प्रेरित 9:31 - राना थारु नयाँ नियम

³¹ अइसियए सारा यहूदिया परदेश, गालील परदेश और सामरियामे मण्डलीनके पबित्र आत्मा द्वारा उत्सहा मिलतए गओ। और प्रभुको डरमे नेँगतए और पबित्र आत्मासे शान्ति मिलके बे बहुत आदमी प्रभु येशूमे बिश्वास करीं।

परमेस्वर को सच्चो वचन

³¹ जौ बजह से पूरे यहूदिया, गलील और सामरिया की कलीसिया मैं सांति को समय रहै। पवित्र आत्मा की मदत से हौंसला पाईं और संख्या मैं बढ़ोतरी भइ, जो प्रभु के ताहीं सृद्धा रखत रहै।

प्रेरित 9:31 Referans Kwoze

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

प्रेरित 8:1

शाऊल स्तिफनसको हत्यामे पुरो रुपसे सहमत रहए। बहे दिनसे यरूशलेम सहरमे भए मण्डलीके बिरुद्धमे बहुत भारी सतावट सुरु भओ, और येशूसे चुनेभए चेला बाहेक बे सब यहूदिया परदेश और सामरियाके परदेश घेन छिदर-बिदर हुइगए।

इफिसियों 4:12

उनको जिम्मेदारी जा हए, कि बे परमेश्वरके पबित्र आदमीनके बाको काम करनके ताहीं तयार करएं और ख्रीष्टको शरीर अर्थात् मण्डलीनके निर्माण करएं।

2 कोरिन्थी 13:10

तहिमारे मए तुमके जा बात लिखरहो हओं, जब मए अग्गु आओ रहओं ताकी प्रभु मोए तुमके दण्ड देन अधिकार दइ हए कहिके मए तुमके दिखाए पामओं। काहेकी मए अपनो अधिकार प्रयोग करके तुमके बिश्वासमे मजबुत बनान चाँहत हओं, तुमर नाश करन नाए चाँहत हओं।

2 कोरिन्थी 10:8

काहेकी हमर अधिकारके बारेमे मए कुछ जद्धए घमण्ड करो कहेसे फिर मए शरममे नाए पणंगो, काहेकी जा अधिकार तुमर बिश्वासके नाश करनके नाए हए, बल्कि तुमर सुधारके ताहीं प्रभु दइ हए।

2 कोरिन्थी 7:1

जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

प्रेरित 16:5

अइसियए मण्डलीके आदमीनको बिश्वास मजबुत होत गओ। और दिनएदिन प्रभुमे बिश्वास करन बारे आदमी बढतएगए।

प्रेरित 12:24

पर परमेश्वरको बचन फैलतए गओ और बिश्वासीन्को संख्या बढतए गओ।

प्रेरित 6:7

और परमेश्वरको बचन फैलतए गओ और यरूशलेम सहरमे चेलनको संख्या बहुत बढतए गओ। और बहुत यहूदी पुजारी फिर येशू ख्रीष्टमे बिश्वास करन बारो शिक्षाके स्वीकार करीं।

यहूदा 1:20

हे मेरे प्यारे सँगीउ, पबित्र शिक्षामे बढनके ताहीं एक-दुस्रेनके तुमके बिश्वास करनके बेढम मदत करन पणत हए। तुमके पबित्र आत्माको शक्तिको अगुवाईमे प्राथना करन जरुरी हए।

हिब्रू 4:9

जहेमारे परमेश्वर संसारको सृष्टि करके, सातौ दिनमे बिश्राम लइ हानी, परमेश्वरके आदमीनके ताहीं हबए फिर बिश्राम करनके सम्भब हए।

1 थेसलोनिकी 5:11

जहेमारे तुम एकदुस्रेके उत्सहा देबओ, और एकदुस्रेके मजबुत बनाओ, जैसेकी तुम अइसो करत फिर हओ।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

फिलिप्पी 2:1

काहेकी तुम ख्रीष्टके हओ, तभीमारे तुम प्रोत्साहित भए हओ, काहेकी ख्रीष्टको प्रेम तुमर ताहीं भओ हए। तभीमारे तुम सान्त्वना पाएहओ, काहेकी तुम पबित्र आत्माको संगतीमे हओ, और ख्रीष्ट तुमर प्रति नम्र और दयालु हए।

इफिसियों 5:21

हम ख्रीष्ट प्रती को भक्ति करेके कारण एक-दुस्रेके अधीनमे बैठओ।

इफिसियों 4:29

कोइ छिया बात तुमर मुँहुँसे नाए निक्रए, बल्कि बेहीं बातके कहामएं जो आदमीनके ताहीं जरुरी हए ताकी उनके बिश्वासमे मजुबुत बनानमे मदत करए। तओ जो कुछ फिर तुम कहाबैगे बा तुमर सुनन बारेनको भलो करैगो।

इफिसियों 4:16

हम सब जो ख्रीष्टमे बिश्वास करत हएं, बाकी शरीरके अंग कता हएं। जैसे एक आदमीको शरीर, बोको सरा गाँठी-गाँठीसे जुणो रहात हए, और जब शरीरके सब अंग ठिक रितीसे काम करत हए तओ शरीर बढतहए और मजबुत होत हए। उइसीयए, जब हम मैसे हर कोइ बो कामके करत हए जो ख्रीष्ट हमके दइ हए, तओ हम मजबुत बनंगे और पक्को होमंगे और एकदुस्रेके औ जद्धा प्रेम करंगे।

2 कोरिन्थी 12:19

का तुम जा सोँच रहेहओ, कि यित्तो समय तक तुमर अग्गु हम अपनुवए सफाइ दइ रहे हएं? प्रिय हो, हम परमेश्वरको उपस्थितिमे रोजए सच्चो रुपसे ख्रीष्टद्वारा परचार करत हएं और जे सब तुमके बिश्वासमे मजबुत बनानके ताहीं हए।

1 कोरिन्थी 14:26

हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

1 कोरिन्थी 14:12

काहेकी तुम पबित्र आत्मा द्वारा दओ जान बारो खास क्षमतनके ताहीं इतना उत्सुक हओ, जहेमारे बे क्षमतनको इच्छा करओ जो मण्डलीमे बिश्वासीनको बिश्वास मजबुत करत हए।

रोमियों 14:19

जहेमारे हमके हमेसा आदमीनके शान्तिमे एकए सँग रहानके ताहीं और एकदुस्रेके बिश्वासमे बलियो होनके ताहीं मदत करन पणत हए।

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

प्रेरित 2:47

और बे परमेश्वरको प्रसंसा करत रहएं और सबए आदमी उनसे खुस रहएं। उद्धार पान बारेनको संख्या उनको झुण्डमे प्रभु दिनए-दिन बढाए देत रहए।

प्रेरित 5:11

तओ सारा यरूशलेम सहरके मण्डलीमे और जा बात सुनन बारे सबए आदमीनमे बहुत भारी डर छैगओ।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।