कलस्सी 3:15 - राना थारु नयाँ नियम

¹⁵ और बो शान्ति जो ख्रीष्ट देतहए, बोके तुमर विचारमे नियन्त्रण करनके देओ, काहेकी तुम सब एकए शरीरके अंग हओ, और जहेमारे तुमके एकदुस्रेके सँग शान्तिसे रहानके ताहीं बुलाओ गओ हए।

परमेस्वर को सच्चो वचन

¹⁵ मसीह की सांति, जोके ताहीं तुम एक सरीर हुईकै बुलाए गै हौ, तुमरे मन मैं राज करै, और तुम धन्यबादी बने रहबौ।

कलस्सी 3:15 Referans Kwoze

यूहन्ना 14:27

“मए तुमके शान्ति देत हओं जौन शान्ति मोएमे हए। जा बो शान्ति नाए हए जो संसार देतहए, तुम दुखी मतहोबओ और मतडराओ।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

1 थेसलोनिकी 5:18

सब परिस्थितिमे धन्यबाद देओ, काहेकी तुमर ताहीं ख्रीष्ट येशूमे परमेश्वरको इच्छा जहेहए।

रोमियों 5:1

जहेमारे हम बिश्वाससे परमेश्वरके अग्गु धर्मी ठहिरे हएं और प्रभु येशू ख्रीष्ट हमर ताहीं करोभओ काम द्वारा परमेश्वरके सँग हमर मेलमिलाप भओ हए।

कलस्सी 3:17

जो बात तुम बोलत हओ या करत हओ, सब चीज प्रभु येशूके नाउँमे करओ, और प्रभु येशूके माध्यमसे दौवा परमेश्वरके धन्यबाद देओ।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

इफिसियों 5:20

और जो कुछ हमर प्रभु येशू ख्रीष्ट करीहए बे सब चीजके ताहीं रोज हमर दौवा परमेश्वरके, सब बातके ताहीं धन्यबाद देओ।

2 कोरिन्थी 9:11

तुम सबए तरिकासे आशिषित होबैगे, और जहेमारे तुम रोजए खुल्ला मनसे देन सक्षम हओ। जब हम आवश्यकतामे पणेभए आदमीनके तुमर खुल्ला मनसे दओ भओ दान देमंगे, तओ बे परमेश्वरके धन्यबाद देमंगे।

इफिसियों 4:4

हम सबए बिश्वासी एकए शरीरके अंग कता हएं, और हम सबके एकए पबित्र आत्मा मिलो हए; जैसे तुमके एक आसरा दओगओ रहए, जब तुमके परमेश्वरके आदमी होनके ताहीं बुलाओ गओ।

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

1 तिमोथी 2:1

सबसे पहिले मए जा कहात हओं, कि बिन्ती, प्राथना, निबेदन और धन्यबाद सब आदमीनके ताहीं करे जामएं।

कलस्सी 2:7

ख्रीष्टमे तुमर बिश्वास एक रुखा कता होन पणत हए, जोको जर बहुत गहिरो तक अँदो होत हए। याफिर एक अइसो घर कता होए, जौन एक मजबुत जगमे बनोगओ रहात हए। अपन बिश्वासमे मजबुत बने रहाबओ जैसो तुमके सिखाओ गओ रहए, और रोजदिन धन्यबाद देतए रहाओ।

इफिसियों 5:1

तुम परमेश्वरके प्यारे बच्चा हओ, जहेमारे तुमर ब्यबहार बाके स्वभाबके अनुसार होबए।

2 कोरिन्थी 4:15

काहेकी हम जो सहे हएं, जे सब दुख तुम्रिए ताहीं भए हएं। ताकी जैसे बहुतसे-बहुत आदमी पता पामएं, कि परमेश्वरको अनुग्रह कित्नो महान हए, उइसीयए परमेश्वरको महिमाके ताहीं बहुत आदमी बाके धन्यबाद दइ पामएं।

प्रकाश 7:12

“आमेन! हमर परमेश्वर, हम हमेसा तुमर महिमा करत हएं, तुमके धन्यबाद और सम्मान देत हएं! हम मान्त हएं, कि तुम पुरा रितिसे ज्ञानवान हओ, और शक्तिसाली हओ, जो हमेसाके ताहीं सब कामनके करनमे योग्य हओ! आमेन!”

इफिसियों 4:16

हम सब जो ख्रीष्टमे बिश्वास करत हएं, बाकी शरीरके अंग कता हएं। जैसे एक आदमीको शरीर, बोको सरा गाँठी-गाँठीसे जुणो रहात हए, और जब शरीरके सब अंग ठिक रितीसे काम करत हए तओ शरीर बढतहए और मजबुत होत हए। उइसीयए, जब हम मैसे हर कोइ बो कामके करत हए जो ख्रीष्ट हमके दइ हए, तओ हम मजबुत बनंगे और पक्को होमंगे और एकदुस्रेके औ जद्धा प्रेम करंगे।

कलस्सी 1:12

और दौवा परमेश्वरके धन्यबाद करत रहाबओ, और स्वर्गके राज्यमे बाको पबित्र आदमीनके मिलन बारो चीज तुमके फिर मिलन बारो लायक बनाइ हए।

हिब्रू 13:15

जहेमारे आओ हम येशू द्वारा लगातार परमेश्वरको प्रसंसा अपनो ओँठसे करएं। जहे बाके ताहीं हमर बलिदान हए।

1 कोरिन्थी 7:15

पर जो लोग बिश्वास नाए करत हए, अगर बो छुट-पत्र देन चाँहत हए, तओ देन देबओ। जब गैर-बिश्वासी लोगा या बैयर छुट-पत्र देन चाँहत हए, तओ बिश्वासीके बिबाहित रहानको जरुरी नाए हए; काहेकी परमेश्वर त हमके मेलमिलापके ताहीं बुलाइ हए।

रोमियों 1:21

जहेमारे कि परमेश्वरके जानके फिर बे परमेश्वरके रुपमे सम्मान नाए दइं, बल्कि बे बिपरित बिचार करन लागे, हियाँतककी बे उइसे नाए सोँचत हएं जैसे उनके सोँचनके रहए, बे ठिक रितिसे नाए सोँचत हएं।

1 कोरिन्थी 10:17

एक रोटी जा बातको संकेत हए, कि हम बहुत जनै ख्रीष्टमे एक शरीर हएं। काहेकी हम सब जनै एकए रोटीसे खात हएं।

1 तिमोथी 6:12

युद्धमे एक अच्छे सैनिक हानी, जो लडाइमे कभी हार नाए मानत हए, तोके फिर परमेश्वरमे भरोसा करनके और बाकी आज्ञाके पालन करन नाए छोडनके हए। और कभी फिर नाश नाए होन बारो जीबनके मजबुतसे पकणले, जौनके ताहीं तए बुलाओ गओ हए, और बहुत आदमीके अग्गु, तए स्पष्ट रुपसे कहो रहए, कि तए ख्रीष्टमे भरोसा करत हए।