प्रेरित 6:7 - राना थारु नयाँ नियम

⁷ और परमेश्वरको बचन फैलतए गओ और यरूशलेम सहरमे चेलनको संख्या बहुत बढतए गओ। और बहुत यहूदी पुजारी फिर येशू ख्रीष्टमे बिश्वास करन बारो शिक्षाके स्वीकार करीं।

परमेस्वर को सच्चो वचन

⁷ और परमेस्वर को बचन फैलत गौ। और यरूसलेम मैं चेलन की गिनती बड़ा बढ़त गई, और पुजारी को एक बड़ो समाज जौ बिस्वास कै मानन बारो ही गौ।

प्रेरित 6:7 Referans Kwoze

प्रेरित 19:20

अइसे प्रभुको बचन शक्तिशाली रुपसे फैलतए और बढतए गओ।

प्रेरित 12:24

पर परमेश्वरको बचन फैलतए गओ और बिश्वासीन्को संख्या बढतए गओ।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

हिब्रू 5:9

मल्‍कीसेदेक यहूदी पुजारी भओ कता परमेश्वर येशूके प्रधान यहूदी पुजारी बनाएके सम्मान दइ। और जब येशूके परमेश्वर पुरा रुपमे सिद्ध बनाएडारी तओ बामे बिश्वास करन बारे आदमीनके ताहीं बा सदाकालको मुक्तिको मुल हुइगओ

रोमियों 16:26

पर अब अनन्तको परमेश्वरको आज्ञाके अनुसार अगमबक्ताके लिखेभए पबित्र-शास्त्र द्वारा प्रकट करोगओ हए और परचार करोगओ हए जा हेतुसे, कि सबए जाति बिश्वास करएं और आज्ञापालन करएं।

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

हिब्रू 11:8

बिश्वासएसे अब्राहाम नाउँको आदमी परमेश्वरको कहो भओ बात मानी। परमेश्वर बोके बुलाएके अपनो प्रतिज्ञा करोभओ देशमे जा कहिके अढाइ। कहाँ जानके हए कहिके पतए नाए पाएके बो अपनो देश छोडके गओ।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

2 थेसलोनिकी 1:8

और जो परमेश्वरके नाए चिनत हएं, और जो हमर प्रभु येशू ख्रीष्टके बारेमे अच्छो समाचारके स्वीकार नाए करत हएं, परमेश्वर उनके दण्ड देबैगो।

प्रेरित 21:20

जा सुनके पिच्छु बे परमेश्वरको महिमा करीं। तओ बे कहीं, “हे भइया, तुम जानत हओं, यहूदी समुहके बीचमे बिश्वास करन बारे हजारौँ हएं, और बे मोशाको नियम कानुन ध्यानसे पालन करत हएं।

प्रेरित 13:8

पर एलुमास जादुगर (एलुमासके ग्रीक भाषामे बोको नाउँको अर्थ जादुगर हए), बारनाबास और शाऊलके सामना करके येशुमे बिश्वास करनसे बडो हाकिम सर्गीयस पौलससे रोकन खोजी।

यूहन्ना 12:42

तहुँफिर बहुत यहूदी अगुवा येशू उपर बिश्वास करीं। पर फरिसीनको समुह डरके मारे बे जा बात कोइसे फिर नाए कहीं काहेकी औ आदमी जा बात पता पैते कहेसे फरिसीनको समुहके, यहूदी सभाघरसे निकार दित्ते।

लूका 2:34

तओ शिमियोन बिनके आशिष दइ, बाकी अइया मरियमसे कही, “देख, बा त इस्राएल देशमे बहुत आदमीके नष्ट करैगो, और बहुत आदमी बचंगे। बाके परमेश्वरके घेनसे एक चिन्हाके रुपमे पठाइ हए, तओ बहुत आदमी बाको बिरोध करंगे।

मत्ती 19:30

तओ बहुत, पहिलो होन बारे पिच्छु हुइहएं, और पिच्छु होन बारे पहिलो हुइहएं।”

प्रेरित 2:47

और बे परमेश्वरको प्रसंसा करत रहएं और सबए आदमी उनसे खुस रहएं। उद्धार पान बारेनको संख्या उनको झुण्डमे प्रभु दिनए-दिन बढाए देत रहए।

प्रेरित 6:1

बे दिनन्मे चेलनको संख्या बढतए गओ, तओ हिब्रू भाषा मस्कन बारे आदमीनके बिरुद्धमे ग्रीक भाषा मस्कन बारे यहूदी चेला गनगन करन लागे, कि प्रत्येक दिन खान बारी चीज बाँटत पेती बिनके बिधुवनको वास्ता नाए भओ।

गलातियों 1:23

पर बे सुनत रहे, कि एक समयमे जो हमके सतान बारो रहए, अब येशू ख्रीष्टमे बहे बिश्वासको अच्छो समाचार परचार करत हए, जोके बो नाश करनके कोसिस करी रहए।

गलातियों 6:10

जहेमारे जहाँ तक मौका मिलए, हम सब आदमीनके सँग भलाइ करएं; खास करके सँगी बिश्वासीनके ताहीं।

यहूदा 1:3

मेरे प्यारे सँगीउ, हम सब सामिल भए, येशू ख्रीष्टसे आन बारो हमर मुक्ति और नयाँ जीबनके बारेमे लिखनके चाँहत हओं। पर अब मए जा चिट्ठीके माध्यमसे तुमके उत्साहित होन आग्रह करत हओं, ताकी तुम ख्रीष्ट येशुमे भए बिश्वासीके स्थिर करनके औ कडा परिश्रम करपाबओ। परमेश्वर अपने आदमीनके जा बिश्वास एकए चोटीमे दएडारी हए, और जाके नाए बदलाओ जाए सकत हए।

यहूदा 1:20

हे मेरे प्यारे सँगीउ, पबित्र शिक्षामे बढनके ताहीं एक-दुस्रेनके तुमके बिश्वास करनके बेढम मदत करन पणत हए। तुमके पबित्र आत्माको शक्तिको अगुवाईमे प्राथना करन जरुरी हए।