प्रेरित 22:16

तए अब काहे देर करत हए? उठ और बप्तिस्मा ले, और अप्नो पापको क्षमा पानके ताहीं बाको नाउँ ले।’

हिब्रू 6:11

अल्छी मत् होबओ। पर कडा मेहेनत करन बारे कता तुम फिर जी प्रेमको काम धैर्यता और बिश्वाससे अन्त तक करेरहान पणत हए। और परमेश्वरको प्रतिज्ञा पानके ताहीं मजबुत आसरा होन पणत हए।

हिब्रू 10:1

मोशाको नियम कानुनमे भओ पुराने नियम, आन बारो समयको छहीं इकल्लो हए, ख्रीष्ट हमरे ताहीं करोभओ अच्छो चीजको वास्तबिकता नाए हए। पुरानो नियममे बलि घरि-घरि और साल-सालमे चढान पणत रहए, पर बे परमेश्वरको आराधना करन आएभए आदमीनके पुरा रुपसे शुद्ध नाए करपात रहए।