हिब्रू 1:1 - राना थारु नयाँ नियम

¹ प्राचीन कालसे हमर दौवा पुर्खनके सँग अगमबक्तनसे बहुत चोटी और कैयौं मेलसे परमेश्वर बोली रहए।

परमेस्वर को सच्चो वचन

¹ पुराने समय मैं परमेस्वर पुरखन से निरे दाँव और अलग-अलग तरीकन से भविस्यवक्तन के जरिया बात करी,

हिब्रू 1:1 Referans Kwoze

लूका 24:27

येशू बिनके पुरा पबित्र-शास्त्रमे भओ मोशाको नियम कानुनसे सुरु करके सब अगमबक्तनको किताबतक अपन बारेमे लिखो सब बात सम्झाइ।

प्रेरित 2:30

पर एक परमेश्वरको अगमबक्ता होनके कारणसे जा जानके कि परमेश्वर बोसे कसम खाएके बोसे बाचा करी हए कि, ‘मए तिर खानदानमे एक आदमीके तिर सिंहासनमे बैठामंगो।’

लूका 1:55

बा अब्राहामके और बोके सारे पिढीके हमेसाके ताहीं दया दिखानके ताहीं याद करीहए।”

प्रेरित 13:32

अब हम तुमके जा अच्छो समाचार परचार करत हएं, जो प्रतिज्ञा परमेश्वर पुर्खानसे करी रहए,

हिब्रू 2:2

स्वर्गदूतसे दओ भओ मोशाको नियम कानुन सब दिन सत्य साबित भओ हए, और मोशाको नियम कानुनके हरेक उलंघनमे और अनाज्ञाकारिके काममे परमेश्वर आदमीनके सजाय दइ।

लूका 1:72

बा हमर पुर्खान्के दया दिखानके, और अपनो पबित्र करार याद करनके ताहीं आओ हए।

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

यूहन्ना 9:29

हमके पता हए मोशासे परमेश्वर बोली रहए, पर हमके पता नाए हए, कि बा आदमी कहाँसे आओ हए।”

यूहन्ना 7:22

मोशा तुमके खतना करनको चलन दइ हए, होन त जा काम मोशा सुरुवात नाए करीहए। पर सुरुवात त तुमर पुर्खा करी रहएं; जोको अनुसार तुम पबित्र दिनमे फिर खतना करत हओ।

लूका 24:44

और येशू बिनसे कही, “जब मए तुमर सँग रहओं, तओ मिर कहो बचन जहे रहए, कि जितनो बात मोशाको नियम कानुन, अगमबक्ता और भजनके किताबमे, मिर बारेमे लिखेहएं, बे सब बात पुरा होन जरुरी हए।”

यूहन्ना 16:13

जब बा परमेश्वरके बारेमे सच्चाई प्रकट करन बारो आत्मा आबैगो। तओ आत्मा तुमके, परमेश्वरके बारेमे जो फिर सत्य हए कहिके जाननको कारण बनैगो, काहेकी सल्लाहकार अपनी अधिकारसे नाए मस्कत हए। बल्कि सल्लाहकार परमेश्वरके घेनको बात सुनैगो और बहे बताबैगो, और आन बारी बात तुमके बताबैगो।

प्रेरित 3:21

येशूके स्वर्गमे, बो समय तक रहानके जरुरी हए जब तक बे सब चिजनके परमेश्वर नयाँ नाए बनाए देए। बहुत समय पहिले परमेश्वर आदमीनके जा बात कहानके ताहीं पबित्र अगमबक्तनके द्वारा अइसे करनके प्रतिज्ञा करी।

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।

हिब्रू 3:5

मोशा परमेश्वरको घरको सब आदमीनसे बिश्वासयोग्य भओ। और पिच्छु, मोशाको करोभओ काम भबिष्यमे परमेश्वरके बोलन सच्चो बातको सच्चो उदाहरण रहए।

हिब्रू 4:8

हम जा फिर जानत हएं, कि परमेश्वरको प्रतिज्ञा करोभओ विश्रामको ठाउँ कनान देश नाए हए, जहाँ हमरे पुर्खनके जानके ताहीं यहोशू अगुवाई करी रहए। काहेकी अगर बो ठाउँ कनान देश हुइतो, तओ परमेश्वर पिच्छु दुस्रो दिनके बारेमे नाए कहितो।

हिब्रू 5:5

ख्रीष्ट सम्मान पानके ताहीं अपनए प्रधान यहूदी पुजारी नाए भओ। पर परमेश्वर बाके बो सम्मान दइ, और कही, “तए मिर लौंणा हए, आज मए घोषणा करत हओं, कि तए मिर लौंणा हए।”

हिब्रू 9:19

तभीमारे मोशाको नियम कानुनको किताबको हर आज्ञा आदमीनके अग्गु कहिके, बो बछरा और बक्राको खुन लैके पानीमे मिलाए दइ। बो लाल ऊनको हिसपको पेणके हँगामे बाँधके और जाके बो खुनमे डुबाएके मोशाको नियम कानुनकी पुस्तकमे और सब आदमीनमे छिँटी।

हिब्रू 11:2

हमर पुर्खनको अइसियए बिश्वास रहए और सिरफ जहेमारे परमेश्वर उनसे खुसी रहए।

हिब्रू 11:18

परमेश्वर बोसे कही रहए, “मए बचा करोअनुसार इसहाकसे तिर बंश अग्गु बढैगो।”

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।