गलातियों 6:8 - राना थारु नयाँ नियम

⁸ अगर कोइ आदमी अपनो शारिरीक इच्छाके पुरा करत हए, तओ बो मृत्यु पाबैगो। तओ जौन बो इच्छाके पुरा करत हए, जो पबित्र आत्मा चाँहत हए, बोके कभी फिर नाश नाए होन बारो जीबन मिलैगो।

परमेस्वर को सच्चो वचन

⁸ अगर बे अपनी सरीर की इच्छा के ताहीं बोथैं, तौ जासे बे मौत की फसल काटंगे; अगर बे आत्मा के ताहीं बोथैं। तौ बे आत्मा से अनंत जिंदगी की फसल काटंगे।

गलातियों 6:8 Referans Kwoze

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

याकूब 3:18

और जो मेलमिलाप करन बारे हएं, बे शान्तिके बीज बोमंगे और धार्मिकताकी फसल काटंगे।

2 पतरस 2:19

झुठे गुरु आदमीनसे कहात हएं, कि बे अपना चाहन बारो जो कोइ फिर काम करन स्वतन्त्र हएं। एक हिसाबसे बे अपनए फिर नोकर कता हएं, काहेकी बे अपनुवए पापी स्वभाबसे बिनके पापको काम करन मजबुर करत हएं। काहेकी जौन बात कोइ आदमीके जितत हए बहे बात बोके नोकर बनातहए।

गलातियों 6:7

अपनए-अपनएके धोखा मतदेओ, कोइ कभी फिर परमेश्वरके मुरख नाए बनाए पाबैगो, काहेकी आदमी जो कुछ फिर बोतहए, बहे काटत हए।

रोमियों 13:14

बल्कि येशू ख्रीष्टके अपनो हथियार बनाओ और पापमय स्वभाबको इच्छा पुरा करनमे मतलागओ।

प्रकाश 22:11

जोकोइ फिर घिनौनो काम करत हए, उन्हएं उनको घिनौनो कामनके करनदेओ। अइसियए जोकोइ फिर अच्छो और पबित्र काम करत हए, उन्हएं उनको अच्छो और पबित्र कामनके करनदेओ।”

यूहन्ना 4:36

और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं।

यहूदा 1:21

परमेश्वर तुमके प्रेम करत रहात हए कहिके जानके तुमके जीइन पणत हए। तुम हमर प्रभु येशू ख्रीष्ट दुबरा लौटके आन बारो दिनको आसरा करओ, ताकी तुम कभी फिर नाश नाए होन बारो जीबन पाए सकओ, काहेकी बा हमर उपर दया करीहए।

यूहन्ना 6:27

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

रोमियों 6:13

और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

मत्ती 19:29

हरएक जौन मिर नाउँके खातिर घर, ददाभइया और दिदी-बहिनीया और दौवा और अइया और लौंणालौंणीया और जग्हाजमिन छुणेहए, बो सओ गुणा पएहए, और कभी फिर नाश नाए होन बारो जीबनको अधिकार पएहए।

तीतुस 3:7

ताकी हम कभी फिर नाश नाए होन बारो जीबन पानके आसरा करपामएं, जो परमेश्वर हमके अपने सन्तानके रुपमे देनके बाचा करीहए। और हम जाके बारेमे पक्का हएं, काहेकी परमेश्वर अपने अनुग्रहके द्वारा हमके अपने सँग ठिक ठहिराइ हए।

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

लूका 18:30

बो जहे समयमे बेढम जद्धा प्रतिफल पाबैगो और आन बारो युगमे कभी फिर नाश नाए होन बारो जीबन प्राप्त करैगो।”

2 पतरस 2:12

पर जे झुठे गुरु जंगली जानबर कता हएं। जे जानबर कैसे सोँचत हए करके नाए जानत हएं, और बे केबल पकणके मारन उदेश्यसे इकल्लो बने होत हएं। जे आदमी, जो बिनको दिमाकमे आत हए बहे करत हएं, और बे नाए बुझीभइ बातको फिर अपमान करत हएं। बे नेहात्तओ नष्ट होमंगे।

1 तिमोथी 1:16

मए हर कोइ आदमीसे सबसे जद्धा पाप करो हओं, पर येशू ख्रीष्ट मोएमे दया दिखाइ। और परमेश्वर मोके क्षमा करके जहे दिखान चाँहत रहए, कि बा कित्ना सहनशील हए। जा बेहीं आदमीके ताहीं एक उदाहरण होबैगो जो पच्छु बाके उपर बिश्वास करंगे और कभी फिर नाश नाए होन बारो जीबन पामंगे।

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

रोमियों 8:6

जब हम अपन मनके पापी स्वभाबके अधिनमे करत हएं, तओ बो हमके मृत्यु घेन लैजात हए। पर जब हम अपन मनके पबित्र आत्माक अधिनमे करत हएं तओ हमके जीबन और शान्ति मिलत हए।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

1 कोरिन्थी 15:42

तओ अइसियए मरके जिन्दा भए आदमीमे फिर होइगो। जौन शरीरके बे दफ्नात हएं बो अइसो शरीर हए जो सडो जातहए, पर जब जा फिरसे जीइउठैगो तओ जा एक अइसो शरीर होबैगो जो सण नाए सकत हए।