इफिसियों 6:14 - राना थारु नयाँ नियम

¹⁴ जहेमारे परमेश्वरको सच्चाईके अपनो करह्याँओँमे बेल्टके कता बाँधलेओ और जैसे लोहाके बनेभए कबच कोइ सैनिककी लडाइमे रक्षा करत हए, उइसीयए जब शैतान तुममे हमला करए तओ तुमर धर्मी ब्यबहार तुमर रक्षा करैगो।

परमेस्वर को सच्चो वचन

¹⁴ तौ सच्चाई से अपनो करिहाँओं कसकै, और न्यायपन की झिलम पहनकै,

इफिसियों 6:14 Referans Kwoze

1 थेसलोनिकी 5:8

पर हम दिनके सन्तान हएं जहेमारे हम अपनएके नियन्त्रणमे करएं। बिश्वास और प्रेमके लगाएलेओ, जो उइसीए हमर रक्षा करत हए जैसेकी लोहोके बनेभए कबच एक सैनिकके रक्षा करत हए। और हमके जा आसरा हए, कि हम सदाकालको दण्डसे बचीगए हएं, और हमके मुक्ति मिलिगओ हए। और जा आसरा बहे टोप कता हए, जो एक सिपाहीके रक्षा करत हए।

लूका 12:35

अपनो करह्याँओँ बाँधके पुरा रात दिया पजारके तयारीके साथ बैठो कता, मेरे आगमनके ताहीं तयार हुइके बैठओ।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

2 कोरिन्थी 6:7

बाको सत्य बचनमे और परमेश्वरको शक्तिमे, हम धार्मिकताके हथियार दाहिना हातमे आक्रमणके ताहीं और दिब्रा हातमे रक्षाके ताहीं प्रयोग करत हएं,

इफिसियों 5:9

काहेकी अगर कोइ आदमी ज्योतिमे हए, तओ बोको बानी अच्छो और धार्मिक होत हए और बोके उपर भरोसा करोजाए सकत हए।

प्रकाश 9:17

बे घोडा और उनके सवार, जौननके मए दर्सनमे देखो, बे अइसे दिखात रहएं: उनकी लोहाके बने भओ कबचमे अग्नि कता लाल, गाढो निलो और गन्धकके कता पेरे रहएं। घोडनको मुण बघटाको मुण कता दिखात रहएं, उनके मुँहुँसे आगी, धुँवा और गन्धक निक्रत रहएं।

प्रकाश 9:9

अपनी छातीमे बे लोहाके बनेभए कबच पैँधे रहएं। जब बे उणत रहएं, तओ बे अइसे अबाज निकारत रहएं, जैसे कोइ घोडा लडाइमे जान बारो रथके तानत पेती करत हएं।

रोमियों 13:12

जा खराब संसारमे रहानके हमर समय लगभग खतम हुइगओ हए, एक रातके कता, जो लगभग खतम हुइगइ हए, और बो समय फिर ढिँगै हए जब ख्रीष्ट लौटके आबैगो; जहेमारे हमके बे चीजके बन्द करदेनके चाहो जो अंधियारोसे सम्बन्धित हएं। हमके बो हथियारको इस्तमाल करनके चाहो जोके उजियारोमे इस्तमाल करोजात हए।

इफिसियों 6:13

जहेमारे परमेश्वरके सब हथियार बाँधलेओ ताकी जब खराब दिन आएं तओ जो कुछ सम्भब हए, बोके करडारन्के पिच्छु, तुम पक्कोसे स्थिर रहिपाबओ।