इफिसियों 2:3 - राना थारु नयाँ नियम

³ हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

परमेस्वर को सच्चो वचन

³ सच्ची मैं हम सबै उन्हईं के तराहनी रहैं और अपनी सरीर की इच्छा के हानी रहेत रहैं। बहे स्वभाव के मन की इच्छा के अनुसार चलत रहैं और दुसरेन के हानी स्वभाविक रीति से परमेस्वर के क्रोध के सिकार बने भै रहैं।

इफिसियों 2:3 Referans Kwoze

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

1 पतरस 1:14

परमेश्वरको आज्ञापालन करओ, जैसी अच्छे बच्चा अपने दौवाको आज्ञापालन करत हएं। तुम परमेश्वरको सत्यता नाए जानो बेरा करोभओ गलत काम अब मत् करओ।

इफिसियों 4:22

तुमर गुरु तुमके बो तरिकाके छोडनकी शिक्षा दइं, जोके अनुसार तुम ब्यबहार करत रहओ। तुम्री खराब इच्छा तुमके धोखा दइ और तुमर जीबनके बर्बाद करदइ।

रोमियों 13:14

बल्कि येशू ख्रीष्टके अपनो हथियार बनाओ और पापमय स्वभाबको इच्छा पुरा करनमे मतलागओ।

रोमियों 6:12

जहेमारे पापमय इच्छन्के अपने जीबनमे राज्य करन मतदेओ, ताकी अपनी पापमय इच्छन्के अनुसार काम नाए करसकओ।

1 यूहन्ना 2:16

संसारमे भए चीज शरीरको खराब इच्छा, आँखीसे देखन बारी चीज चाहनो और जो करत हए बोमे घमण्ड करनो, बो दौवा परमेश्वरसे नाए आओ हए। जे त संसारके चीज हएं।

इफिसियों 2:2

बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

2 कोरिन्थी 7:1

जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

1 कोरिन्थी 4:7

काहेकी जो कुछ फिर तुमर ठिन हए बो तुमके परमेश्वरके द्वारा दओ गओ हए, तुमर ठिन घमण्ड करनको कोइ अधिकार नाए हए।

रोमियों 7:18

काहेकी मए जानत हओं, कि मोएमे अर्थात् मेरे पापमय आदमीको स्वभाबमे कोइ अच्छी चीज बास नाए करत हए, भले काम करनके ताहीं इच्छा त मोएमे हएं पर उनके करनके मोसे नाए हुइपात हए।

मर्कूस 4:19

और जा धर्तीमे जीबनके चिन्ता, धनको लोभ, और औ चीजको लालच बिनके जीबनमे आएके बे परमेश्वरको बचन भुल जातहएं, और बे परमेश्वरको बचन अनुसार चल नाए पातहएं।

रोमियों 11:30

काहेकी पहिले तुम अन्यजाति आदमी परमेश्वरको आज्ञापालन नाएकरे रहओ पर अभए इस्राएल देशके आदमी आज्ञापालन नाए करोके कारण इकल्लो परमेश्वरको दया तुम पाएहओ।

रोमियों 9:22

परमेश्वरके अधिकार हए, कि जौन आदमीनके बा बनाइ हए उनके अपनी इच्छाके अनुसार जैसे चाँहत हए, कर सकत हए। परमेश्वर अपनो गुस्सा दिखान चाँहत रहए और हरकोइके बिरुद्ध अपनी शक्ति प्रकट करन चाँहत रहए जो नष्ट होनको लाएक हएं। बल्कि, बा धैर्यसे बिनके सही।

यूहन्ना 1:13

बे आदमी नए त अइयादौवासे, नए आदमीनको इच्छासे, नए आदमीनके बच्चा पान इच्छासे हए, पर बे परमेश्वरको इच्छासे जन्मे रहात हएं।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

2 पतरस 2:14

बे अपना देखेभए सब बैयरसँग व्यभिचार करन चाँहत हएं। बे पाप करन मौका ढुँणन कभु नाए छोडत हएं। बे आदमीनके धोखा देत हएं जौन ख्रीष्टके पुरा रुपमे बिश्वास नाए करत हए और बिनके पापमे डोर्यात हएं। बिनको बहुत बातनको जद्धा इच्छाके कारण, परमेश्वर बिनके सजाय देबैगो।

1 तिमोथी 6:9

पर जो धनी होनके चाँहत हएं बे सब मेलके पाप करनके ताहीं सजिलोसे परीक्षामे पणजात हएं, और एक जानबर हानी फन्दामे फस्जात हएं। आदमी बेहीं चीजके करन चाँहत हएं, जो उनके ताहीं मुरख और खतरनाक हए, और जा इच्छा उनके बर्बादी घेन लैजाबैगो, और नाश करदेबैगो।

गलातियों 3:22

पर पबित्र-शास्त्र कहात हए, कि जा संसारके सब आदमी पापकी शक्तिके अधीनमे हएं। ताकी बो उपहार, जोके परमेश्वर बिश्वासके आधारमे देनके नयाँ करार करी रहए, बो उपहार बेहीं आदमी पामएं जो येशू ख्रीष्टमे भरोसा करत हएं।

रोमियों 1:24

जहेमारे परमेश्वर उनके उनको मनको अभिलाषाके अनुसार नैतिक रुपसे अशुद्धके ताहीं छोड दइ, ताकी बे बुरे काम करके अपनी शरीरके अनादर करएं।

1 यूहन्ना 2:8

तहुँफिर मए तुमके नयाँ आज्ञा लिखत हओं, काहेकी जाको सच्चाई ख्रीष्टमे और तुममे फिर दिखाइ देतहए, काहेकी दुष्ट मिटरहो हए, और सच्चो उजियारो अच्छो और सिद्ध कता चमक रहोहए।

प्रेरित 14:16

बा बितेगए पिढीमे सब जाति-जातिके आदमीनके अपन-अपन रिति अनुसार चलनके दइ हए।

रोमियों 2:14

फिर जब अन्यजाति आदमी, जौनके ठिन नियम कानुन नाए हए, बे स्वाभाविक रुपसे मोशाको नियम कानुनमे पाए जान बारे काम मैसे कुछ कामके करत हएं। बे साबित करी हएं, कि बिनको अपनो मनमे ब्यवस्था हए। बे जानत हएं, कि का करनके हए और का नाए करनके हए।

रोमियों 5:9

काहेकी ख्रीष्ट हमर ताहीं बलिदान भओ और हमर पापके ताहीं अपनो खुन बहाइ और हम परमेश्वरके साथ धर्मी घोसित करेगए हएं। बा नेहात्तओ परमेश्वरको क्रोधसे बचाबैगो।

रोमियों 5:10

काहेकी जब हम परमेश्वरके दुश्मन रहएं तओ बाको लौंणाको मृत्युके द्वारा बा हमरे सँग मेलमिलाप करी, जहेमारे हम नेहात्तओ जा जान सकत हएं, कि अब जबकी हमर बाके सँग मेलमिलाप हए, तओ बा हमके बचाबैगो। काहेकी ख्रीष्ट जिन्दा हए।

कलस्सी 1:21

एक समय तुम परमेश्वरसे दुर रहओ। खराब चीज सोँचके खराबए काम करके तुम परमेश्वरके दुश्मन रहओ।

1 थेसलोनिकी 4:13

हे मेरे बिश्वासी ददाभइयओ, हम चाँहत हएं कि तुम जा जान लेबओ कि बे बिश्वासीनके सँग का होबैगो जो पहिलीए मरिगए हएं। ताकी अइसो नाए होबए, कि तुम फिर दुस्रे गैर-बिश्वासी आदमीन कता शोक करओ। काहेकी उनके आसरा नाए हए, कि बे मरनके बाद फिरसे जिन्दा हुइ जामंगे।

1 थेसलोनिकी 5:6

जहेमारे हमके गैर-बिश्वासीन कता सोतए रहाए नाए पणत हए, कहुँ अइसो नाए होए प्रभुक आन बारो दिन हम बिना तयारीके पाएजाएं। पर हमके जगे रहान पणत हए और अपनए सचेत होन पणत हए।