कलस्सी 1:14 - राना थारु नयाँ नियम

¹⁴ बाको लौंणाको बलिदानसे परमेश्वर हमके छुटकारा दइ हए, अथवा हमर पाप क्षमा करीहए।

परमेस्वर को सच्चो वचन

¹⁴ जामैं हमकै छुटकारा मतलब पापन कि माफी मिलथै।

कलस्सी 1:14 Referans Kwoze

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

हिब्रू 9:22

मोशाको नियम कानुन कहात हए कि लगभग सब चीजके खुन छिँटके शुद्ध बनान पणत हए, और खुन नाए चढाएके पाप क्षमा नाए होत हए, जो मृत्यु दिखात हए।

हिब्रू 9:12

ख्रीष्ट स्वर्गमे भओ महापबित्र ठाउँमे एकए चोटी सदामानके ताहीं प्रबेश करी। बा अपने सँग बक्रा और बछ्रनको खुन लैके नाए गओ। बाको बलि बाको अपनो खुन रहए, और जासे बो हमके पापसे सदाके ताहीं छुटकारा करदइ हए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

1 यूहन्ना 2:2

और हमर पाप क्षमा करनके ताहीं, ख्रीष्ट एक बलिदान बनिगओ: और हमर ताहीं इकल्लो नाए बल्कि पुरो संसारके आदमीनको पापके ताहीं हए।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

1 यूहन्ना 2:12

मेरे प्यारे बालकओ, मए तुमके जाकेमारे लिखत हओं, कि येशू ख्रीष्टके नाउँसे तुमर पाप क्षमा भओ हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

1 तिमोथी 2:6

ख्रीष्ट पाप और मृत्युकी शक्तिसे मोल तिरके छुटानके ताहीं अपनएके बलिदान करदइ। बाको मृत्युके द्वारा परमेश्वर सही समयमे सबुत दइ, कि बा चाँहत हए, कि सब आदमी बचाए जामएं।

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

इफिसियों 4:32

पर दयालु हुइके एक-दुस्रेके अनुग्रह करओ। परमेश्वर ख्रीष्टमे तुमके क्षमा दइ कता, तुम फिर एकदुस्रेके क्षमा दए करीयओ।

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

प्रेरित 10:43

सबए अगमबक्ता बाको गवाही दइं रहएं। बामे बिश्वास करन बारे बाको नाउँको शक्तिके कारण अपने पापसे क्षमा पामंगे।”

कलस्सी 3:13

एकदुस्रेके सहिके प्रेम दिखाओ, कोइको बिरोधमे कोइ बात हए कहेसे क्षमा करओ। जैसे प्रभु तुमके क्षमा करीहए, उइसी तुम फिर एकदुस्रेके क्षमा करओ।

प्रेरित 2:38

पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

1 यूहन्ना 1:9

अगर हम परमेश्वरके अग्गु अपनो पापके स्वीकार करएं, तओ हमर पापके क्षमा करनमे, और हमएं सब अधर्मसे शुद्ध करनमे बिश्वासयोग्य और धर्मी हए।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

प्रकाश 14:4

बिनको जीबन पबित्र हए। बे बेहीं लोग कता हएं जौन कभी फिर व्यभिचार नाए करी हएं, जौन कभी फिर आराधना नाए करी हएं, बे थुमाको इकल्लो आराधना करत हएं। जहाँ थुमा जातहए, हुवाँ बेहुँ जात हएं, बे आदमी बेहीं हएं जौननके पृथ्वीके सबए आदमीनके बीचसे छुटावगओ हए। आदमी अपनो फसलको पहिलो फल परमेश्वरके चढाओकता, बे परमेश्वर और थुमाके पहिलो भेँटीके रुपमे चढाएगए हएं।

लूका 5:20

तओ येशू बे आदमीनको बिश्वास देखके कही, “ए लौंणा, तिर पाप क्षमा हुइगओ।”

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।