कलस्सी 1:9 - राना थारु नयाँ नियम

⁹ जहेमारे जौन दिनसे जा बात हम सुनेहएं, हम तुमर ताहीं रोज प्राथना करत आनडटे हएं, कि परमेश्वरको आत्मा तुमके बुद्धि और समझ देबए, और परमेश्वर तुमके सम्पूर्ण रुपसे बाको इच्छा बुझनके ताहीं मदत करए।

परमेस्वर को सच्चो वचन

⁹ काहैकि जो दिन से जौ सुने हैं, हमउँ तुमरे ताहीं प्रार्थना और बिनती करन से नाय चूकथैं कि तुम परमेस्वर की इच्छा और सब ग्यान और समझ जो आत्मा देथै, बासे परिपूर्ड़ हुई जाबौ।

कलस्सी 1:9 Referans Kwoze

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

याकूब 1:5

अगर तुम मैसे कोइके बुद्धिकी कमी हए, तओ दोष नाए लगान बारो परमेश्वरसे मागओ, बा तुमके देबैगो।

कलस्सी 4:5

गैर-बिश्वासीके सँग भलाइ करनके ताहीं सबए मौकाके सदुपयोग करओ।

1 पतरस 2:15

काहेकी जा परमेश्वरको इच्छा हए, कि हमर अच्छो ब्यवहारसे परमेश्वरके नाए चिनेभए आदमी अब हमके झुटो आरोप लगान हिम्मत नाए करैगो। काहेकी जा स्पष्ट हए, कि बिनको झुटो आरोप सच्चो नाए हए।

2 थेसलोनिकी 1:11

जहेमारे लगातार हम, तुम सबके ताहीं प्राथना फिर करत हएं, ताकी हमर परमेश्वर तुमके बहे करनके लायक बनाबए जो करनके ताहीं बा तुमके बुलाइ हए। और परमेश्वर अपनो शक्तिके द्वारा सब काममे मदत करए ताकी तुमर सब भले इच्छा पुरा होएं और जो कुछ फिर तुम बिश्वाससे कर रहेहओ, बो पुरा होबए।

1 थेसलोनिकी 5:17

निरन्तर प्राथना करतए राहओ।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

फिलिप्पी 1:4

और परमेश्वरके सँग अपनो सब प्राथनामे तुम सबके ताहीं रोजए परमेश्वरसे मदतके ताहीं बिन्ती करत हओं।

फिलेमोन 1:4

मए जब फिर तेरे ताहीं प्राथना करत हओं, मए हमेसा तेरे ताहीं परमेश्वरके धन्यबाद देत हओं।

इफिसियों 6:6

तुमके अपन मालिकको आज्ञापालन करन चाहो, तब्ही इकल्लो नाए जब बे तुमके देखत होमएं, पर तुम ख्रीष्टके दास हओ, जहेमारे तुमके अपनो पुरो मनसे बहे करन चाहो जो परमेश्वर चाँहत हए, कि तुम करओ।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 यूहन्ना 2:17

संसार और संसारके खराब इच्छा नष्ट हुइके जामंगे, पर परमेश्वरको इच्छाके अनुसार चलन बारे आदमी सदिमान रहो रहाबैगो।

1 पतरस 4:2

परिणामके रुपमे बो आदमी जा पृथ्वीमे अपनो बाँकी जीबन अपनुवए पापी मानब इच्छा पुरा करके नाए जिइबैगो, पर बो परमेश्वरके चाहो भओ बात करैगो।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

इफिसियों 5:17

जहेमारे मुरख मतहोबओ पर जा जानन्के ताहीं कोसिस करके बुद्धिमानी बनओ, कि प्रभु तुमसे का कर्बान चाँहत हए।

इफिसियों 5:10

जा सिखनके कोसिस करओ, कि का चीज हए जो परमेश्वरके खुसी करत हए।

इफिसियों 1:8

परमेश्वरके ठिन बहुत ज्ञान और समझ हए और बे चीज बा हमके प्रशस्त करके दइहए।

यूहन्ना 7:17

अगर कोइ आदमी परमेश्वरको इच्छा पालन करन चाँहत हए, तओ बो जान जाबैगो, कि मिर शिक्षा परमेश्वरके घेनसे आतहए कि मिर अपनो शिक्षा हए।

1 कोरिन्थी 1:5

काहेकी हर बातमे तुम बहुत आशिष पाएहओ, काहेकी तुम ख्रीष्ट सँग एकजुटमे हओ। बो जा हए, कि बा तुमके अप्नो बचन मस्कनके और बुझनके सब किसिमको खास क्षमता दइ हए।

प्रेरित 12:5

बहुत दिनसे जेलमे पत्रुसको लख्बारी होत रहए। पर मण्डली एकए मनके हुइके बोके ताहीं परमेश्वरसे लगातार प्राथना करत रहएं।

फिलेमोन 1:6

मए प्राथना करत हओं, कि बिश्वासीन सँगको तिर संगती बढतए जाबए, ताकी तए बे सब अच्छी चीजके बुझ पाबए, जौन चीज परमेश्वर हमके दइ हए। और जाको नतिजा जा होबए, कि आदमी ख्रीष्टके महिमा करएं।