कलस्सी 1:13 - राना थारु नयाँ नियम

¹³ काहेकी बा हमके शैतानके शक्तिसे छुणाएके अपनो प्रिय लौंणाके राज्यमे लाइ हए।

परमेस्वर को सच्चो वचन

¹³ बहे हमकै जौ अंधकार कि सक्ति से छुड़ाय कै अपने प्रिय लौड़ा के राज्य मैं आन दई,

कलस्सी 1:13 Referans Kwoze

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

इफिसियों 5:8

तुम अपनए अन्धकारमे रहात रहओ, पर जबसे तुम प्रभुके आदमी बनेहओ, तुम ज्योतीमे हओ। जहेमारे तुमके उइसे आदमीन कता जीइन चाहो जो ज्योतिसे सम्बन्धित हएं।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

इफिसियों 6:12

काहेकी हमर जा युद्ध आदमीनके बिरुद्ध नाए लडरहे हएं पर अधिकारीन्से और जा संसारके अन्धकारके सासकन्से और खराब आत्मिक शक्तिन्से हए, जो बादरमे हए।

1 थेसलोनिकी 2:12

कि अइसो जीबन जिइयओ, जो परमेश्वरके खुसी करत हए, जो तुमके अपने राज्य और महिमामे बुलातहए।

इफिसियों 4:18

बे सम्झनमे सक्षम नाए हएं, काहेकी बे आज्ञा मानन बारे नाए हएं और सुनन्से इन्कार करनके कारण बे ख्रीष्टमे भओ नयाँ जीबनसे दुर हएं, जो परमेश्वर देतहए।

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

1 यूहन्ना 3:14

हम जानत हएं, कि हम मृत्युकी शक्तिसे पार हुइगए हएं, अब हमर ठिन कभी फिर नाश नाए होन बारो जीबन हए। काहेकी हम बिश्वासी ददाभइयनसे प्रेम करत हएं। जो प्रेम नाए करत हए, बो मृत्युकी बन्धनमे रहात हए।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

1 यूहन्ना 3:8

जौन पाप लगातार करत रहतहए, बो शैतानको आदमी हए, काहेकी शैतान सुरुसे पाप करत आओ हए। शैतानको कामके नष्ट करनके ताहीं परमेश्वरको लौंणा आओ हए।

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

1 यूहन्ना 2:8

तहुँफिर मए तुमके नयाँ आज्ञा लिखत हओं, काहेकी जाको सच्चाई ख्रीष्टमे और तुममे फिर दिखाइ देतहए, काहेकी दुष्ट मिटरहो हए, और सच्चो उजियारो अच्छो और सिद्ध कता चमक रहोहए।

2 पतरस 1:11

और जाके सँगएसँग परमेश्वर तुमके येशू ख्रीष्ट भओ राज्यमे भव्य स्वागत करैगो, जो हमर प्रभु और मुक्तिदाता हए, बा हुवाँ सदादीनके ताहीं राजा हुइके राज्य करैगो।

लूका 13:24

“परमेश्वरके राज्यमे तागतसे भितर घुसन मुस्किल हए, काहेकी मए तुमसे कहात हओं, कि बहुतसे आदमी भितर घुसन कोसिस करंगे, पर भितर घुस नाए पएहएं।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

यूहन्ना 17:24

“हे दौवा, तुम मोके दएभए आदमी मेरी ठिन रहामएं और तुम मोके दओ भओ महिमा बे देख पामएं, जौन महिमा तुम संसारको उत्पत्ति होनसे पहिलीयए मोके प्रेम करके दए।”

लूका 22:53

मए रोजदिन यरूशलेमको मन्दिरमे तुमर सँग रहओं तुम मिर बिरुद्धमे हात नाए उठाए। पर अब तुमर समय जहेहए, और अन्धकारको शक्ति जहेहए।”

मत्ती 3:17

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

मत्ती 25:34

तओ मए राजा, मिर दहिना घेन होन बारेनसे कएहओं, ‘आओ, हे मिर दौवाके धन्यके आदमी, बो राज्यके अधिकारी हुइजाओ, जो दुनियाको उत्पत्तिसे तुमर ताहीं तयार करोगओ हए।

इफिसियों 1:6

जा अनुग्रह, बयान करन नाए सिकन बारो हए जहेमारे हम बाकी महिमामय अनुग्रहके ताहीं परमेश्वरके स्तुति करत हएं जो बा हमके सेँतएमे दइ हए। काहेकी बाको लौंणाके सँग हमर सम्बन्ध हए।

मत्ती 17:5

पत्रुस मसकतए मसकत, चमकदार बादर बिनके तोपदइ, और बादरसे एक अबाज आओ, “जा मिर प्रिय लौंणा हए, जासे मए बहुत खुसी हओं, इनकी बात सुनओ।”

यूहन्ना 3:35

परमेश्वर लौंणाके प्रेम करत हए, और सब चीज लौंणाके हातमे दइदइ हए।

2 कोरिन्थी 11:14

और जा कोइ अचम्मोको बात नाए हए, काहेकी शैतान फिर परमेश्वरको महिमित स्वर्गदूतके भेष लैके धोखा दइ रहए।

इफिसियों 5:5

तुमके पता होनए पणैगो, कि व्यभिचार करन बारे, अशुद्ध और लोभी आदमी परमेश्वर और ख्रीष्टको राज्यमे हक नाए पाबैगो। लालची आदमी एक मूर्तिपुजकके समान हए जो जा संसारकी चिजनके आराधना करत हए।