गलातियों 3:29 - राना थारु नयाँ नियम

²⁹ और काहेकी तुम ख्रीष्टके सँग एक हओ, अब तुम अब्राहामके परिवारको हिस्सा हओ, और तुम परमेश्वरसे प्रतिज्ञा करो भओ आशिषके हकदार बनिगए हओ।”

परमेस्वर को सच्चो वचन

²⁹ और अगर तुम मसीह के हौ, तौ अब्राहम के पीढ़ी और वादा के जरिया बारिस भी हौ।

गलातियों 3:29 Referans Kwoze

इफिसियों 3:6

और रहस्य जा हए, कि येशू ख्रीष्टके सँग हमर सम्बन्धके कारण अच्छो समाचारसे यहूदीनको समुह कता गैर-यहूदी फिर बहे आशिषन्के पामंगे, और बे एकए शरीरके सदस्य हएं और परमेश्वरको करोभओ बाचन्के हिस्सेदार हएं।

गलातियों 3:7

तुमके जा सम्झन चाहो, कि जौन आदमी अब्राहाम कता परमेश्वरमे भरोसा करत हएं, बे अब्राहामके सन्तान हएं।

रोमियों 8:17

हम बाके लौंणालौंणीया हएं कहेसे हक बारे फिर हएं, परमेश्वरके हक बारे और ख्रीष्टके साझा हक बारे। अगर हम अभए येशूके कता दुख सहामंगे तओ बाकी महिमामे फिर सहभागी होमंगे।

तीतुस 3:7

ताकी हम कभी फिर नाश नाए होन बारो जीबन पानके आसरा करपामएं, जो परमेश्वर हमके अपने सन्तानके रुपमे देनके बाचा करीहए। और हम जाके बारेमे पक्का हएं, काहेकी परमेश्वर अपने अनुग्रहके द्वारा हमके अपने सँग ठिक ठहिराइ हए।

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।

गलातियों 4:7

जहेमारे, अब हम कमैया नाए हएं, पर हम परमेश्वरके लौंणा बनिगए हएं; काहेकी हम परमेश्वरके लौंणा हएं, तओ बा हमके बे सब कुछ देबैगो, जो बाके ठिन बाके लौंणाके ताहीं हएं।

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

2 कोरिन्थी 10:7

तुम बाहिरी रुपसे देखत हओ। कोइ आदमीके जा भरोसा हए कि बो ख्रीष्टको हए कहेसे, अपनएके याद दिलाबए, कि जैसो बो ख्रीष्टको हए, हम फिर ख्रीष्टके हएं।

हिब्रू 6:17

जहेमारे परमेश्वर फिर कसम खाइ। जासे बा, प्रतिज्ञा पाए भए आदमीनके स्पष्ट रुपमे दिखान चाँहत रहए, कि बा अपनो प्रतिज्ञा पुरा करैगो।

गलातियों 3:16

अइसियए, परमेश्वर अपनो प्रतिज्ञा अब्राहाम और अपने सन्तानके सँग करी; पबित्र-शास्त्रमे जा नाए लिखो हए, “और बोको सन्तानसे,” पर जा एक आदमीके बारेमे बात करत हए, जब जा कहात हए कि “संसारके सब आदमी तिर एक सन्तानके माध्यमसे आशिष पामंगे” और जा आदमी ख्रीष्ट हए।

हिब्रू 11:18

परमेश्वर बोसे कही रहए, “मए बचा करोअनुसार इसहाकसे तिर बंश अग्गु बढैगो।”

हिब्रू 11:7

बिश्वाससे नोआ नाउँ करोभओ आदमी कभीनाए देख भओ बहियाके बारेमे परमेश्वरसे चेतावनी पाएके बाको बडो आदरके साथ आज्ञापालन करके अपनो परिवारके बचान बारो पानीजहाज बनाइ। और नोआ बिश्वाससे पहिले, और संसारके बिश्वास नाए करन बारे आदमी दोषी ठहिरे और बिश्वाससे परमेश्वर नोआके धर्मी घोषित करी।

हिब्रू 1:14

स्वर्गदूतनको उदेश्य का हए तओ? बे त परमेश्वरको सेवा करन बारे इकल्ले हएं। परमेश्वर बिनके मुक्ति पान बारेनके रेखदेख करनके ताहीं पठात हए।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

1 कोरिन्थी 15:23

पर हर आदमी एक ठिक क्रम अनुसार जिन्दा करोजाबैगो; ख्रीष्ट पहिलो आदमी रहए जोके जिन्दा करोगओ; फिर जब ख्रीष्ट लौटके आबैगो तओ बे सब जो ख्रीष्टमे हएं, उनके फिरसे जिन्दा करोजाबैगो।

मत्ती 3:9

अब्राहाम हमर दौवा हए करके आपसमे मत् कहाओ। काहेकी मए तुमसे कहात हओं, परमेश्वर जा पत्थरसे अब्राहामके ताहीं सन्तान उत्पन्न कर सकत हए।

गलातियों 3:18

काहेकी परमेश्वर तुमके अपनो अनुग्रह जाकेमारे नाए देतहए, ताकी तुम मोशाको नियम कानुनके पालन करत रहओ। पर परमेश्वर जहेमारे अनुग्रह देतहए, काहेकी परमेश्वर जाको प्रतिज्ञा करी रहए। उइसीयए, परमेश्वर अब्राहामके आशिष दइ, काहेकी परमेश्वर अब्राहामसे जाको प्रतिज्ञा करी रहए।

गलातियों 4:1

मोके जा उदाहरणके द्वारा सम्झानके देओ; कि लौंणा अपनो दौवाको सम्पतिको मालिक होइगो, पर जब तक बो छोटो रहात हए, तबतक बो एक कमैया कता होतहए और जामे अधिकार फिर नाए रहात हए। पर पिच्छु बो लौंणा बो सबकुछको मालिक बनैगो, जो बोको दौवाको हए।

गलातियों 6:16

जो कोइ जा नियमके पालन करत हएं, परमेश्वर बे सब इस्राएल देशके आदमीनके उपर दया करए, और बे शान्तिसे रहाएं। बे परमेश्वरके द्वारा चुनेगए हएं।