हिब्रू 10:20 - राना थारु नयाँ नियम

²⁰ जब ख्रीष्ट मरो, तओ बा हमके अनन्त जीबन देनके नयाँ डगर खोलदइ। बा पर्दासे छिरके डगर खोली, बोको अर्थ जा हए, कि बा एक बलीके रुपमे अपनएके चढाएके अइसे करी।

परमेस्वर को सच्चो वचन

²⁰ बौ हमरे ताहीं एक नई राह बनाये कै देगो, एक जिंदगी की राह, परदा के जरिया मतलब अपने सरीर के जरिया हमरे ताहीं खोल दई है।

हिब्रू 10:20 Referans Kwoze

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 10:9

फाटक महीँ हओं, अगर कोइ आदमी मिर सुध भितर घुसैगो कहेसे परमेश्वर बोके बचाबैगो, और बो भितर-बाहिर आनजान करैगो और खानके ताहीं खानु पाबैगो।”

हिब्रू 9:3

तम्भु भितर पर्दाके पिच्छुको दुस्रो कोठाके महापबित्र ठाउँ कहात रहएं।

हिब्रू 9:8

जे रीतिथितिसे पबित्र आत्मा हमके जा बुझात हए, कि जब तक जा धर्तीमे बो तम्भु हए और जाको रीतिथिति जहे धर्तीमे पालन होत हए, तबतक स्वर्गको महापबित्र ठाउँमे परमेश्वर ठिन जानके डगर नाए खुलैगो।

हिब्रू 6:19

हमरे सँग भओ आत्माके ताहीं जा आसरा मजबुत हए और हलान नाए सिकंगे। जा हमके परमेश्वरसे दुर नाए लैजात हए, बरु जा हमके परमेश्वर ठिनको मन्दिर भितरको परमपबित्र ठाँउमे लैजात हए।

यूहन्ना 10:7

बहेबेरा येशू फिरसे उनसे कही, “नेहात्तओ, मए तुमसे कहात हओं, कि मए बो फाटक हओं जौन सुध भेंणा खोण भितर घुसत हएं।

1 यूहन्ना 4:2

परमेश्वरको आत्माके तुम जहे रितिसे चिनसकत हओ, कि जो कोइ आत्माके मानलेत हए, कि येशू ख्रीष्ट एक आदमीके रुममे आओ हए, बहे परमेश्वरके घेनसे हए।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

लूका 23:45

सूर्यको तेज कम हुइगओ, और यरूशलेमको मन्दिरको पर्दा बीचसे फटके दुई खण्डा हुइगओ।

मर्कूस 15:38

और बो मोटो पर्दा जो यरूशलेमको मन्दिरमे लटको रहए, जो सबके परमेश्वरको उपस्थितिमे घुसनके रोकत रहए, बो पर्दा उपरसे लैके तरे तक दुई खण्डा हुइके फटिगओ।

मत्ती 27:51

तओ बो समयमे यरूशलेमको मन्दिरको पर्दा उपरसे लैके तरे तक फटके दुई भाग हुइगए और जमिन काँपन लागी और चट्टान फुटे।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।

इफिसियों 2:15

अपनी मृत्युके द्वारा, बा मोशाको नियम कानुनके जाको सब नियम और बिधिन्के साथ खतम करदइ, ताकी बा यहूदीनको समुह और गैर-यहूदीनको समुहके बीच शान्ति करपाबए और अइसियए एक नयाँ समुह बनाए पाबए।