कलस्सी 3:11 - राना थारु नयाँ नियम

¹¹ जहेमारे एक ग्रीक और यहूदीनके बीचमे कोइ भेदभाब नाए हए। नए खतना करोभओ, नए त बिना खतनाको; नए असभ्य, नए त बिदेशी; नए नोकर, नए त बो जो नोकर नाए हए। पर ख्रीष्ट इकल्लो एक हए जो महत्त्वपूर्ण हए, और बा अपन सब आदमीनमे रहात हए।

परमेस्वर को सच्चो वचन

¹¹ बामै नाय तौ गैर यहूदि रहो, न परदेसी, न खतना बारो, न खतना रहित, न जंगली, न असभ्य, न दास, और न आजाद सिरफ मसीह सब कछु और मसीह सबन मैं है।

कलस्सी 3:11 Referans Kwoze

1 कोरिन्थी 12:13

हम यहूदी होएसे फिर, ग्रीक भाषा मस्कन बारे होएसे फिर, कमैया होएसे फिर, स्वतन्त्र होएसे फिर हम एकए पबित्र आत्मा द्वारा बप्तिस्मा पाएके कारणसे एकए शरीर भए हएं और हम सबए एकए आत्मा पाए हएं। जैसे हम सब एकए कटोरा मैसे पिइत हएं।

रोमियों 10:12

यहूदी और ग्रीक भाषा मस्कन बारेमे कोइ फरक नाएहए। जहेमारे, कि परमेश्वर सबको प्रभु हए; और मदतके ताहीं बाके बुलान बारे सब उद्धार पातहए।

इफिसियों 3:6

और रहस्य जा हए, कि येशू ख्रीष्टके सँग हमर सम्बन्धके कारण अच्छो समाचारसे यहूदीनको समुह कता गैर-यहूदी फिर बहे आशिषन्के पामंगे, और बे एकए शरीरके सदस्य हएं और परमेश्वरको करोभओ बाचन्के हिस्सेदार हएं।

इफिसियों 1:23

मण्डली ख्रीष्टको शरीर हए, और जाके ख्रीष्टके द्वारा पक्को और पुरा बनाओ गओ हए, जो हर ठिहा सब चिजनके अपनएसे भरपुर करत हए।

रोमियों 3:29

का परमेश्वर सिर्फ यहूदीनको परमेश्वर हए? का गैर-यहूदी आदमीनको परमेश्वर नैयाँ? हाँ, बा गैर-यहूदीनको फिर परमेश्वर हए।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

यूहन्ना 17:23

मए बिनमे, और तुम मोएमे हओ। जहे रितिसे बे फिर पुरा रुपसे एक होमएं। तुम्ही मोके पठाए, और जैसी तुम मोके प्रेम करे, उइसी बिनके फिर प्रेम करत हओ कहिके संसारके आदमी जान पामएं।”

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

1 कोरिन्थी 7:19

कोइको खतना भओ हए या नाए भओ हए, जासे कोइ फरक नाए पणत हए, पर परमेश्वरको आज्ञानके मानन बहुत जरुरी हए।

प्रेरित 15:17

और बाँकी सब आदमी परमप्रभुके ढुण पामएं। और सब गैर-यहूदी फिर परमप्रभुके ढुण पामएं, जौन मिर नाउँसे बुलाएगए हएं।

कलस्सी 2:10

और ख्रीष्ट सब शक्ति और अधिकारमे सबसे बडो हए। तहिमारे अगर तुम ख्रीष्टमे हओ, कहेसे तुमके कोइ फिर चीजको कमी नाए हुइहए।

रोमियों 1:14

मए ग्रीक भाषा मस्कन बारे या दुस्रे भाषा मस्कन बारेन्के, बुद्धिमान या निर्बुद्धिनके सब आदमीनके अच्छो समाचार सुनानके ताहीं कर्जीदार हओं।

यूहन्ना 15:5

“अंगुरको रुखा महीँ हओं, तुम हँगा हओ। अगर कोइ मोएमे रएहए और मए बोमे रएहओं कहेसे बो बहुत फरा फराबैगो। काहेकी मोसे अलग हुइके तुम कुछु फिर नाए कर्पएहओ।

प्रेरित 28:4

पावलके हातमे अइसे साँप लिप्टो देखके हुवाँके आदमी एक-दुस्रेसे अइसे बात करनलागे, “पक्का फिर जा आदमी ज्यानमारा होबैगो। समुन्दरसे बच्के आओ तहुँफिर हमर देबी बोके जिन्दा रहानके नाए दइ।”

प्रेरित 28:2

हुवाँके बासिन्दा हमके अपनए कता प्रेम और बहुत दया दिखाइं। बो बेरा पानी पणनलागो और बहुत जाडो भओके कारणसे बे आगी पजारके हमके स्वागत करीं।

यूहन्ना 14:23

येशू बाके जबाफ दइके कही, “जौन मोके अपनए कता प्रेम करैगो, बो मिर बचनको शिक्षाके पालन करैगो कहेसे मिर दौवा बाके प्रेम करैगो, और हम बोके ठिन आमंगो, और बोके सँग रहामंगे।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

इफिसियों 6:8

काहेकी तुम जान्त हओ, कि जो कोइ जैसो अच्छो काम करैगो, चहुँ दास होए चहुँ स्वतन्त्र आदमी, बोको पुरुस्कार बो प्रभुसे पाबैगो।

इफिसियों 3:17

तुमके अपने दिलन्मे मजबुत होनचाहो, ताकी जब तुम ख्रीष्टमे बिश्वास करओ तओ बा तुमर दिलमे रहाए। मए प्राथना करत हओं, कि परमेश्वरके ताहीं और एकदुस्रेके ताहीं तुमर प्रेम तुमके मजबुत बनाबए और तुमके गिरनसे बचाबए।

1 कोरिन्थी 14:11

अगर हम बो भाषाके नाए सम्झत हएं जो दुस्रे मसक रहे हएं, तओ जा अइसो होइगो मानओकी बे हमर ताहीं बिदेशी हएं, और हम उनके ताहीं बिदेशी हएं।

रोमियों 3:22

अइसियए परमेश्वर, येशू ख्रीष्टमे बिश्वास करन बारे सबएके धर्मी ठहिरात हए। काहेकी सब आदमी एक समान हएं।

इफिसियों 2:14

ख्रीष्ट अपनए हमर बीच शान्ति लाइ हए। बितेभए समयमे, जा अइसो रहए जैसे एक भित यहूदी और गैर-यहूदीनके अलग करदइ रहए। बे एकदुस्रेसे घृणा करत रहएं। पर अब ख्रीष्ट बो भितके गिराएदइ हए और दुई समुहनके एक करदइ हए।

इफिसियों 2:15

अपनी मृत्युके द्वारा, बा मोशाको नियम कानुनके जाको सब नियम और बिधिन्के साथ खतम करदइ, ताकी बा यहूदीनको समुह और गैर-यहूदीनको समुहके बीच शान्ति करपाबए और अइसियए एक नयाँ समुह बनाए पाबए।