गलातियों 2:6 - राना थारु नयाँ नियम

⁶ फिर यरूशलेम सहरकी मण्डलीके अगुवा जो सन्देश मए सिखात रहओं, बोके बदलनके ताहीं मोके मजबुर नाए करीं। मोके जा बातसे कोइ फरक नाएहए, कि बे अगुवा कौन हएं।

परमेस्वर को सच्चो वचन

⁶ लेकिन जो लोग अगुवा लगत रहैं, मैं जहे कहथौं काहैकि मोकै कोई फरक नाय पड़थै कि बे का हैं; परमेस्वर बाहरी दिखाबा से इंसाफ नाय करथै। बे अगुवन से, मैं कहथौं, मोए कोई नया सुझाव नाय दौ गौ।

गलातियों 2:6 Referans Kwoze

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

प्रेरित 10:34

तओ पत्रुस कहान लागो, “नेहात्तओ परमेश्वर सबए आदमीनसे बरोबर ब्यबहार करत हए। जा बात अब मोके पता भओ।

2 कोरिन्थी 12:11

मए मुरख भओ हओं। तुम मोके अइसे करनके कर लागए, काहेकी तुमरसे त मिर प्रसंसा होनके रहए। काहेकी मए कछु लायकको नाए होएसे फिर सर्वोच्च चुनेभए चेलनसे मए तुच्छ नैयाँ।

गलातियों 6:3

अगर कोइ सोँचत हए, कि बो अगुवा हए, पर अगर बो सचमे अगुवा नाए हुइहए कहेसे बो अपनएके धोखा दइ रहो हए।

2 कोरिन्थी 11:5

अगर बे अपनएके सबए येशूसे चुनेभए चेलनसे महान भओ कता ब्यबहार और काम करत हएं कहेसे मए फिर अपनएके उनही कता असल सोँचंगो।

रोमियों 2:11

काहेकी परमेश्वर सब आदमीनके एक समान ब्यबहार करत हए।

1 पतरस 1:17

परमेश्वर सब आदमीनको करोभओ कामके बारेमे जानत हए। और बा सबए जनैके बिना पक्षपात करे न्याय करत हए। जब तुम परमेश्वरसे प्राथना करत हओ, तओ तुम बासे दौवा कहात हओ। अइसो हए कहेसे सदादीन बाको आदर करओ। जब तक तुम जा धर्तीमे परदेशीन कता अपरिचित कता रहाबैगे।

हिब्रू 13:17

अपने अगुवनकी बात मानओ, उनको काम तुमर जीबनके रेखदेख करनो और उनके सेवाके बारेमे उनके हिसाब बुझानके होत हए। तुम बिनको आज्ञा पालन करओ ताकी बे अपन काम खुसीसे करएं, दुख मानके नाए। अगर तुम उनके दुखी बनाबैगे कहेसे जासे तुमके कुछु फाइदा नाए होबैगो।

हिब्रू 13:7

अपन अगुवाको याद करओ, जौन परमेश्वरको बचन तुमके सुनाइ हए। बिचार करओ, कि बे कैसे जीबन बिताइं और मरे, तुम फिर उन्हीनकता परमेश्वर प्रतिको बिश्वास दिखाओ।

2 कोरिन्थी 5:16

जहेमारे अबसे हम कोइके, आदमीको दृष्टिकोणसे नाए देखंगे। हम ख्रीष्टके एक समयमे आदमीके दृष्टिकोणसे देखे रहएं, पर अबसे बाके उइसे नाए देखंगे।

लूका 20:21

बे बासे पुछीं “महान गुरु, हम जानत हएं, तुम ठिक-ठिक बोलत हओ और ठिक-ठिक सिखात हओ, और कोइको पक्षपात नाए करत हओ, पर सच्चाईसे परमेश्वरको डगर सिखात हओ।

मर्कूस 12:14

बे आएके येशूसे कहीं, “महान गुरु, हम जानत हएं, कि तए हमेसा सच्चो बतात हए, और तए जा बातसे नाए डरात हए, कि दुस्रे आदमी तिर बारेमे का सोँचत हएं। काहेकी तए सबके सँग बरोबर ब्यबहार करत हए। और परमेश्वरको डगर सच्चो तरिकासे सिखात हए। अब हमएं बता, का रोमको महाराजा कैसरके, कर देन हमर ब्यवस्थाके बिरुद्ध हए?

मत्ती 22:16

बे अपन चेलनके, हेरोदी दलके आदमीनके सँग येशूके ठिन पठाइं। बे कहीं, “ए महान गुरु, हम जानत हएं, तुम सत्य हओ, और परमेश्वरको डगर सच्चो हए करके तुम सिखात हओ, और तुम कोइसे नाए डरात हओ, काहेकी तुम आदमीके मुँहुँ देखके काम नाए करत हओ।

प्रेरित 5:36

काहेकी आजके दिनसे पहिले थूदास फिर मए बडो आदमी हओं करके दाबी करी, और लगभग: चार सओ आदमी बोके पिच्छु लागे। पर बो मरिगओ; और बोके पिच्छु लागन बारे सब तितरबितर भए और सब मरिगए।