गलातियों 3:16 - राना थारु नयाँ नियम

¹⁶ अइसियए, परमेश्वर अपनो प्रतिज्ञा अब्राहाम और अपने सन्तानके सँग करी; पबित्र-शास्त्रमे जा नाए लिखो हए, “और बोको सन्तानसे,” पर जा एक आदमीके बारेमे बात करत हए, जब जा कहात हए कि “संसारके सब आदमी तिर एक सन्तानके माध्यमसे आशिष पामंगे” और जा आदमी ख्रीष्ट हए।

परमेस्वर को सच्चो वचन

¹⁶ अब परमेस्वर अब्राहम और बाकी पीढ़ी से अपनो वादा करी। सास्त्र बहुबचन “पीढ़ी” को इस्तमाल ना करथै, जोको मतलब है भौत जनी, लेकिन एकबचन “पीढ़ी,” जोको मतलब खाली एक जनी है, मतलब मसीह।

गलातियों 3:16 Referans Kwoze

रोमियों 4:13

जा जाकेमारे नाए रहए, कि अब्राहाम मोशाको नियम कानुनके पालन करी। पर परमेश्वर अब्राहाम और अब्राहामको बंशके जा संसारके देन प्रतिज्ञा करी, और बा बिश्वास करोके कारणसे धर्मी घोषित करी।

लूका 1:55

बा अब्राहामके और बोके सारे पिढीके हमेसाके ताहीं दया दिखानके ताहीं याद करीहए।”

रोमियों 4:16

जहेमारे आदमी बिश्वासके द्वारा परमेश्वरको प्रतिज्ञा प्राप्त करीं। अइसो जाकेमारे होत हए, ताकी बाचा अनुग्रहसे प्राप्त होबए। तओ अब्राहामके सारे सन्ताननके बो बाचा प्राप्त हुइ सकत हए। जा सिरफ उनके ताहीं इकल्लो नाए जो मोशाको नियम कानुनके अधिन रहात हएं बल्कि हर बे आदमीनके ताहीं हए जो अब्राहाम जैसो बिश्वाससे जितो हए, जो हम सबजनैको पुर्खा हए।

गलातियों 3:8

और परमेश्वर पबित्र-शास्त्रमे बहुत पहिले कही हए, कि परमेश्वर गैर-यहूदीनके बिश्वासके द्वारा अच्छो समाचारसे धर्मी ठहिराबैगो, जा होनसे पहिलीए परमेश्वर अब्राहामके जा अच्छो बचनके पबित्र-शास्त्रमे बताए दइ रहए, कि “तेरे द्वारा, सब जातिके आदमी आशिष पामंगे।”

प्रेरित 3:25

तुम सब बेहीं अगमबक्तनको और बहे करारके सन्तान हओ, जौन करार परमेश्वर तुमर पुर्खा अब्राहामसे अइसो करके बाँधी रहएं, ‘तेरे लौंणाके द्वारा पृथ्वीके सब परिवार आशिष पामंगे।’

कलस्सी 3:11

जहेमारे एक ग्रीक और यहूदीनके बीचमे कोइ भेदभाब नाए हए। नए खतना करोभओ, नए त बिना खतनाको; नए असभ्य, नए त बिदेशी; नए नोकर, नए त बो जो नोकर नाए हए। पर ख्रीष्ट इकल्लो एक हए जो महत्त्वपूर्ण हए, और बा अपन सब आदमीनमे रहात हए।

1 कोरिन्थी 12:27

जहे परकार, तुम सब मिल्के ख्रीष्टको शरीर हओ, और तुम मैसे सबए बाके हओ, बाके शरीरके अंगके समान हओ।

1 कोरिन्थी 12:12

काहेकी जैसी शरीर एक हए, और बक बेढम अंग हएं, और शरीरको सम्पूर्ण अंग बेढम होएसे फिर शरीर एकए हए, अइसियए ख्रीष्ट और बाके उपर बिश्वास करन बारेनके सँग हए।

रोमियों 12:5

उइसीयए, हम फिर जो ख्रीष्टमे बिश्वासी हएं, हम सबए ख्रीष्टके शरीरके अंग हएं, और हम सबए एकदुस्रेसे जुडे भए हएं।

इफिसियों 5:32

जा एक मुल्यवान और गम्भीर शिक्षा हए जोसे हम हियाँ समझ सकत हएं। और मेरे ताहीं, मए जाको तुलना, ख्रीष्ट और मण्डलीनसे करत हओं।

मत्ती 1:1

येशू ख्रीष्ट, राजा दाऊद और अब्राहामको पिढी। येशू ख्रीष्टको पुर्खनको नाउँको सुची जा प्रकारसे हए:

रोमियों 9:4

बे इस्राएल देशके आदमी हएं, बे परमेश्वरके अपने सन्तान बनानके ताहीं छानी हएं, और परमेश्वर उनके अपनो महिमा दिखाइ। बा बिनसे अपनो करार बाँधी और बिनके अपनो नियम कानुन दइ। बिनके बाको आराधना करन और बाको अदभुत प्रतिज्ञा पान मौका रहए।

2 कोरिन्थी 11:22

का बे हिब्रू हएं? मए फिर हिब्रू हओं। का बे इस्राएल देशके हएं? मए फिर इस्राएल देशको हओं। का बे अब्राहामके सन्तान हएं? मए फिर अब्राहामके सन्तान हओं।

गलातियों 3:19

परमेश्वर कौन उदेश्यसे इस्राएल आदमीनके मोशाको नियम कानुन दइ? बा त अपराधन्के मारे पिच्छु दइ हए, मोशाको नियम कानुनके तबतक रहिरहान रहए। जबतककी अब्राहामको बो सन्तान नाए आएजाए, जौनको बारेमे परमेश्वर प्रतिज्ञा करी रहए। परमेश्वर अपनो नियम कानुन स्वर्गदूतसे मोशाके दइ, जो परमेश्वर और आदमीनके बीचमे मध्यस्थ रहए।