कलस्सी 3:23 - राना थारु नयाँ नियम

²³ और जो कुछ तुम करत हओ, पुरो मनसे करओ, जा समझके कि आदमीनके ताहीं नाए, पर प्रभुके ताहीं करत हओ।

परमेस्वर को सच्चो वचन

²³ और जो कछु तुम करथौ, तन मन से करौ, जौ समझकै कि आदमिन के ताहीं नाय लेकिन प्रभु के ताहीं करते रहबौ

कलस्सी 3:23 Referans Kwoze

कलस्सी 3:17

जो बात तुम बोलत हओ या करत हओ, सब चीज प्रभु येशूके नाउँमे करओ, और प्रभु येशूके माध्यमसे दौवा परमेश्वरके धन्यबाद देओ।

रोमियों 14:8

अगर हम बचङगे कहेसे प्रभुके ताहीं बचङगे, और मरङगे कहेसे प्रभुके ताहीं मरङगे।

1 पतरस 2:15

काहेकी जा परमेश्वरको इच्छा हए, कि हमर अच्छो ब्यवहारसे परमेश्वरके नाए चिनेभए आदमी अब हमके झुटो आरोप लगान हिम्मत नाए करैगो। काहेकी जा स्पष्ट हए, कि बिनको झुटो आरोप सच्चो नाए हए।

1 पतरस 2:13

प्रभुके सम्मान देनके ताहीं तुम, जा संसारमे अधिकार भए सबको आज्ञापालन करन पणैगो; बो कहोक राजा हए। राजाको अधिनमे बैठओ, जौन सबके उपर शासन करत हए।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

रोमियों 14:6

जोकोइ फिर कोइ दिनके खास मानत हए बो जाकेमारे करत हए, काहेकी बो प्रभुको आदर करन चाँहत हए: जो बुट्टी खात हए बो प्रभुके ताहीं खात हए काहेकी बो परमेश्वरके धन्यबाद देतहए। और जो बुट्टी नाए खात हए, बो फिर परमेश्वरके धन्यबाद दइके बाको आदरके ताहीं नाए खात हए।

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

इफिसियों 5:22

बैयरओ, अपने लोगाके अधिनमे अइसे रहाओ जैसे तुम प्रभुके अधिनमे राहत हओ।