प्रेरित 9:17 - राना थारु नयाँ नियम

¹⁷ तओ हननिया बो घरमे आओ जहाँ शाऊल रहए, और बोके उपर अपन हात धरके कही, “भइया शाऊल, जौन प्रभु येशू, तए आओ भओ डगरमे तोके दिखानो रहए, बहे प्रभुके तए देखन बारो हुइपाबए और तए पबित्र आत्मासे भर जाबए, कहिके मोके पठाइ हए।”

परमेस्वर को सच्चो वचन

¹⁷ तौ हनन्याह उठकै बहे घर मैं गौ जोमैं साऊल रहे, और बाके ऊपर हात धरकै कही, “भईय्या साऊल, जो रस्ता मैं ईसु तोकै सुजाई दई रहै, बहे प्रभु मोकै पनारी है कि तैं दुबारा देख पाबै और पवित्र आत्मा से भर जाबै।”

प्रेरित 9:17 Referans Kwoze

प्रेरित 8:17

तओ पत्रुस और यूहन्ना अपन हात प्रभुमे बिश्वास करन बारेनके उपर धरीं, और बे पबित्र आत्मा पाइं।

प्रेरित 6:6

और इन्के चुनेभए चेलनके अग्गु लाइं और बे प्राथना करके अपनो हात बिनके उपर धरके काम करनके ताहीं बिनके नियुक्त करी।

प्रेरित 2:4

तओ बे सब पबित्र आत्मासे भरीगए, और जौन बरदान पबित्र आत्मा बिनके दइ, बो अनुसार बे फरक-फरक भाषा मस्कन लागे।

1 तिमोथी 5:22

कोइके उपर हात धरके, बोके एक मण्डलीके रेखदेख करन बारो सेवकके रुपमे मत् छान। जब तक बे अपनएके ख्रीष्टमे बिश्वासयोग्य साबित नाए करदेएं। अगर तए अइसो करैगो कहेसे बोको पापके ताहीं तए फिर जिम्मेबार होबैगो; अनैतिक बातसे अपनएके दुर धर।

प्रेरित 13:52

और आइकोनियन सहरमे चेला आनन्दसे और पबित्र आत्मासे भरिगए।

हिब्रू 6:2

बहुत मेलके बप्तिस्माके बारेमे शिक्षा, कोइके उपर हात धरनो, मरे आदमीनके फिरसे जीइ उठानो और कभी फिर अन्त नाए होन बारो दण्ड जैसो बातमे इकल्लो लागके, विश्‍वासको जग फिरसे बैठान बारी शिक्षामे लागे नाए रहामएं।

फिलेमोन 1:16

पर फिलेमोन सिरफ तिर दास नाए होबैगो, बल्कि बो एक दाससे जद्धा हए। अब बो तिर प्रिय बिश्वासी भइया हए, मए बोसे बहुत प्रेम करत हओं, पर तोए ओनेसिमसके दुनौ रुपमे बहुत जद्धा प्रेम करनके चाहो, अर्थात् अपनो दासके रुपमे, और ख्रीष्टमे एक भइयाके रुपमे।

2 तिमोथी 1:6

जहेमारे मए तोके याद करात हओं, कि परमेश्वरको बरदानके फिरसे प्रज्वलित कर, जो परमेश्वरद्वारा तोके तओ मिलो गओ हए, जब मए तेरे मुणमे अपनो हात धरो।

1 तिमोथी 4:14

बहे बातके याद कर, जब मण्डलीको अगुवाको समुह अपन हात तिर उपर धरी रहएं और परमेश्वर उनके तिर खास योग्यताके बारेमे बतानके ताहीं सन्देश दइ रहए। बो योग्यताके हेल्हा मत् करए।

1 कोरिन्थी 15:47

पहिलो आदमी धर्तीसे अर्थात् मट्टीसे बनो भओ रहए; ख्रीष्ट, जो कि दुस्रो आदम हए, स्वर्गसे आओ हए।

1 कोरिन्थी 15:8

और अन्तमे बा मिर ठिन फिर देखा पणो, और मए आसरा नाए करो समयमे इक्बरी प्रभु येशूको चुनो भओ चेला बनिगओ।

रोमियों 15:7

जहेमारे, एकदुस्रेके स्वीकार करओ, जैसेकी ख्रीष्ट तुमके स्वीकार करीहए, ताकी आदमी परमेश्वरको प्रसंसा करएं।

प्रेरित 26:15

मए कहो, ‘हे प्रभु, तुम कौन हओ?’ प्रभु कही, ‘मए येशू हओं जौनके तए सतात हए।

प्रेरित 21:20

जा सुनके पिच्छु बे परमेश्वरको महिमा करीं। तओ बे कहीं, “हे भइया, तुम जानत हओं, यहूदी समुहके बीचमे बिश्वास करन बारे हजारौँ हएं, और बे मोशाको नियम कानुन ध्यानसे पालन करत हएं।

प्रेरित 19:6

और जब पावल बिनके उपर अपनो हात धरी तओ पबित्र आत्मा बिनके उपर आओ, और बहे बेरा बे फरक-फरक भाषामे मस्कन लागे और अगमबाणी बोलन लागे।

प्रेरित 13:3

बे फिरसे उपवास बैठे और प्राथना करतए बे दुई जनैके उपर अपने हात धरीं और बिनके परमेश्वरको काम करनके ताहीं पठाइं।

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

प्रेरित 4:31

जब बे प्राथना करडारीं तओ जहाँ बे जमा भए रहएं, बो ठाउँ हालिगओ। और बे सब जनै पबित्र आत्मासे भरिगए और बे परमेश्वरको बचन हिम्मतसे सुनातए रहे।

लूका 15:32

पर अब आनन्द करन और खुसी होनचाहो काहेकी जो तेरो भइया मरो जैसो रहए, बो जिन्दा भओ हए, हरानो रहए पर अब मिलिगओ हए।’”

लूका 15:30

जब तिर जा लौंणा, जौन तेरो धनसम्पति वेश्याके सँग उणाएके आओ हए, और तए बोके ताहीं जानबर काटके बडो भोज खानके तयार करबाओ हए।’

लूका 2:11

आज बेथलेहम सहरमे, जो राजा दाऊदको सहर हए। हुवाँ तुमर ताहीं एक मुक्तिदाताको जनम भओ हए, जौन ख्रीष्ट प्रभु हए।

लूका 1:76

बो बालका परमप्रभु परमेश्वरको अगमबक्ता कहोजाबैगो, काहेकी बो परमप्रधानको डगर तयार करैगो।

मर्कूस 6:5

और उनको अबिश्वासके मारे, येशू कोइ-कोइ बिमार आदमीनके उपर हात धरके अच्छो करनके अलाबा औ जद्धा शक्तिशाली चमत्कार नाए करपाइ।

मत्ती 19:13

येशू बालकनके उपर हात धरके परमेश्वरसे प्राथना करदेहए करके आदमी बिनके ठिन ल्याइं। और चेला बे आदमीनके डाँटी।

मर्कूस 5:23

और अइसे कहिके बिन्ती करी, “मेरी छोटी लौंणीया मरन लगीहए, तुम आएके बोके उपर हात धरदेओ, ताकी बो अच्छी हुइके जीइजए।”

लूका 1:41

जब एलीशिबा मरियमको अभिबादन सुनी, तओ बोको गरबको बालका उछलपणो। और एलीशिबा पबित्र आत्मासे भरीगइ।

लूका 1:67

और बोको दौवा जकरिया पबित्र आत्मासे शक्ति पाएके अगमबाणी बोलन लागो,

प्रेरित 9:18

और तुरन्त बक आँखीसे पपरा जैसो कुछ झरो, और बा फिरसे देखन बारो हुइगओ। तओ बो उठो और बप्तिस्मा लइ,

1 कोरिन्थी 9:1

जो कुछ मए करन चाँहत हओं, बोके करनके ताहीं मए स्वतन्त्र हओं। मए चुनो भओ चेला हओं, मए हमर प्रभु येशूके देखो हओं। तुम प्रभुके ताहीं बनाए गए मिर सेवाको परिणाम हओ।

2 पतरस 3:15

हमर प्रभुके धैर्य होनको कारण जानओ, काहेकी बा आदमीनके पक्षताप करनको समय देन चाँहत हए, ताकी बा उनके बचाए पाबए। जब हम प्रेम करन बारो, हमर सँगी बिश्वासी पावलके परमेश्वर जो बुद्धि दइ हए, बहे बुद्धिके इस्तमाल करके तुमके जो चिट्ठी लिखी रहए, बो फिर जे बात कही जो मए तुमके कहो रहओं।