गलातियों 3:28 - राना थारु नयाँ नियम

²⁸ काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

परमेस्वर को सच्चो वचन

²⁸ तौ ना अब कोई यहूदि रहो और ना यूनानी; ना कोई दास, ना आजाद; ना कोई लोग, ना बईय्यर; काहैकि तुम सबै मसीह ईसु मैं एक हौ।

गलातियों 3:28 Referans Kwoze

कलस्सी 3:11

जहेमारे एक ग्रीक और यहूदीनके बीचमे कोइ भेदभाब नाए हए। नए खतना करोभओ, नए त बिना खतनाको; नए असभ्य, नए त बिदेशी; नए नोकर, नए त बो जो नोकर नाए हए। पर ख्रीष्ट इकल्लो एक हए जो महत्त्वपूर्ण हए, और बा अपन सब आदमीनमे रहात हए।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

यूहन्ना 10:16

“अब जा खोणमे नाएभए मेरे और भेंणा हएं और मोके बिनके फिर लानके पणो हए। अगर बे मिर अबाज चिनपामंगे तओ मिर सब भेंणा एकए झुण्ड हुइके एकए बकरेहेराके होमंगे।

इफिसियों 4:4

हम सबए बिश्वासी एकए शरीरके अंग कता हएं, और हम सबके एकए पबित्र आत्मा मिलो हए; जैसे तुमके एक आसरा दओगओ रहए, जब तुमके परमेश्वरके आदमी होनके ताहीं बुलाओ गओ।

रोमियों 9:24

हम, जौनके यहूदीनसे इकल्लो नाए, पर गैर-यहूदीनसे फिर मोके छानी हए कहेसे, का भओ तओ?

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

1 कोरिन्थी 7:19

कोइको खतना भओ हए या नाए भओ हए, जासे कोइ फरक नाए पणत हए, पर परमेश्वरको आज्ञानके मानन बहुत जरुरी हए।

यूहन्ना 11:52

पर उनके ताहीं इकल्लो नाए हुइके, बा परमेश्वरके सन्ताननके ताहीं फिर मरैगो, जौन जा संसारमे तितरबितर हएं, ताकी बिनके एक ठाउँमे जमा करो जाए सकए।

यूहन्ना 17:11

“अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

1 कोरिन्थी 7:14

काहेकी अगर तुम एक बिश्वासी बैयर हओ जो गैर-बिश्वासी लोगाके सँग रहात हओ, तओ तुमर लोगा फिर तुमर बिश्वासके कारण प्रभुको हए। और अगर तुम एक अइसे बिश्वासी पुरुष हओ जो गैर-बिश्वासी बैयरके सँग रहात हओ, तओ तुमरी बैयर फिर तुमर बिश्वासको कारण प्रभुकी हए। अगर जा सच्चो नाए हुइतो, कि तुमरी गैर-बिश्वासी बैयर या लोगा परमेश्वरके हएं। तओ तुमर बच्चा फिर अशुद्ध हुइते। पर अब तुमर बच्चा फिर परमेश्वरके हएं।

रोमियों 3:22

अइसियए परमेश्वर, येशू ख्रीष्टमे बिश्वास करन बारे सबएके धर्मी ठहिरात हए। काहेकी सब आदमी एक समान हएं।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

गलातियों 3:14

ख्रीष्ट अइसो जाकेमारे करी, ताकी गैर-यहूदीनके बहे आशिष मिलए, जौनको प्रतिज्ञा परमेश्वर अब्राहामके सँग येशू ख्रीष्टके द्वारा करी रहए, और ख्रीष्टमे बिश्वासके द्वारा, हम परमेश्वरको आत्मा पामएं, जौनको परमेश्वर हमके देनके प्रतिज्ञा करी रहए।

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

गलातियों 4:14

और जबकी मए बिमार रहओं, तओ तुम परेसान रहओ, पर तहुँफिर तुम मोके घृणा नाएकरे और नए त मोके दुर करे। तओ तुम परमेश्वरको एक स्वर्गदूतके अथवा येशू ख्रीष्टके ग्रहण करे कता तुम मोके ग्रहण करे।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

इफिसियों 1:1

मए पावल, जा चिट्ठीके लिखरहो हओं। परमेश्वर चाँहत हए, कि मए ख्रीष्ट येशूको चुनो भओ चेला बनओं। मए जा चिट्ठी एफिसस सहरमे रहान बारेनके ताहीं लिखरहो हओं, जो परमेश्वरके पबित्र आदमी हएं।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

कलस्सी 1:4

काहेकी हम सुनेहएं, कि ख्रीष्ट येशूके उपर तुमर बिश्वास हए, और सब पबित्र आदमीसे प्रेम करत हओ।

1 तिमोथी 1:12

मए हमर प्रभु येशू ख्रीष्टके धन्यबाद देत हओं, जौन मोके शक्ति दइ, कि बा मोएमे भरोसा करके अपनो सेवाको काममे लगाबए।

2 तिमोथी 1:1

मए, पावल जा चिट्ठीके लिखरहो हओं। परमेश्वर मोके जाकेमारे चुनी, कि मए ख्रीष्ट येशूसे चुनो भओ चेला बनओं। ताकी मए जा सन्देशके परचार करपामओं, कि परमेश्वर नाश नाए होन बारो जीबन दइके प्रतिज्ञा करीहए, जो येशू ख्रीष्टमे बिश्वास करनसे आत हए।