प्रेरित 7:38 - राना थारु नयाँ नियम

³⁸ जहे मोशा एक अगुवाके रुपमे हमर पुर्खनके सँग रहए जब बे मरुभूमिमे एकए सँग इकट्ठा रहएं, जौन जंगली इलाकामे मण्डलीके बीच बो स्वर्गदूतके सँग सीनै पहाडमे बोसे बात करी। और पहाडमे मोशाके जीबन दायक बचन मिलो और बो उनके हमतक पुगाइ।

परमेस्वर को सच्चो वचन

³⁸ जौ बहे है, जोकै जो रेगिस्तान मैं जुराने इस्राएल के लोगन के संग रहै; बहे स्वर्गदूत के संग सीनै पहाड़ मैं बासे बात करी रहै, और आपन के परखन के संग रहै, और बौ हमरे झोने जान के तहीं परमेस्वर के जिंदे संदेस लई।”

प्रेरित 7:38 Referans Kwoze

रोमियों 3:2

हाँ, एक यहूदी होनको बहुत फाइदा हए। सबसे महत्त्वपूर्ण जा हए, कि परमेश्वरको सन्देश उनके सौँपो गओ।

हिब्रू 5:12

अभएतकले त तुमके दुस्रे जनैके सिखान बारे हुइडारनके रहए। पर तुम हबए फिर परमेश्वरको बचनके बारेमे प्राथमिक बात पता नाए पाएके कोइ दुस्रो जनै तुमके सिखान पणरहो हए। तुम बालका जैसे हओ, जौन कर्रो खानु खाए नाए पातहए, बिनके दुध चाँहत हए।

1 पतरस 4:11

उदाहरणके ताहीं, अगर तुमर सँग परचार करनको बरदान हए कहेसे, तुमके परमेश्वरको बचन परचार करन पणत हए। अगर तुमर सँग औरे आदमीनके मदत करनको बरदान हए कहेसे, बो तुम परमेश्वरके माध्यामसे दओगओ शक्तिसे करओ। तओ बोसे येशू ख्रीष्टद्वारा परमेश्वरके महिमा मिलैगो। सबए महिमा और शक्ति हरदम बहेको हए! आमेन।

प्रेरित 7:53

तुम स्वर्गदूतन्के द्वारा सुम्पोगओ नियम कानुन पान त पाइगए, पर बोको आज्ञापालन नाए करे।”

यूहन्ना 1:17

काहेकी मोशाको नियम कानुन मोशासे दओगओ, पर परमेश्वर येशू ख्रीष्टके माध्यमसे अनुग्रह और सत्यता दिखाइ।

हिब्रू 4:12

परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।

हिब्रू 2:2

स्वर्गदूतसे दओ भओ मोशाको नियम कानुन सब दिन सत्य साबित भओ हए, और मोशाको नियम कानुनके हरेक उलंघनमे और अनाज्ञाकारिके काममे परमेश्वर आदमीनके सजाय दइ।

गलातियों 3:19

परमेश्वर कौन उदेश्यसे इस्राएल आदमीनके मोशाको नियम कानुन दइ? बा त अपराधन्के मारे पिच्छु दइ हए, मोशाको नियम कानुनके तबतक रहिरहान रहए। जबतककी अब्राहामको बो सन्तान नाए आएजाए, जौनको बारेमे परमेश्वर प्रतिज्ञा करी रहए। परमेश्वर अपनो नियम कानुन स्वर्गदूतसे मोशाके दइ, जो परमेश्वर और आदमीनके बीचमे मध्यस्थ रहए।

रोमियों 9:4

बे इस्राएल देशके आदमी हएं, बे परमेश्वरके अपने सन्तान बनानके ताहीं छानी हएं, और परमेश्वर उनके अपनो महिमा दिखाइ। बा बिनसे अपनो करार बाँधी और बिनके अपनो नियम कानुन दइ। बिनके बाको आराधना करन और बाको अदभुत प्रतिज्ञा पान मौका रहए।

प्रेरित 7:35

जौन मोशाके बे जा कहिके इन्कार करी रहएं, ‘तोके कौन हमर उपर राजा और न्यायधीश बनाएके पठाइ हए?’ बहेके परमेश्वर राजा और बचान बारो ठहिराएके, बोके स्वर्गदूतके द्वारा पठाइ, जौन बोके झाडीमे दर्शन दइ रहए।

प्रेरित 7:30

मिद्यान देशमे मोशा चालिस बर्षतक रहानके बाद सीनै पहाडको जंगली इलाकामे बोके आगी लागी भइ झाडीकी ज्वालामे परमेश्वर मोशाके अग्गु स्वर्गदूतके रूपमे प्रकट भओ।

यूहन्ना 6:63

जीबन देन बारो परमेश्वरको आत्मा हए, शरीरए कुछु फाइदा नाए होत हए। जौन बचन मए तुमरे सँग मस्कनडटो हओं बो आत्मा और जीबन हए।