इफिसियों 5:3 - राना थारु नयाँ नियम

³ ख्रीष्टके पबित्र आदमी भओके कारणसे तुमर अग्गु व्यभिचार, लोभ, लालच और सब मेलके अशुद्ध बातको नाउँ फिर नाए लेनके हए।

परमेस्वर को सच्चो वचन

³ जब तुम परमेस्वर के पवित्र लोग हौ तौ, तुम मैं छिनरइ और कोई तरहन के असुद्ध काम या लालच की बातचीत भी ना होनी चाहिए।

इफिसियों 5:3 Referans Kwoze

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

इफिसियों 5:5

तुमके पता होनए पणैगो, कि व्यभिचार करन बारे, अशुद्ध और लोभी आदमी परमेश्वर और ख्रीष्टको राज्यमे हक नाए पाबैगो। लालची आदमी एक मूर्तिपुजकके समान हए जो जा संसारकी चिजनके आराधना करत हए।

1 थेसलोनिकी 4:3

परमेश्वरको इच्छा जा हए, कि तुम पबित्र बनओ अर्थात् तुम व्यभिचार मत् करओ।

1 कोरिन्थी 6:18

व्यभिचारसे पुरा रितिसे दुर रहाओ। कोइ अन्य पाप स्पष्ट रुपसे शरीरके प्रभावित नाए करत हए जैसे जा पाप करत हए। पर व्यभिचार करन बारो आदमी अपनुवए शरीरके बिरुद्ध पाप करत हए।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

1 कोरिन्थी 6:13

तुम मैसे कोइ कहे सकत हए, “खानु शरीरके ताहीं, और शरीर खानुके ताहीं हए,” बो ठिक हए, पर परमेश्वर हमरे शरीर और हमरे खानु दुनौ नष्ट करदेबैगो। शरीर व्यभिचारके ताहीं नाए, बल्कि हमर शरीर प्रभुके हएं और बाके सेवा करनके ताहीं बने हएं।

इफिसियों 5:12

काहेकी अबिश्वासी, गुप्तमे करेभए कामके बारेमे काहन फिर सरमकी बात हए।

मत्ती 15:19

काहेकी हृदयसे खराब बिचार, हत्या, परस्त्रीगमन, व्यभिचार, चोरी, झुठो गवाही, और बदनाम बाहिर निक्रत हएं।

प्रकाश 2:21

मए बक पक्षताप करनके समय दओ, पर बो बे अनैतिक कामके करन बन्द करनसे इन्कार करी।

1 कोरिन्थी 10:8

और हम व्यभिचार नाए करएं; जैसे उन मैसे कितने व्यभिचार करीं और एक दिनमे तेईस हजार मारे गए।

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 2:14

पर तिर बिरुद्धमे मिर जा गुनासो हए: काहेकी तए बे आदमीनको बिरोध नाए करत हए, जो तेरे मण्डलीमे झुठे शिक्षा देत हएं, जैसे अगमबक्ता बालाम बितो भओ समयमे शिक्षा दइ रहए। बालाम अगमबक्ता, राजा बालाकके सिखाइ, कि इस्राएल देशके आदमीनके पाप करनके ताहीं उक्सानके का करनके पणैगो। बो उनके मूर्तिनको बलि चढाओ भओ खानु खान और अनैतिक रुपसे जीइनके सिखाइ।

1 कोरिन्थी 5:1

मए आदमीनके तुमर बारेमे जा कहात सुनो हओं, कि तुमर मण्डलीमे तुम मैसे कुछ आदमी व्यभिचारमे लागे हएं। जो आदमी परमेश्वरके नाए जानत हएं, बिनमे फिर अइसो व्यभिचार नाए होत हए। कोइ त अपनो सौतिया अइयाके बैयर करलै हए।

प्रकाश 9:21

उनको हत्या करन बारो, मन्तुर करन बारो, व्यभिचार करन बारो और चोरी करन बारो काम छोडके परमेश्वर घेन नाए घुमीं।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

हिब्रू 12:16

कोइ फिर व्यभिचारी या अब्राहामको नतिया एसाव कता अधर्मी नाए होबए, काहेकी बो बडो लौंणा रहए, और बोके खास हकदार होनको अधिकार रहए। पर बो जन्मसिध्द अधिकारको सम्मान नाए करी, तब्ही बो अपनो छोटो भइया, याकूबके एक पहार खानके ताहीं अपनो जन्मसिध्द अधिकार बेँचदइ।

2 कोरिन्थी 12:21

कहुँ अइसो नाए होए, कि जब मए घुमके आमंगो, मिर परमेश्वर मोके अपमान करए। और मोके बहुत आदमीनके ताहीं शोक करन पडए जौन पहिले पाप करी रहएं, और अपना करोभओ अशुद्धता, व्यभिचार और छाडापनसे पाप करन छोडके परमेश्वर घेन नाए घुमी हुइहएं।

तीतुस 2:3

अइसियए करके बुढी बैयर अइसो ब्यबहार करएं, जो हर बातमे परमेश्वरके सम्मान देमएं; दुस्रेनके बारेमे खराब बात बत्कान बारी और दारु पिइन बारी नाए होमएं, पर उनके एक अच्छो जीबन जीइनको तरिका सिखन पणो।

2 तिमोथी 3:2

काहेकी आदमी सिरफ अपनएके माया करंगे, धनको लोभ करंगे, अपनएके बडे सम्झंगे, घमण्डी होमंगे, औरेन्के बदनाम करन बारो शब्द मस्कंगे, अइयादौवाको आज्ञा नाए मानंगे, धन्यबाद नाए देन बारे, अपबित्र होमंगे,

प्रेरित 15:20

और बोमे उनके जे बातनको जानकारी देमएं; कि ‘बे मूर्तिमे चढाओ भओ खानु नाए खामएं, व्यभिचार नाए करएं, घेँट अमेठके मारे गए जानबरन्को बुट्टी नाए खामएं और जानबरन्को खुन नाए पिइमएं।’

2 पतरस 2:14

बे अपना देखेभए सब बैयरसँग व्यभिचार करन चाँहत हएं। बे पाप करन मौका ढुँणन कभु नाए छोडत हएं। बे आदमीनके धोखा देत हएं जौन ख्रीष्टके पुरा रुपमे बिश्वास नाए करत हए और बिनके पापमे डोर्यात हएं। बिनको बहुत बातनको जद्धा इच्छाके कारण, परमेश्वर बिनके सजाय देबैगो।

2 पतरस 2:10

बा पक्कए बे झुठे गुरुनके दण्ड देबैगो, जौन अपनो दुष्ट, लाज लगन बारो इच्छा अनुसार करत हएं और बिनके उपर परमेश्वरको अधिकार भओ इन्कार करत हएं। बे हठी और अहंकारी होत हएं। बे स्वर्गमे भए महिमित प्राणीनके बारेमे अपमान करनके डरात नाए हएं।

1 पतरस 5:2

जैसे बकरेहेरा अपनो भेंणाके रेखदेख करत हए, उइसीयए तुमके फिर सबए आदमीनको रेखदेख करन पणत हए, जौननके परमेश्वर तुमर जिम्मामे दइ हए। जा अपनो इच्छासे करओ, काहेकी बो परमेश्वर, तुम करओ कहिके चाँहत हए। जा कामके अपने मनसे करओ। जा काम रुपैया पानके ताहीं मत् करओ, पर परमेश्वर और आदमीनको सेवा करनको इच्छासे करओ।

तीतुस 1:11

जे अइसे आदमीनके शिक्षा देनके अनुमति मतदिए। काहेकी जब जे बे बातनके सिखात हएं, जो बात नाए सिखानके हए। तओ बे बहुत परिवारनको बिश्वासके नाश करदेत हएं। जे अइसे जाकेमारे करत हएं, ताकी बे धनसम्पति पाए सकएं।

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

1 तिमोथी 3:3

बो एक दरोहा आदमी या अइसो आदमी नाए होन पणो जो हमेसा लडतए रहात हए। पर बो दयालु और शान्त स्वाभावको आदमी होन पणो। और बाद-बिबाद करन बारो नाए होए और धनको लालची नाए होबए।

1 तिमोथी 2:10

पर जाके अलाबा, उनके दुस्रे आदमीनके ताहीं अच्छे काम करके अपनएके सुथ्री बनानके घेन लगन पणत हए। काहेकी परमेश्वरको भक्ति करन बारी बैयरके ताहीं जहे अच्छो हए।

फिलिप्पी 1:27

खास बात जहेहए, कि ख्रीष्टको अच्छो समाचारके सुहान बारो चल-चलन होबए। जहेमारे, मए तुमके देखओं या नाए देखओं, तुमर बारेमे जा सुनन पामओं, कि तुम एकए उदेश्यमे स्थिर हओ, और एकए सँग लडनके ताहीं बहे बिश्वासके ताहीं लडत हओ, जो अच्छो समाचारसे आत हए।

रोमियों 16:2

परमेश्वरके आदमी एकदुस्रेनके स्वगात करो कता तुम बोके प्रभुमे स्वागत करओ और बोके तुमर द्वारा चाँहन बारो मदत करओ। काहेकी बो अपनए, बहुत आदमीनके और मोके फिर मदत करीहए।

रोमियों 6:13

और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

रोमियों 1:29

बे सब किसिमके पाप, दुष्टता, स्वार्थ, हिर्ससे भरे हएं। बे दिक्क, हत्या, लणाइ झगडा, छल, और बिजरोसे भरिगए। और बे चुग्ली खान बारे,

प्रेरित 20:33

मए कोइ आदमीको सोनो, चाँदी, लत्ताको लोभ नाए करो।

लूका 16:14

फरिसीनको समुह जो धनके लोभी रहएं, जे सब बात सुनके येशूके मजाक उणाइं।

1 तिमोथी 6:10

काहेकी धनको प्रेम सब किसिमको खराबीको जर हए, कुछ आदमी धीरे-धीरे ख्रीष्ट येशूको शिक्षामे बिश्वास करन छोड दइ हएं। काहेकी बे धनके बहुत चाँहत रहएं। और अब अपनए-अपनएके कोइ एक हथियार लैके अँदाओ कता बे बहुत मेलके दुखमे पणे हएं।

लूका 12:15

येशू बिनसे कही, “होसियार रहाबओ, सब किसिमके लालचसे बचके काम करओ, काहेकी आदमीको जिन्दगी बोको धनसम्पतिके प्रशस्ततामे नाए रहात हए।”