गलातियों 3:26 - राना थारु नयाँ नियम

²⁶ “जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

परमेस्वर को सच्चो वचन

²⁶ काहैकि तुम सब बौ बिस्वास करन के जरिया जो मसीह ईसु मैं है, परमेस्वर के बालका हौ।

गलातियों 3:26 Referans Kwoze

इफिसियों 1:5

परमेश्वरको प्रेमके कारणसे बा निर्णय लइ, कि बा येशू ख्रीष्टके द्वारा हमके अपनो सन्तान होनके ताहीं चुनैगो। परमेश्वर अपनो खुसी और आनन्द अनुसार अइसो करीहए।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

फिलिप्पी 2:15

ताकी तुम निर्दोष और सिद्ध हुइके खराब और भ्रष्ट पिढीके आदमीनके बीचमे परमेश्वरको निष्‍कलङ्क सन्तान हुइ पाबओ, और जीबनको बचन सुनाएके तुम जा संसारके आदमीनके बीचमे बादरको तारा हानी चम्कन पणैगो।

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।

इफिसियों 5:1

तुम परमेश्वरके प्यारे बच्चा हओ, जहेमारे तुमर ब्यबहार बाके स्वभाबके अनुसार होबए।

यूहन्ना 20:17

येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

यूहन्ना 1:7

यूहन्ना उजियारोके बारेमे गवाही देनके आओ, ताकी सब आदमी बोको गवाहीसे बिश्वास कर पामएं।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

रोमियों 8:19

सृष्टि बडो आसरा भरी दृष्टिसे परमेश्वरको सन्तान प्रकट होनको प्रतिक्षा कररहो हए।

2 कोरिन्थी 1:1

मए, पावल हमर बिश्वासी भइया तिमोथीसँग जा चिट्ठी लिखनडटो हओं। मए परमेश्वरकी इच्छासे ख्रीष्ट येशूको चुनो भओ चेला हओं। मए जा चिट्ठी कोरिन्थ सहरमे भए परमेश्वरको मण्डलीनके, और लगायत सारा अखैया परदेशमे भए सब पबित्र जनके लिखनडटो हओं।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

गलातियों 4:14

और जबकी मए बिमार रहओं, तओ तुम परेसान रहओ, पर तहुँफिर तुम मोके घृणा नाएकरे और नए त मोके दुर करे। तओ तुम परमेश्वरको एक स्वर्गदूतके अथवा येशू ख्रीष्टके ग्रहण करे कता तुम मोके ग्रहण करे।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

इफिसियों 1:1

मए पावल, जा चिट्ठीके लिखरहो हओं। परमेश्वर चाँहत हए, कि मए ख्रीष्ट येशूको चुनो भओ चेला बनओं। मए जा चिट्ठी एफिसस सहरमे रहान बारेनके ताहीं लिखरहो हओं, जो परमेश्वरके पबित्र आदमी हएं।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

फिलिप्पी 1:8

जामे परमेश्वर मिर साक्षी हए, कि मए येशू ख्रीष्टके गहिरो प्रेम करके तुम सबके देखनको प्यासो हओं।

कलस्सी 1:4

काहेकी हम सुनेहएं, कि ख्रीष्ट येशूके उपर तुमर बिश्वास हए, और सब पबित्र आदमीसे प्रेम करत हओ।

कलस्सी 2:6

जहेमारे जैसी तुम ख्रीष्ट येशूके प्रभु करके ग्रहण करलए हओ, उइसीयए बामे अपन जीबन बिताओ।

फिलेमोन 1:1

मए पावल, जा चिट्ठी लिखरहो हओं, मए जेलमे हओं, काहेकी मए येशू ख्रीष्टके बारेमे परचार करत हओं। हे फिलेमोन, हमर बिश्वासी भइया तिमोथी और मिर घेनसे तोके नमस्कार हए। तए हमर प्रिय सँगी हए, और तए ख्रीष्टके ताहीं उइसियए काम करत हए जैसे हम करत हएं।