कलस्सी 1:15 - राना थारु नयाँ नियम

¹⁵ कोइ परमेश्वरके नाए देख पातहए, पर जब परमेश्वरको लौंणा आदमी बनो, बा आदमीनके परमेश्वरके अग्गु प्रकट करी। और परमेश्वरसे सृष्टि भओ सब चीजके उपर बाके ठिन सबसे बडो अधिकार हए।

परमेस्वर को सच्चो वचन

¹⁵ मसीह अद्रस्य परमेस्वर को दृस्य प्रतिरूप है और बौ पूरी दुनिया मैं पहलोठो है। जो सब निर्मित वस्तुन से स्रेस्ठ है।

कलस्सी 1:15 Referans Kwoze

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

यूहन्ना 14:9

येशू बिनसे कही, “फिलिप! इत्तो दिनतक मए तुमर सँग रहो, तहुँफिर तुम मोके नाए चिनपाए? जौन मोके देखो हए, बो मिर दौवाके फिर देखडारी हए। मोके देखके फिर, तए मोसे काहे दौवाके दिखाएदे कहात हए?”

यूहन्ना 1:1

जा पुरो संसारको सृष्टि होनसे पहिले एक जनै रहए जोके बचन कहोजात हए, और बचन परमेश्वरके सँग रहए, और बचनए परमेश्वर रहए।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

यूहन्ना 1:18

परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

फिलिप्पी 2:6

बा परमेश्वर हुइके फिर बा परमेश्वरके बराबर होन बारो बातके अपने पकणी रहान बारो चीज जैसो नाए सम्झी।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

1 तिमोथी 1:17

अब अनन्तकालको राजा और नाए देखमिलन बारो एकए परमेश्वरके सदासर्वदा आदर और सम्मान होतए रहाबए। आमेन।

प्रकाश 3:14

येशू मोसे जा फिर कही, “लाउडिकिया सहरके मण्डलीके स्वर्गदूतके जा सन्देश लिख: मए बहे हओं जौनके आमेन कहोजात हए, काहेकी मए बिश्वासयोग्य हओं और मेरे द्वारा परमेश्वरके बारेमे कहीभइ सब बात सत्य हएं। जो कुछ फिर बा सृष्टि करीहए मए बे सबको स्रोत हओं। जो मए तोसे कहात हओं बोके सुन:

हिब्रू 1:6

और परमेश्वर अपन बडो लौंणाके संसारमे पठानसे अग्गु बा फिरसे कही, “मिर सब स्वर्गदूत बाके आराधना करएं।”

1 तिमोथी 6:16

और सिरफ बहे इकल्लो हए, जो हमेसाके ताहीं जिन्दा हए, और बा इतनो चम्कन बारो उजियारोमे रहात हए, कि कोइ फिर बाके ढिँगै नाए आए पातहए। और नए बाके कोइ आदमी देखी हएं, और नए कभी देख पामंगे। बाकी महिमा और शक्ति सदा दिन रहाबए। आमेन।

यूहन्ना 15:24

अगर कोइ नाए करपान बारो चमत्कार काम, मए बिनके बीचमे नाए करतो कहेसे बे पापके दोषी नाए हुइते। पर मिर करोभओ अचम्मोको काम देखेके फिर बे मोके और मिर दौवाके समेत हेल्हा करत हए।

यूहन्ना 3:16

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

कलस्सी 1:13

काहेकी बा हमके शैतानके शक्तिसे छुणाएके अपनो प्रिय लौंणाके राज्यमे लाइ हए।

हिब्रू 11:27

राजाको गुस्सासे नाए डराएके बिश्वासए द्वारा बो मिश्रदेश छोडी, काहेकी कठिनाइको सामना करनके बाबजुत फिर बो नाए लौटो। काहेकी बोके अइसो लागत रहए, कि बो अदृश्य परमेश्वरके देखी होए।