इफिसियों 5:2 - राना थारु नयाँ नियम

² ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

परमेस्वर को सच्चो वचन

² तुमरी जिंदगी कै प्रेम से रस्ता मैं लाओ जानो चाहिए, जैसी मसीह हमकै प्रेम करी है और हमरे ताहीं अपनी जिंदगी एक प्यारी महाकनबारी भेंट के रूप मैं दई और अपने आपकै भेंट दई, जौ सब परमेस्वर कै खुस करथै।

इफिसियों 5:2 Referans Kwoze

यूहन्ना 13:34

“अब मए तुमके एक नयाँ आज्ञा देत हओं: तुम एकदुस्रेके अपनए कता प्रेम करओ। जैसी मए तुमके प्रेम करत हओं, उइसियए तुम फिर एकदुस्रेसे उइसी प्रेम करओ।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

कलस्सी 3:14

और जे सबसे जरुरी काम जो तुमके करन चाहो बो जा हए, कि एक-दुस्रेसे प्रेम करओ।

2 कोरिन्थी 2:15

काहेकी हम ख्रीष्ट द्वारा परमेश्वरके ताहीं जलाओ भओ धुप कता हएं। और हमसे परचार भओ सन्देश उद्धार पाएभए और नाए पाएभए सब आदमीनमे फैलन डटो मिठो बासना कता हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

1 कोरिन्थी 16:14

तुम जो कुछ फिर करत हओ, बो प्रेमसे करओ।

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

1 पतरस 4:8

सबसे खास बात जा हए, कि एकदुस्रेनसे गहिरो प्रेम करओ। काहेकी अगर तुम आदमीनके प्रेम करे कहेसे, तुम रोज उनको करोभओ कोइ फिर गलत कामके क्षमा देन तयार रहाबैगे।

2 कोरिन्थी 8:9

तुम हमर प्रभु येशू ख्रीष्टको अनुग्रह जानत हओ, कि बा धनी हुइके फिर तुमर ताहीं कंगाल बनिगओ ताकी बाके कंगाल हुइजानसे तुम धनी हुइजाबओ।

1 यूहन्ना 3:16

येशू ख्रीष्ट हमर ताहीं अपनो प्राण दइ। जहेमारे हम प्रेमके बुझे हएं और हमके फिर अपने बिश्वासी ददाभइयनके ताहीं अपनो प्राण देन पणत हए।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

1 तिमोथी 2:6

ख्रीष्ट पाप और मृत्युकी शक्तिसे मोल तिरके छुटानके ताहीं अपनएके बलिदान करदइ। बाको मृत्युके द्वारा परमेश्वर सही समयमे सबुत दइ, कि बा चाँहत हए, कि सब आदमी बचाए जामएं।

इफिसियों 4:15

बल्कि, प्रेमसे सच्चो बात बोलके और हमएं हर तरिकासे पक्को होनचाहो। ताकी ख्रीष्टके कता बनपामएं, जो मुण हए।

1 यूहन्ना 3:23

परमेश्वरको आज्ञा जहेहए, कि परमेश्वरको लौंणा येशू ख्रीष्टको नाउँमे बिश्वास करनो और जैसे ख्रीष्ट आज्ञा दइ हए, उइसीयए एक-दुस्रेके प्रेम करनो।

1 तिमोथी 4:12

अइसो ब्यबहार कर, कि कोइ फिर तोके हेल्हा नाए करपाबए काहेकी तए जवान हए। तेरो बोलो जान बारे शब्दमे, तेरो ब्यवहारमे, दुस्रेके उपर तेरो प्रेममे, ख्रीष्टमे तेरो बिश्वासमे और तेरो पबित्र जीबनसे तोके एक नमुना बनन पणैगो। ताकी बिश्वासी आदमी तिर अनुसरण कर पामएं।

1 थेसलोनिकी 4:9

पर बिश्वासी ददाभइया उपरको प्रेमके बारेमे जा जरुरी नाए हए, कि मए तुमर बारेमे लिखओं; काहेकी एक-दुस्रेके प्रेम करनो तुम अपनए परमेश्वरसे सिखे हओ।

इफिसियों 4:2

सदा दिन नम्र, सुधो और धिरज करके एकदुस्रेकी गल्तीन्के स्वीकार करके प्रेम दिखाओ।

इफिसियों 3:17

तुमके अपने दिलन्मे मजबुत होनचाहो, ताकी जब तुम ख्रीष्टमे बिश्वास करओ तओ बा तुमर दिलमे रहाए। मए प्राथना करत हओं, कि परमेश्वरके ताहीं और एकदुस्रेके ताहीं तुमर प्रेम तुमके मजबुत बनाबए और तुमके गिरनसे बचाबए।

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

हिब्रू 9:23

जहेमारे पृथिवीमे भओ बो तम्भु और जामे भए सब चीज जानबरको खुनसे शुद्ध करन पणत रहए। जे चीज स्वर्गमे भए चीजको नक्कल इकल्लो हए। पर स्वर्गमे भओ सच्चो चिजनके रिति पुगाएके शुद्ध करनके ताहीं जानबरको खुनसे औ अच्छो बलिको जरुरी रहए।

इफिसियों 3:19

तुम जान सकत हओ, कि ख्रीष्ट हमके कित्नो प्रेम करत हए ताकी परमेश्वर तुमके अपनो स्वभाबसे भर पाबए।

रोमियों 8:3

काहेकी जो काम मोशाको नियम कानुन हमर पापमय शरीरके कारण दुर्बल हुइके नाए करपाइ, बोके परमेश्वर करी, अर्थात् बा अपनो लौंणाके मनैकी शरीरमे पठाइ, और बा हमर पापके ताहीं बलिदान होनके ताहीं ख्रीष्टके शरीरमे पापको दण्ड दइ।

इफिसियों 5:25

हे लोगओ, अपनी-अपनी बैयरके प्रेम करओ, जैसी ख्रीष्ट फिर मण्डलीके प्रेम करके हमर ताहीं अपनो जीबनके दइदइ।

1 कोरिन्थी 5:7

जैसेकी यहूदीनको निस्तार तेवहारको भोज माननसे पहिले यहूदी आदमी अपने घरसे सब खमिर निकारत हएं, जहेमारे तुमके अइसे अनैतिक आदमीके अपने समुहसे बाहिर निकार देन चाहो। फिर तुम रोटी कता हुइ जाबैगे जोमे कोइ खमिर नाए होत हए। जोको मतलब हए, कि तुम एक बिश्वासीनको बगाल होबैगे जो बगालमे अइसो कोइ बगाल नाए होए जो अपनो इच्छासे पाप करत होए। काहेकी जब तुम ख्रीष्टमे बिश्वास करे, तओ परमेश्वर तुमके भितरसे शुद्ध बनाइ। काहेकी ख्रीष्ट हमएं हमर पापनसे छुटकारा दइ हए और बा एक भेंणा बरोबर हए जोसे यहूदी आदमी निस्तार तेवहारके समयमे बलि करी रहएं।

रोमियों 4:25

येशू हमर अपराधके ताहीं मारोगओ, और परमेश्वर हमएं अपने सँग धर्मी घोषित करनके ताहीं येशूके फिरसे जिन्दा करी।

यूहन्ना 6:51

स्वर्गसे आओ भओ जिन्दा रोटी महीँ हओं। कोइ फिर जा रोटी खएहए कहेसे बो सदिमानके ताहीं जिइहए। और जौन रोटी मए संसारके आदमीनके जीबनके ताहीं देहओं, बो मिर शरीर हए।”

रोमियों 8:37

पर जे सब खराब बातके उपर बाके द्वारा पुरा रुपसे जीत हम्रीए हए, जो हमसे प्रेम करत हए।

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

इफिसियों 1:4

संसारको सृष्टिसे पहिलीयए, ख्रीष्टके सँग हमर एकताके कारण परमेश्वर हमके अपने होनके ताहीं पहिलीएसे चुनलै हए। ताकी हम बाके अग्गु पबित्र और बिना दोषके हुइपामएं।

इफिसियों 5:15

जहेमारे साबधानीसे ध्यान देओ, कि तुम कैसे जीबन जिइ रहेहओ, मुरख आदमी कता नाए पर बुद्धिमान हुइके नेँगओ।

फिलिप्पी 4:18

मोके मिलन बारो चीजसे जद्धा पाओ हओं। तुम इपाफ्रोडिटसके हातमे पठाओ भओ रुपैया पाएके मए सन्तुष्ट हुइगओ हओं। मेरे ताहीं तुमर उपहार मिठो महाँकन बारो बलिदान जैसो हए, जो पुजारी परमेश्वरके चढात हए। जा इनाम परमेश्वरके ताहीं ग्रहणयोग्य हए, और परमेश्वरके खुसी करत हए।

हिब्रू 8:3

सबए प्रधान यहूदी पुजारी पाप क्षमाके ताहीं भेँटी और बलिदान चढान नियुक्त भए होत हएं। जहेमारे हमर प्रधान पुजारी ख्रीष्टके फिर पाप क्षमाके ताहीं कुछु चीज चढान जरुरी हए।