गलातियों 5:20 - राना थारु नयाँ नियम

²⁰ बे मूर्तिपुजा पुजत हएं, जादु-टोना करत हएं, अपने सँगीसे घृणा करत हएं, एक-दुस्रेसे लडाइ करत हएं, बे बेहीं चीजके पान इच्छा करत हएं जो दुस्रे आदमीनके ठिन हए। बे जल्दी गुस्साए जात हएं, अपने डगर निकारनके ताहीं दुस्रे आदमीनके तरे गिरात हएं, बे उइसे आदमीनके अस्वीकार करदेत हएं जोसे बे असहमत हएं, और सिर्फ उइसे आदमीनके सँग लगत हएं जोसे बे सहमत हएं।

परमेस्वर को सच्चो वचन

²⁰ मूर्ति पूजा, टोना, बैर, लड़ाई, जलन, गुस्सा, खिलापत, फूट, विधर्म,

गलातियों 5:20 Referans Kwoze

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

1 कोरिन्थी 11:19

का तुमके लगत हए, कि बिभाजनके माध्यमसे दुस्रेनके पता चल जाबैगो, कि तुम मैसे कोइके ठिन परमेश्वरको उपस्थिति हए? नाए, बिरकुल नाए हए।

तीतुस 3:10

अगर कोइ अइसो आदमी हए, जो बिश्वासीनके बीच फुट पैदा करत हए, तओ बोसे गम्भीरतासे बात कर, और बोसे अइसो ब्यबहार करन छोडनके कहो। अगर बो छोडनसे नाए मानैगो, तओ बोके फिरसे चेतावनी दे। जाके पिच्छु, अगर बो फिरसे नाए छोडन मानैगो कहेसे तोके अइसे आदमीके छोडदेन चाहो।

2 कोरिन्थी 11:19

तुम अपनए इत्नो बहुत बुद्धिमानी भए हओ, कि खुसीसाथ मुरखन्के सहात हओ।

2 पतरस 2:1

बहुत समय पहिले इस्राएलीनके बीचमे देखा पणे झुठे अगमबक्ता कता, झुठे गुरु फिर तुमर बीचमे देखा पणंगे। बे झुठे शिक्षामे फसँगे, जो आदमीनके ख्रीष्टमे बिश्वास करनसे रोकंगे। जे झुठा गुरु, उद्धार करन बारो ख्रीष्टके अपनो मालिकके रुपमे स्वीकार करनके फिर इन्कार करंगे जो बिनको पापको शक्तिसे मुक्त करी। अइसियए बे अचानक अपनएके नष्ट करंगे।

रोमियों 2:8

पर जो आदमी केवल अपनएके इकल्लो प्रेम करत हए, और सत्यके नाए मानत हए, बल्कि दुष्ट काम करन चाँहत हए, उनके उपर परमेश्वरको अपनो क्रोध और दिक्क अखनाबैगो।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

गलातियों 5:15

पर अगर तुम लगातार एक-दुस्रेसे लणत रहात हओ, और एक-दुस्रेके परेसान करतए रहात हओ कहेसे होसियार रहओ, तुम एकदुस्रेके बर्बाद मत् करओ।

याकूब 3:14

पर अगर तुम अपने-अपने मनमे बहुत जलन होनो और स्वार्थ हए, कहेसे तुमर घमण्ड एक झुटो हए, जौन सच्चाईके लुकात हए।

1 यूहन्ना 3:15

जौन अपन भइयाके हेल्हा करत हए, बो हत्यारा हए। और तुम जानत हओ, कि कोइ फिर हत्यारामे, कभी फिर नाश नाए होन बारो जीबन नाए होत हए।