गलातियों 4:18 - राना थारु नयाँ नियम

¹⁸ हमेसा अच्छे उदेश्यके ताहीं जोशिलो होन अच्छो होत हए। और केबल बहे समय इकल्लो नाए, कि जब मए तुमरसँग उपस्थित होत हओं।

परमेस्वर को सच्चो वचन

¹⁸ लेकिन जौ भी अच्छो है कि अच्छी बात मैं हर समय दोस्त बनान की कोसिस करी जाबै, ना सिरफ बहे समय, कि जब मैं तुमरे संग रहथौं।

गलातियों 4:18 Referans Kwoze

फिलिप्पी 2:12

जहेमारे हे मेरे प्रिय सँगीउ, जब मए तुमर सँग रहओं, तओ तुम सब परमेश्वरको आज्ञा मानतए रहे। अब मए तुमसे दुर भओ हओं, तहुँफिर तुमके जे बातके मानन पणैगो। और तुम सब जनै डरातए, और लग्लागात बे सब काम करओ जो तुमर ताहीं ठिक हए, जौन तुमके परमेश्वर मुक्ति दइ हए।

प्रकाश 3:19

जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

फिलिप्पी 1:27

खास बात जहेहए, कि ख्रीष्टको अच्छो समाचारके सुहान बारो चल-चलन होबए। जहेमारे, मए तुमके देखओं या नाए देखओं, तुमर बारेमे जा सुनन पामओं, कि तुम एकए उदेश्यमे स्थिर हओ, और एकए सँग लडनके ताहीं बहे बिश्वासके ताहीं लडत हओ, जो अच्छो समाचारसे आत हए।

गलातियों 4:13

तुमके पता होबैगो, कि जब मए पहिलो चोटी तुमर ठिन अच्छो समाचारको परचार करनके आओ तओ मए बिमार रहओं।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

यूहन्ना 2:17

तओ येशूके चेलनके पबित्र-शास्त्रमे लिखो जा बचन याद आइगओ, “तुमर यरूशलेम मन्दिरको भक्ति, मिर भितर आगी जैसो पजरत हए।”

गलातियों 4:20

मए चाँहत हओं, कि अब मए तुमरसँग रहामओं ताकी मए तुमसे नम्र तरिकासे बात करपामओं, काहेकी मए तुमर ताहीं बहुत चिन्ता करत हओं।

गलातियों 4:17

झुठे गुरु तुमके अपने समुहसे सामिल करानके ताहीं पुरा कोसिस कर रहे हएं। पर उनको उदेश्य तुमर भलाइके ताहीं नाए हए; उनको उदेश्य जा हए, कि बे तुमके मोसे अलग करबान चाँहत हएं, ताकी तुम लगातार उनकी आज्ञाके पालन करओ।