इफिसियों 1:3 - राना थारु नयाँ नियम

³ हमर प्रभु येशू ख्रीष्टको और दौवा परमेश्वरको प्रसंसा होबए, काहेकी ख्रीष्टके एकतामे होनके कारणसे परमेश्वर हमके ख्रीष्टके द्वारा स्वर्गको हर मेलके आत्मिक आशिषनसे आशिषित करी हए।

परमेस्वर को सच्चो वचन

³ हमरे प्रभु ईसु मसीह के परमेस्वर और दऊवा को धन्यवाद होबै कि बौ हमकै मसीह मैं स्वर्गिय जघा मैं कि सबै तराहनी की आत्मिक आसीस दई है।

इफिसियों 1:3 Referans Kwoze

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

2 कोरिन्थी 1:3

हमर प्रभु येशू ख्रीष्टको दौवा और परमेश्वरके प्रसंसा होए, जो करुणामय दौवा और हमके रोज सान्त्वना देन बारो परमेश्वर हए।

इफिसियों 2:6

काहेकी बा हमके ख्रीष्ट येशूके सँग मरेभएन् मैसे जिन्दा करी और हम स्वर्गमे ख्रीष्ट येशूके सँग राज्य करनके लायक बनाइ।

इफिसियों 1:20

जौन ख्रीष्टके मरे भएन मैसे उठाइ और बाके स्वर्गमे परमेश्वरको दाहिना हातमे सम्मानको ठाउँमे बैठिगओ।

इफिसियों 6:12

काहेकी हमर जा युद्ध आदमीनके बिरुद्ध नाए लडरहे हएं पर अधिकारीन्से और जा संसारके अन्धकारके सासकन्से और खराब आत्मिक शक्तिन्से हए, जो बादरमे हए।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

गलातियों 3:9

परमेश्वर अब्राहामके बोको बिश्वासके मारे आशिष दइ, उइसीयए जो कोइ फिर येशू ख्रीष्टमे बिश्वास करत हए, बो नेहात्तओ अब्राहामके सँग परमेश्वरसे आशिष पाबैगो।

यूहन्ना 17:21

कि बे सब एक होमएं। हे दौवा, जैसे तुम मोएमे हओ, और मए तुममे हओं, उइसीयए बे फिर हममे होमएं, जाकेमारे कि जा संसारके आदमी बिश्वास कर सिकएं, कि तुम्ही मोके पठाए हओ।

इफिसियों 1:17

मए प्राथना करत हओं कि परमेश्वर, हमर प्रभु येशू ख्रीष्टको महिमामय दौवा, तुमके आत्मिक ज्ञान और समझ देबैगो और बोके औ जद्धा रुपसे चिन्हन्मे मदत करैगो, कि परमेश्वरके चिन्हन्को का अर्थ हए।

2 कोरिन्थी 11:31

परमेश्वर, हमर प्रभु येशूको दौवा, जो सदासर्वदा धन्यको हए, बा जानत हए, कि मए नाए ठगत हओं।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

1 कोरिन्थी 12:12

काहेकी जैसी शरीर एक हए, और बक बेढम अंग हएं, और शरीरको सम्पूर्ण अंग बेढम होएसे फिर शरीर एकए हए, अइसियए ख्रीष्ट और बाके उपर बिश्वास करन बारेनके सँग हए।

रोमियों 12:5

उइसीयए, हम फिर जो ख्रीष्टमे बिश्वासी हएं, हम सबए ख्रीष्टके शरीरके अंग हएं, और हम सबए एकदुस्रेसे जुडे भए हएं।

इफिसियों 1:10

जब जा योजनाके पुरा करनको समय आबैगो, तओ परमेश्वर बादर और पृथ्वीके सबए चिजनके ख्रीष्टके अधिनमे करैगो ताकी ख्रीष्ट सबए चिजनको मालिक होबए।

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

रोमियों 15:6

ताकी तुम सबए एकए सँग मिलके परमेश्वर, हमर प्रभु येशू ख्रीष्टको दौवाको स्तुति करओ।

हिब्रू 8:5

जे पुजारीनके करन बारो काम स्वर्गमे भओ महापबित्र ठाउँको नक्कल और छाहीं इकल्लो हए, पर स्वर्गमे भओ जैसो नाए। काहेकी जब मोशा तम्भु बनात रहए, तओ परमेश्वर मोशाके चेतावनी दइ रहए, “पहाडमे तोके दिखाओगओ ढाँचा अनुसार तए सब चीज बनैए।”

फिलिप्पी 2:11

और दौवा परमेश्वरको महिमाके ताहीं सब आदमी खुल्लम-खुल्ला घोषणा करंगे, कि येशू ख्रीष्टए प्रभु हए।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

हिब्रू 9:23

जहेमारे पृथिवीमे भओ बो तम्भु और जामे भए सब चीज जानबरको खुनसे शुद्ध करन पणत रहए। जे चीज स्वर्गमे भए चीजको नक्कल इकल्लो हए। पर स्वर्गमे भओ सच्चो चिजनके रिति पुगाएके शुद्ध करनके ताहीं जानबरको खुनसे औ अच्छो बलिको जरुरी रहए।

यूहन्ना 20:17

येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

यूहन्ना 14:20

जब मए मारके जिन्दा हुइके लौटके आमंगो तओ तुम जान लेबैगे, कि मए मिर दौवामे हओं और तुम मोएमे और मए तुमरमे हओं।

लूका 2:28

तओ बे बालका येशूके, अपन गोदीमे लइं, और परमेश्वरके धन्यबाद दइके कहीं,