कलस्सी 3:8 - राना थारु नयाँ नियम

⁸ पर अब तुमके जे सब बातके छोडन पणैगो, जैसेकी गुस्सा, क्रोध, हिंसा, बदनाम और दुस्रेके बारेमे गलत बात बतानो।

परमेस्वर को सच्चो वचन

⁸ पर तुम्हऊँ अब इन सबन कै जैसे गुस्सा, रोस, बैर-भाव, बदनामी, और मोहों से गारी बकनो जे सब बातन कै छोड़ देबौ।

कलस्सी 3:8 Referans Kwoze

इफिसियों 4:29

कोइ छिया बात तुमर मुँहुँसे नाए निक्रए, बल्कि बेहीं बातके कहामएं जो आदमीनके ताहीं जरुरी हए ताकी उनके बिश्वासमे मजुबुत बनानमे मदत करए। तओ जो कुछ फिर तुम कहाबैगे बा तुमर सुनन बारेनको भलो करैगो।

इफिसियों 4:22

तुमर गुरु तुमके बो तरिकाके छोडनकी शिक्षा दइं, जोके अनुसार तुम ब्यबहार करत रहओ। तुम्री खराब इच्छा तुमके धोखा दइ और तुमर जीबनके बर्बाद करदइ।

इफिसियों 5:4

और कोइ फिर लाज लागन बारो बात कर्नो, व्यर्थ बातचित कर्नो और अस्लिल मजाकमे हँसनो तुमर मुँहुँमे सोभा नाए देतहए, काहेकी जा तुमर ताहीं ठिक नाए हए, पर तुमके परमेश्वरके धन्यबाद देन चाहो।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

इफिसियों 4:26

अगर तुम गुस्साए जाबैगे तओ ध्यान देओ, कि तुम पाप नाए करओ। सुनिश्चित करओ, कि दिन खतम होनसे पहिले तुम गुस्सानके बन्द करदेबओ।

हिब्रू 12:1

हमर आसपिस अइसे बहुत आदमी हएं, जौनको जीबन हमके बिश्वासको अर्थ बतात हए। बहेमारे हमर डगरमे आन बारे बाधा और हमके फसान बारो पापके हम हटामएं और हमर दौडके धैर्यसाथ दौरएं।

कलस्सी 3:9

एकदुस्रेसे मत् ठगओ, काहेकी तुम अपने पुरानो पापी स्वभाब, और सब खराब कामके छोडदए हओ।

1 पतरस 2:1

जहेमारे सबए मेलको खराब ब्यबहार करन इन्कार करओ। औरेनके धोखा मतदेओ, कपटी मत् होओ। औरेनको ईर्ष्या मत् करओ। दुस्रे आदमीनको बिरुद्ध खराब बात मत् करओ।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

1 कोरिन्थी 3:3

काहेकी तुम जा संसारके आदमीन कता रहात हओ। जहेमारे, कि जब तुम सबसे जरत हओ और लडाइ करत हओ, तओ का जा जहे बातके साबित नाए करत हए, कि तुम जा संसारसे सम्बन्धित हओ? और का तुम जा संसारके आदमीन कता नाए जीइ रहेहओ?

मत्ती 5:22

तओ मए तुमसे हियाँ कहात हओं, कि जौन कोइ अपन भइयासे क्रोध करैगो, परमेश्वर बोके दण्ड देबैगो, और जौन अपन भइयाको अपमान करैगो, बो यहूदी सभाघरमे दण्डको लायक होइगो; और जौन कोइ भइयासे कएहए ‘तए मुरख हए’ बो नरकके आगीकी भट्टीमे जानके खतरामे हए।

गलातियों 5:15

पर अगर तुम लगातार एक-दुस्रेसे लणत रहात हओ, और एक-दुस्रेके परेसान करतए रहात हओ कहेसे होसियार रहओ, तुम एकदुस्रेके बर्बाद मत् करओ।

रोमियों 13:13

हम अन्धकारमे नाए बल्कि उजियारोमे बैठन बारे आदमी कता उचित ब्यबहार करएं। मोजमजा करनके, दारु पिनके, व्यभिचार करनके, भ्रष्टचार करनके, झगडा और ईर्ष्या करनके छोड देओ।

यहूदा 1:8

जे उदाहरण पता पाएके फिर, परमेश्वरको आज्ञा नाए मानन बारे आदमी दर्शन देखी हएं काहेकी बे उइसीयए पाप करत हएं। बे अपनो शरीरके अशुद्ध बनात हएं, प्रभुको अधिकारके इन्कार करत हएं और स्वर्गमे भए महिमित प्राणीनको बुराई करत हएं।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

याकूब 2:7

बे आदमी बेहीं हएं, जो येशू ख्रीष्टके असल नाउँके बिरुद्ध खराब बात मस्कत हएं, जौनसे तुम सम्बन्ध धरे हओ।

1 तिमोथी 1:20

उन्हीं मैसे हुमेनियस और अलेक्जेन्डर हएं, जौनके मए मण्डली मैसे बाहिर करदओ हओं। और उनके शैतानके शक्तिके हातमे सौँप दओ हओं। ताकी बे सिखएं कि परमेश्वरके बारेमे बदनाम नाए करन पणत हए।

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।

गलातियों 5:26

हम एक-दुस्रेके सँग घमण्ड करन बारे, गुस्सा करन बारे और ईर्ष्या करन बारो काम नाए करन पणतहए।

गलातियों 5:20

बे मूर्तिपुजा पुजत हएं, जादु-टोना करत हएं, अपने सँगीसे घृणा करत हएं, एक-दुस्रेसे लडाइ करत हएं, बे बेहीं चीजके पान इच्छा करत हएं जो दुस्रे आदमीनके ठिन हए। बे जल्दी गुस्साए जात हएं, अपने डगर निकारनके ताहीं दुस्रे आदमीनके तरे गिरात हएं, बे उइसे आदमीनके अस्वीकार करदेत हएं जोसे बे असहमत हएं, और सिर्फ उइसे आदमीनके सँग लगत हएं जोसे बे सहमत हएं।

मर्कूस 7:22

लोभ, खराब काम, छल, छाडापन, ईष्या, बदनाम, घमण्ड, मूर्खता।

प्रकाश 16:9

आदमी जा तेज गर्मिसे जरिगए, और बे परमेश्वरके बदनाम करीं, काहेकी बाके इकल्लो बो बिपत्तीके उपर अधिकार दओगओ रहए। तहुँफिर बे पाप करन छोडके परमेश्वर घेन नाए घुमीं, और अभौफिर बे परमेश्वरके महिमा देन इन्कार करीं।

यहूदा 1:13

समुन्दरको कोइ मजबुत लणुरा, फोहर फिज निकारे कता, जे आदमी फिर सरम लागन बारो काम करत हएं। जैसी कोइ-कोइ तारा, बिना दिशाके रहात हएं, और उनकेमे भर नाए पणो जाए सकत हए। अइसीयए तुमके फिर जे आदमीनके पिच्छु नाए लागन पणत हए। तभीमारे सदादीनके ताहीं अंधियारोमे परमेश्वर उनके ताहीं एक ठाउँ धरेपणे हए, जहाँ एकौ उजियारो नाए होत हए।

2 पतरस 2:7

पर सदोमके नष्ट करनसे अग्गु बा लोतके बचाइ, जो एक धर्मी आदमी रहए, जब बो लोत सहर छोडके गओ तओ परमेश्वर बोके बचाइ। लोत बहुत चिन्तामे रहए, काहेकी सदोम सहरके आदमी बेसर्मी काम करीं।

इफिसियों 4:25

जहेमारे झुठो मस्कनके छोडके, सब सँगी बिश्वासीनसे सत्य बोलएं, काहेकी हम सबए बिश्वासी एकए शरीरके अंग हएं।