इफिसियों 5:15 - राना थारु नयाँ नियम

¹⁵ जहेमारे साबधानीसे ध्यान देओ, कि तुम कैसे जीबन जिइ रहेहओ, मुरख आदमी कता नाए पर बुद्धिमान हुइके नेँगओ।

परमेस्वर को सच्चो वचन

¹⁵ तौ चहाचीते रहबौ कि तुम कैसे चलथौ, बिना ग्यान के आदमी हानी मत रहबौ, बल्किन दिमाकदारन के हानी रहबौ।

इफिसियों 5:15 Referans Kwoze

कलस्सी 4:5

गैर-बिश्वासीके सँग भलाइ करनके ताहीं सबए मौकाके सदुपयोग करओ।

याकूब 3:13

तुम मैसे बुद्धिमान और समझदार कौन हए? अगर तुम हओ कहेसे, तुम अपनो असल चालचलनसे और बुद्धिसे आन बारो नम्रताको काम करके दिखान पणो।

फिलिप्पी 1:27

खास बात जहेहए, कि ख्रीष्टको अच्छो समाचारके सुहान बारो चल-चलन होबए। जहेमारे, मए तुमके देखओं या नाए देखओं, तुमर बारेमे जा सुनन पामओं, कि तुम एकए उदेश्यमे स्थिर हओ, और एकए सँग लडनके ताहीं बहे बिश्वासके ताहीं लडत हओ, जो अच्छो समाचारसे आत हए।

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

1 तिमोथी 6:9

पर जो धनी होनके चाँहत हएं बे सब मेलके पाप करनके ताहीं सजिलोसे परीक्षामे पणजात हएं, और एक जानबर हानी फन्दामे फस्जात हएं। आदमी बेहीं चीजके करन चाँहत हएं, जो उनके ताहीं मुरख और खतरनाक हए, और जा इच्छा उनके बर्बादी घेन लैजाबैगो, और नाश करदेबैगो।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

मत्ती 10:16

“देखओ, मए तुमके गुलहाके बीचमे भेंणा कता पठएहओं, जहेमारे तुम साँप कता चलाँक और कबुतर कता निर्दोष होबओ।

1 थेसलोनिकी 5:15

जा याद करओ, कि कोइसे फिर खराबको बदला खराब नाए करए; बल्कि तुमके हमेसा एकदुस्रेके ताहीं और सबके ताहीं भलो काम करनके कोसिस करन पणो।

लूका 24:25

तओ येशू दुनौ चेलासे कही, “हे मुरख आदमी! जो कुछ परमेश्वरके अगमबक्ता पबित्र-शास्त्रमे लिखिहएं, तुमके बोमे बिश्वास करन बहुत अग्ठो लागतहए।

गलातियों 3:3

का तुमर दिमाक नाए हए, का तुम पबित्र आत्माके द्वारा ख्रीष्टके सँग अपनो नयाँ जीबन सुरु नाए करेहओ? का तुम अपनी शक्तिसे अपनो जीबनके अन्त करन चाँहत हओ?

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

मत्ती 27:24

पर कोइ सीप नाए लगो देखके, झन् हलचल मचिजएहए करके डराएके पिलातस पानी लैके भिडके अग्गु अपन हात धोएके कही, “तुम अपनए जानओ, मए जा आदमीको खुनसे निर्दोष हओं।”

प्रकाश 19:10

जब मए जा बात सुनो तओ मए बो आदमीके अग्गु घुपटा पणो, जौन मोके जे बात बतानडटो रहए। काहेकी मए बाकी आराधना करन जानडटो रहओं। बा मोसे कही, “मिर आराधना मत् कर। तोके परमेश्वरएको आराधना करन पणैगो, काहेकी मए फिर तेरेकता परमेश्वरको दास हओं और येशू ख्रीष्टके प्रभुके रुपमे स्वीकार करोभओ तोही कता बिश्वासी ददाभइया हओं। बो सत्य, जो येशू प्रकट करी रहए, बो सत्य आदमीनके परमेश्वरको बचन परचार करन लायक बनातहए।”

मत्ती 8:4

तओ येशू बोसे कही, “कोइसे मत् कहिए, कि मए तोके अच्छो करो। तए जा और अपनएके यहूदी पुजारी ठिन दिखा, और मोशा आज्ञा करीअनुसार भेँटी चढा, और सब आदमी पता पामएं कि तए शुद्ध भओ हए।”

इफिसियों 5:33

पर जा तुममे फिर लागु होत हए, कि तुम मैसे हर आदमी अपने बैयरसे अपनए कता प्रेम करए, और बैयर फिर अपने लोगाको आदर करएं।”

कलस्सी 1:9

जहेमारे जौन दिनसे जा बात हम सुनेहएं, हम तुमर ताहीं रोज प्राथना करत आनडटे हएं, कि परमेश्वरको आत्मा तुमके बुद्धि और समझ देबए, और परमेश्वर तुमके सम्पूर्ण रुपसे बाको इच्छा बुझनके ताहीं मदत करए।

गलातियों 3:1

हे गलातिया परदेसके बिश्वासीउ, कोइ जरुर तुमके भणकाए दइ हए। मए तुमके अच्छेसे सम्झाओ हओं कि येशू ख्रीष्टके क्रूसमे टाँगनको कारण का रहए।

मत्ती 27:4

और कही, “मए निर्दोष आदमीके पकणाएके पाप करो हओं।” पर बे कहीं, “जासे हमए का मतलब? तए अपनए जान।”

मत्ती 25:2

बे मैसे पाँच जनै मुरख और पाँच समझदार रहएं।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।